الي عنده مشاكل في ديد الناقه والا حضاه يتفضل علاج جديد
السلام عليكم ورحمة الله وبركاته
العلم سلامتكم الاسبوع الي طاف رحة البحرين انا واحد من الشباب عندنا خيل نفحص دمها في المختبر وقابلنا الدكتور الله يجزاه بالخير وفحصنا وعطانا علاجات لبعض الحالات الي عندنا ....ما لكم في طويل عازه .................زبدة الهرج سالته عن الحضاة وعلاجها وعطيته العلاجات الي نستخدمها من علاجات شعبيه وكيماويه الى اخره .......الرجال ضحك لين بانت سنونه وطلع لي من عنده العلاج ذا
وقال العلاج ذا تستخدمه 5 ايام مع دروزين ولا تحط الدهان الاسود الي اصلا ما هو للديد لانه يسبب تهتك الانسجه ويظر اكثر من ما يفيد وعطاني دهان الي ريحته ريحة فكس البني
ورجعت للسعوديه ماني مصدقه.
يوم وصلت البل على طول 20 سم للناقه منه والا الراعي يسوق وحده ثانيه ديدها مورم واعطيها 20 سم ( الناقتين خلفات وحده فيها حضاه قديمه وديدها مورم ورم شين ما تخليك تحلب من الوجع وحده ديدها مورم ورم شين الخلف الواحد ما تحلبه الا باليدين ويوجع الناقه لي جيت تحلبه ما تخليك تحلبه الا بحبال ويالله تشيخ عليها من الوريم والشماله على كبرها ما قدرت تشل ديدها على شان الناقه تمشي)
النتيجه ثاني يوم
الراعي يحلب الخلفات بكل سهوله الورم خاف النص الى ثلاث ارباع الراعي يحلب بيد وحده ام الحضاه كانت الحضاه الي فيها خافه شوي
ثالث يوم
الوريم رايح منها الثنتين بس الحضاة اخف شوي اتوقع يبي لها علاج مكثف لكن العلاج خلص لانه 100 مل
على فكره الدورزين ما استخدمته ولا مره والدهان في اليوم مرتين.
الي ابا اوصل له الي عنده ناقه فيها حضاه والا ورم في الديد لا يفوته العلاج ذا وانصح ان يكون متوفر على طول عند راعي البل .
العلاج غالي شوي العلبه قيمتها 125 ريال وهذا رابط الشركه الي يصنعونه يمكن حد من هل الخبره يضيف شي على تجربتي الي ما اكتملت الى الحين بس نفاذ الدواء
تعليق