وش حلهااااااااا

يالربع انا عندي ناقه توها والد قبل اسبوعين والناقه قبل لاتولد هي الوحيده من ابلي اللي تجيني ولاهنا اهدا منها وبعد الولاده يالربع تغيرت ابي احلبها وانظف ديدها ماتخليني اجيها حتى ولدها يااللله انها خلته يرضعها والحين اذا بغيت احلبها تنحزني برجلها واذا شافت مافيه فايده بركت وحطيت لها قيد في رجيلها وعلى نفس الطريقه ولاادري وش الحل فيهااااااا ؟؟؟


الى له تجربه والى خبره يالربع ياليت يفيدنا بها

الاخ سالم عساك سالم
اذا جيت تحلب الناقه اربطها فوق العراقيب وإذا بركت اسدحها وحلبها منسدحه انشاءالله كم مره ولاتبرك مره ثانيه

مع الاخ هادي

اخوي سالم صبحك اللة باالخير ناقتك لا تجيها ولا تربطها اتركها ان ربطتها بتعودها على النحاسة دامها هديه وتجيك تبي الحك ومقاردة ناقتك انشاء اللة هدية والبل بعضها او اكثرها يتنحس على اول اولادها وبعدين تهدي انصحك تخليها مع ولادها وتحاول تحكلها وتذوقها التمر وتسايسها وتصوت لها واترك منك الراعي لا يجيها ما ينحسها غير الراعي وباذن اللة تصير اهدا ابلك وهذي نصيحتي لك وللي ابلهم تنحس عليهم نصيحة مجرب وسلامتك

السلام عليكم

انا مع الأخ هادي العاوي لا تخلي الناقة تقفي ويستملح لبنها الناقه كلها في اول ولادها لازم تخدمها وتحلبها وتنظف ديدها واذا خلصت منها ادعها وعطها خبز وحك لها حتى تهدي الان هي حدبة على حوارها

الاخ سالم كان عندي نفس المشكله تماما وبعد اسبوعين تقريبا تحسن طبعها واجد فقد افادوني الاخوان وماقصرو عليك بالخبز والتمر وقت الحلاب



وهذا رابط يمكن يفيدك
http://www.mzayan.com/vb/showthread.php?t=6284

علم الناقة على الشمالة اربطها وفكها لين ماتهدي وحكلها وعطها خبز لين ماتامن
واحلب شوي شوي تدريجي.
ونشاء الله تهدي

هذي الحاله مرت علي في بكر اول ولاده لها

اخذ النصيحه مني اربطها من فوق عراقيبها وخل واحد بجنبك يرد راسها اذا لفت راسها صوبك

ومع الوقت بتهدا اما اذا خليتها على سنعها فماظن انها بتخليك تحلبها

اسئل مجرب

اخيك

ابوخالد

اذا جيت تحلب الناقه اربطها فوق العراقيب

وقيد ارجيلها وخله فيها على طول

انا رابطا فوق عراقيبها واحكك لها واصوت لها والله يعين باجرب ماوصيتو عليه يالربع والله لايهينكم جميع



اما نفع معها والى شليتها بونش وقمت احلبها

اخوي سالم بارك الله فيك اسمع مني ونا اخوك الاخوان ماقصرو جميع ونا اقول من ظمن قولهم عليك بالصبر لان البكر تبي وقت ومثل ماقال الاخ خالد العرجاني لاني اتفق معاة وكلامة صحيح وكلام الاخوان جميع طيب
ولاهنت يا غالي

اخوي سالم

خذ مني نصيحة لا تعود الناقة على ربط العراثيب والا ترا بتتعود وتصير نحوس وما تنحلب الا بربط وما تقدر تبيعها خلفة

ولا تعودها عالخبز والتمر والا ما يحلبها واحد

والله يعينك

]كيف حالك اخوي سالم

الشباب ما قصرو معك وانا باقول لك طريقه انا مجربها للنحوس الي تبرك اثناء الحليب

تقيد ارجولها وتربطها عندما تعطف فوق الاثفان ويكون مثل الاكس ويكون طياره علشان إذا بركت ولا قامت تفكه بسرعه ولا يجرح المواخير من الديد

واما البراك فتاخذ لك خشبه ما يقارب ثلاث اواربع اشبار وتلف عليها ابو عقيده الشبك حتى تصير مثل الكوره وتخلي الخشبه

قريب منك قريب من رجلك وانت تحلب عشان إذا بغت تبرك تدفها برجلك تحتها وانتبه للديد خلها حول البطن مره مرتين حتى تهيب

من البارك اثناء الحليب وانشاء الله معاد تبرك هاذي تجربتي والحمد لله انجحت والحين من ابرك الحلال عندي

اخي سالم صبحك الله بالخير

الربع ماقصروا جميع بس انا ما ايد ترك الناقه على سنعها لين يزين طبعها
بلعكس هذا بيخرب طبعها
على العموم اذا مافادة طرق الربع انا عندي طريقه جربتها مع نحوس فاطر وجابت نتيجة
بس الشين فيها انها بتعود عليها وهي

اعزل الناقه ابشبك قبل ودخل عليها احوارها وربطها من فوق العراقيب لجل لاترمحك
واذا درة حط لها علف وخلها تعلف وحوارها يرضعها وحاول تحلبها وعلى هطريقه لين
تجيك هي تبي العلف والحلاب .
بس العيب انك ماتقدر اتحلبها الا اذا حطيتلها العلف
والله يباركلك ابحلالك ويزين طبعها

لك التحيه

الله لايهينكم كلكم على هالطرق ولاكن مادري وش سنع ذا الناقه ولاكن الله يعين بس هاذا اللي ابي اقوله