سؤال اختلفوا عليه اهل الخبره ؟

السلام عليكم ................

بصراحه اختلفنا بالدوانيه بموضوع وارجو ن اهل الخبره البت في هذا الموضوع

السؤال هو : هل الناقه اذا كانت طيبه وحلوه وجرمها زين يفحل اول انتاجها بكرها اذا كان قعود او لا يفحل اول انتاجها
؟\

ناس قالو لا يفحل بكرها وناس قالو يفحل اذا كان جميل ؟؟؟؟

اكثر اهل البل يقولون ان ولد البكر مايفحل

ولكن اثبتت التجارب ان ماهو صح لان فيه بعير من اشهر الركاب الان امه بكر وهو وحيدان بعير ابن جهيم وهو الان ملك للامير متعب بن عبدالعزيز

مع الاخ راشد العرق

مثل ما قالوا الاخوان
ولكن السبب في ان البعض يحب يفحل والد الناقة الكبيره ولايحب يفحل ولد البكر لان الناقة الكبيره سبق وجاء عليها حيران قبل وبان طيبها من رداها بعد ماكبرت وكذلك الناقه نفسها عرفوا اهلها اشياء كثيره فيها معى كبرها هل هي فعلا ام فحل ولا ماينهد ولدها مثل عند مايشدون طرق طويله تبين البل عن بعض في المشي وكذلك اذا وردت على الحوض وكذلك في حال البرد والمطر هل هي من الي تمنح اهله وترضع حوارها ولاتضيع علومها اشياء كثيره يكتشفونها اهلها معى الوقت.
اما سالفت ان ولد البكر مايفحل ماهو صحيح وهناك الكثير من الفحول عيال اباكير مثل وحيدان وغيره غطت على عيال الفطر الي بعضها واجد عليه المقصب

صدقت ياراشد

يفحل الزين واساس الطيب

بكر ثنو ماتفرق

مع الأخوان ما يضر ولد البكر يفحل

ولاهو شرط ولد المزيونه يفحل بعض النياق مزايين وبطنها ماهو مثلها

حالها من حال الفحول بعض الفحول شكل فقط ونتاجه ........................ والعكس فحل شكله عادي

وانتاجه ذهب ويباع بأسعار غياليه الزين يفرض نفسه سواء ولد بكر ولا ولد فاطر

الزين يفرض نفسة والاصل يلعب دور

اتفق مع الاخوان

مع الاخ راشد العرق