الفزعه تكفون في أكل الوبر

الفزعه تكفون في أكل الوبر

البل عندي تاكل وبر بعضها ولا خليت من الفيتامينات والأملاح نوع ماجربته ولوهو الشري (الحدج) على ظهورها جربته والعزل ومافيه فايده والحلال في رمث واحواله طيبه بس أكل الوبر من ثلاث أسنين وعلى هل حال وغيرت العلف من شعير ومكعب وبرسيم وغيره ولا فيه فايده . أرجو الراي الطيب من راعين التجربه والله الموفق للجميع .

الموضوع الأصلي: الفزعه تكفون في أكل الوبر || الكاتب: سليمان عبدالله الشمري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.ui j;t,k td H;g hg,fv

حط لها ملح في الماء والا مع الشعير الاصفر البودره وعلق لها قوالب في الشبك خصوصا الحشو
ثاني شي عطها علاج الدود ثالث شي اكيد انك حاطها في شبوك ولا تطلع لازم البل تسرح

الحقيقة اني اعاني من نفس المشكلة من سنين ولابه شيء الا وسويته وبدون فايدة

علقت لها مكعبات الاملاح وخلطتها مع علفها كبودرة واعطيتها الفيتامينات مع الماء

والمشكلة جايه من الحشو فقط لذلك قمت بقص وبره وعزله عن الابل

ومن جانب اخر سمعت ان التمر مفيد لمثل هذه الحالة ولكن وحاليا سوف اجربه واعطيكم خبر

ولكن بالتاكيد هذا يحتاج وقت

الظاهر انها عدوى كانت عندي بكره فقط واليومين هذي اشوف اخوها استعدى
اللي عنده حل يعلمنا

السلام عليكم ورحمة الله وبركاته

عط الابل كبريت أصفر مع الاكل هذا شي جيب شطه حاره أبو ديك وحط علي الاوبر شوي مو واجد او فلفل اسود مع ماء تشوف الحشو من ياكله يحس بحراره ويجفل منه معاد يجيه مره .

وفي شغله بعد أغسل الابل بجره مع ماء وكثر الغسيل علي مكان الي تاكل فيه الابل الوبر بس أنتبه لاتغسل الابل وقت الظهر لانه حر ياصبح أو المغرب.

والله أعلم .
وتقبل مروري

البل اللي تبطي فالرمث لازم يجيها هالمرض غيروا محلاتكم وشدوا للنفود وكثروا الاملاح وتتشوفون الفرق باذن الله

انا العام الماضي عانيت من نفس المشكله

ولكن ولله الحمد لقيت لها حل جربته وابشركم لقيت نتائج طيبه جداً

وهي الجاره ارشها كل ثلاث او اربع ايام

واركز على الغارب والسنام والعيز بس في الرش يكفي

ولا تكثر ريحة تكفي

وبعد يومين او ثلاثه ارجع وارش مره ثانيه

والحمد لله نتائجها طيبه جداً

لان الحاشي اذا لقاء ريحة الجاره صد

مدة تقريباً عشرة ايام ولا فيه الي ياكل الثاني

كل ماعليك علبة جاره ومرش وقطها عند العامل وتابعه وهو يرش

والله انا مثلكم ابل الوالد مابقى شي ما سويناة

وحتى اشكال البل تشين سبحان الله بس اشوف بعض الناس

يحط زيت محروق؟؟؟؟؟؟؟ ادري غريبة بس هذا اللي شفتة

قص وبر الحشو او ادهنها بزيت محروق هذا هو الحل الوحيد

السلام عليكم اخوي
اخوي الوبر خطره كبير على الحشو لانها الامعاء ماتهضمه ثم يقعد في البطن دايم وبعدين تصير الناقه لو بعد عشر سنوات تقول فيها سمال وعلاجه شحم السيارات اللي يحطونه في الركب حطه على وبرها وبس ادهنه بكيس ولا بقفاز وتنتهي المشكله

مرحبا يابو عبدالله الحل الجلال جلل الحشوان وكثر الاملاح .

يا الربع وين أهل الأبل

صار عندي مشكله وهي عندي حقه قامت تاكل وبر أمهاتها نبي حل وجميع ما ذكر الأخوان سويته بس بدون فايده ؟؟؟؟

الحل يااخوان هو الزيت المحروق على كلام اخوي وافي

الزيت المحروق او الديزل لو انرش على الابل ذبحها وخصوصا في القيظ

اعتقد الجاره هي انسب حل مع كثرة الاملاح لان الوخام يسبب لها هالعاده القشرا

والله العالم