ابي رايكم بالفحل وإنتاجه

السلام عليكم ورحمة الله وبركاته

يا أهل الخبر ويا أهل النظر ابي رايكم بالفحل وإنتاجه
الفحل رمان على رمان فحل الامير سلطان بن عبدالعزيز







صورة حالية



صور إنتاجه

رد: ابي رايكم بالفحل وإنتاجه

رقبته قصيره ولحيم
وراسه صغير ولاله عرنون
ومشربه فيه ملاحضه
والباقي حليو
وانتاجه مثله بالضبط

رد: ابي رايكم بالفحل وإنتاجه

مساك الله بالخير

.. البعير لحيم ولحيه صغير

وله صنقره .. طاقيه

غاربه متوسط واقل من المتوسط

ماله عرنون

..

ورقبته عليها ملاحظه مطلعها مهوب بزين وجلاله

..

وأنتإجــه اقل من الواسط ب واجد

اذا لقيت بعير ازين منه احسن لك ..


-

تقبل تحياتي

رد: ابي رايكم بالفحل وإنتاجه

يالغانـم عساك سالم وغانـم ..

اشكرك على تعدد الصور ووضوحهاا عشان مانظلم المعروض أمامنـا ..

وياليت الاخوان كلهم يسوون مثلـك لإن الصور بلاش ماهي بدراهم الواحد يحط صوره للمطيه ويقول احكموا ..؟!

كيف نحكم ..؟!

عمومـاً مااطيل عليـك :


نصيحة أخو / والاخوان نصحوا :

(( كان تبي تعمّر البل وتستفيد وتفيد المسلميـن اتعب على الفحل لو تسوق نص البل قيمةً لـه ))

البعير المعروض وبدون مجامله أخي الكريـم دمـر البل وتقبّل رايي .

انتاجه اللحي اقطم والمشرب قاصر واللحم واجد والعظم اجبع .

المطلوب الآن طول اللحي وزايد المشرب والرقبه المنتله واهم شي ( رقّ المطيـه ) اللي هـو ( حلا المطيّـه ) .





فمثل هالمبروكـه انا اجزم أنها لو لقـت بعيرً كفـو بتنتج انتاجً ينفعك
حيث أن الناقه عدله ورقاقه ورقبتها حلوه فهي تدور الفحل الكفو .


..

وسلامتـك .

رد: ابي رايكم بالفحل وإنتاجه

انا اقول لاتعليق بعد قول اخوي مشعل الشويش ولو مارد الا هو كفى . من غير اقصور في الباقين بس انا اخاف انه من اهل اللجنه وحن ماندري هههههههههههههههههههههههههه.

رد: ابي رايكم بالفحل وإنتاجه

مرحبا يالغانم


الحقيقه الاخوان ما قصروا ... (والشور نبع الذمه) .... انا انصحك تهد غير هالفحل ... لول مثل ما تفضل اخوي مشعل انك تبيع نصف الابل عشان عمارها وزين انتجاها

ولا في مانع تقاصر هل الخير اهل الزمول الطيبه وتضرب ... هل الخير واااااجد وعلومهم غااانمه

تقبل رأيي ودمت بخير والله يكتب لنا ولك الصالح

رد: ابي رايكم بالفحل وإنتاجه

انا اقول لاتعليق بعد قول اخوي مشعل الشويش ولو مارد الا هو كفى . من غير اقصور في الباقين بس انا اخاف انه من اهل اللجنه وحن ماندري هههههههههههههههههههههههههه.

يامرررحبا تراحيب المطر يابن حبيب ..

ماعليك زود يالقرم وحن نستفيد منك ومن شرواك ..

جعل عمرك مديد

رد: ابي رايكم بالفحل وإنتاجه

بيض الله وجهيك نصحتوا راعيه وما قلتوا الا الصحيح
البعير يايدمر يا ياعمر البل

رد: ابي رايكم بالفحل وإنتاجه

بـع الـبعيــر و أشتـر غـيـرة

البعيـر بيدمـر الإبــل دمــار

أنتــاجــــة أقــل من البـداوة بكثيــــــــر


و آسف إذا أزعجتك بكـلامــــــي


و شكرًا

رد: ابي رايكم بالفحل وإنتاجه

الشكر الجميع كل الشكر على المرور

والله تعبنا على البل تعب وصفيناها وانتجت من الفحل الكبير انتاج طيب بس فيهن قصر ( سوف انزل صور له ولإنتاجه قريباً )
الفحل رمان ساسه طيب ابوه رمان فحل الامير سلطان بن عبدالعزيز وخواته طيبات قبل العام هديناه ولا عشر منه إلا أربع نياق وجاء إنتاجه فاشل مره وجدع قعود أصفر
والعام هدينا الكبير وضربنا خمس نياق من رمان قلنا يمكن يتغير انتاجه لأن ساسه طيب وفعلاً تغير إنتاجه عن الأول فرق السماء عن الأرض

إخواني يهمني رأيكم في الفحل الأخر وهو ساسه من إبل حريب التمر السبيعي