ياجماعه اللي عنده خلفيه في علاج البديه للناقه

ياجماعه اللي عنده خلفيه في علاج البديه للناقه

صباح الخير جميعا
ياجماعه عندي ناقه وضحاء مزيونه وشارينها والله غاليه
وطلع فيها بعد ماشريناه بفتره بديه في حياها كبر الكف تقريبا
طالعه برا وكل يوم يصب من طرافها دم
ماندري هل هي مبطيه فيها ولاعقب ماشريناه في ذمت راعيها
المهم اللي يعرف علاج طبي او شعبي تكفون يفيدنا الله يجزاه خير
مع اني يأخوان جبت لها بيطري وخيطها وقعدت تقريبا شهر
وطلعت مره ثانيه
افيدونا بخبراتكم الله يجزاكم خير
وفيه بعد ناقه عندنا ثانيه جا في عيونها مثل الغمص ولعد شافت
وحطينا في عيونها مراهم وكويناها وكنها أشلى شوي وهي توها
شكرا لكم

الموضوع الأصلي: ياجماعه اللي عنده خلفيه في علاج البديه للناقه || الكاتب: محمد الفالح || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dh[lhui hggd uk]i ogtdi td ugh[ hgf]di ggkhri

البديه مالها حل شعبي الشافي الله لكن كل فتره غسلها بماء نظيف وحاول انك تدخلها شوي وتحط عليها شبكه من برى عشان ماتتزايد

جزاك الله خير والباقين ماعندكم حلول

عندي ناقه مثلها وسألت ومالقيت حل الا الشبكه او الخياط
بس ذكروا لي بدوي من الدواسر يحزمها لين تطيح ويقولون انه علاج نهائي ولا عاد ترجعلها
لازلت احاول اتوصل له واشوف وان شاء الله ان عينت عنده حل ابا اعلملكم بموضوع خاص
الله يوفقك

يعني نبيع الناقه مقصب بس ما عاد لها حل الان

امنعها من الحشايش وقلل عشاها

وادهنها بخوا جوا وفازلين مرتين باليوم صبح ومغرب الى ان ينتهي الالتهاب


سويتها في ناقه عندي ولها ثلاث شهور ماطلعت

والله يشفيها

قلل عنها العلف عشان ماتطلع برا وتكبر .. ولم أجد لها علاج ،، بس ما فيه الا الخياط ..
كان عندي ناقه لقحة وبديتها ظاهره ،، ثم ماتت منها !! الله يعوض عالجميع .

مرحبا يا محمد


عندي ناقه فيها البديه ،،،، وكانت بديتها ظاهره ولا بركت الناقه تسحب بديتها الارض

المهم عليك انك تغسلها في ماء دافي على شان ماتتجرح وتلتهب وقت الولاده
وقطع عنها الماء قبل ملاقاها قلل عليها الما قد ماتقدر،،، والي عندي ولله الحمد ولدة
وقدها ذالحين لقحه،،،،عالج البديه من الآلتهاب وقلل الماء مثل ما اشرت لك


والله يوفقنا حنا وياكم جميع

البديه ما لها علاج والناقه الي هي فيها بديه لازم تطلع في بناتها

^^^^
أخ محمد اليامي .. مالك لوا .. ليس ضروري تطلع في بناتها ..

المشاركة الأصلية كتبت بواسطة عبداللطيف السعيدي

^^^^
أخ محمد اليامي .. مالك لوا .. ليس ضروري تطلع في بناتها ..

صدقت يالغالي

الي اعرفه الناقه الي فيها بديه سرها يلحق بناتها ان ما كان اول بطن ثاي بطن وان ماكان ثاني على ثالث وان شاء الله ان كلامي غلط كلامكم الصح وفي المنتدى معنا ناس اكثر عرف وخبره لكن عند البدو سر الام يلحق البنات في البديه

الجميع مشكورين على مشاركاتهم
اخوي بندر المقاطي ممكن تفيدني عن شخص عالجها في مستشفى الاحساء لأني كلمت ناس وشكلهم مالهم اختصاص في الموضوع ابغى رقم الدكتور المختص وكيف طريقه الحجز عندهم
ووش يسوون بها
بعدين ياجماعه ان كلمت شجاع الأكلبي الله يجزاه خير وعلمني بطريقه يقول اشعفها او طريقه الشعف
اللي عنده فكره عنها يوضحها لنا
وعلى فكره الناقه اللي عندي تراها حايل

البديه ما لها علاج

المشاركة الأصلية كتبت بواسطة محمد سالم اليامي

الي اعرفه الناقه الي فيها بديه سرها يلحق بناتها ان ما كان اول بطن ثاي بطن وان ماكان ثاني على ثالث وان شاء الله ان كلامي غلط كلامكم الصح وفي المنتدى معنا ناس اكثر عرف وخبره لكن عند البدو سر الام يلحق البنات في البديه

كلم اخوي محمد صحيح والبدية عيب شرعي بالبيع