الناقة اصعدت-ولدت وسلم الله - وش السواة؟

عندي ناقة بكر هذا اول انتاجها ولدت ولادة مبكرة اليوم الصبح حوارة نص استواء صغيرة بالحيل ولا توقف على اربعها للحين ومالها وبرة ...من فضل ربي الحوارة سالمة للحين نرضعها بالرضاعة ونروفها بالدقيقة عسى الله لا يخسر علينا ولا عليكم ولا على كل مسلم....المهم هل فيه فيتامينات او طريقة للتعامل مع الولادة المبكرة ولا مالنا الا نتفرج ونرجي الكريم الاكرم؟

رد: الناقة اصعدت-ولدت وسلم الله - وش السواة؟

عسى الله يبارك لك

في عصار " بالفم " قيمة 25 ريال موجود بالصيدلية البيطرية للمواليد يستخدم كل 8 أو 6 ساعات للمدة يومين يرفع المناعة ...

والله الحافظ ....

رد: الناقة اصعدت-ولدت وسلم الله - وش السواة؟

ارضعها وظللها وشمسها العصر والصبح ولا ترويها بالحيل ولا تكثر عليها العلاج وتحت عناية رب العالمين
تقبل تحياتي

رد: الناقة اصعدت-ولدت وسلم الله - وش السواة؟

اخوي عبدالعزيز وش اسم العصار جعل من جابك في الجنة....

اخوي حاتم هذي سواتنا من امس واليوم ولكن الله العالم ان الراعي اكثر عليها الحليب ومن عقب العصر ولا هيب بخير عسى الله يسلمها...

جزاكم الله كل خير جميعا،،،