ابشركم علاج جربته للذيبه وتحسن البعير ويضرب

يابن عايش أبشر بالابره لقيتها في صيدلية هجر اللي مقابله السجن في الاحساء

تاريخ/19/7

والله لو اني اعرف جوالك كان شريتها لاكن قلت يمكن اشتريها ولا اقدر التواصل معك ونا كنت ماشي لدوحه

عطونا نتائج تجاربكم لتعم الفائدة

اخوي فلاح الله يبيض وجهك ويوفقك دنيا واخره رحت وجبتها لقيتها موجوده واللي يبحث عنها تراها موجوده بصيدليه هجر بالحسا مقابل السجن الله يجزى اخوي فلاح الف خير

ابو عايش ويا فلاح

انا فالرياض وأبي لي ابر اذا انتم قريبين من الصيد ليه افزعو لنا




ارسل لك الفلوس وترسلها لي لا ووصيكم يالنشاما حنا داخت رؤسنا ويتعبنا وحنا نفر الرياض ومالقينا


ماعندنا غير الله ثم انتم

والله اني بالرياض مثلك اني رحت لم الحسا وجيت ولوني داري كان جبتلك معي يالحيه الغانمه وما بينا وانا اخوك دراهم لكن بشوف اذا فيه احد من ربعي بالحسا بوصيه واردلك اليوم باللليل

مسا الخير ،،،

وجزاك الله كل خير يا ماجد والبدوان كلهم بيدعون لك وجعلها في ميزان حسناتك

بس ياليت من الاخوان كل واحد يعطينا تجربته والنتيجة الي حصلوا عليها

وشكرا

السلام عليكم ورحمة الله وبركاته
يالربع اللي جرب العلاج يعلمني متى يبدا التحسن على الناقه ان لي سبع ايام داقها بالابره ومافيه تحسن اللي عنده علم يفيدنا الله يجزاكم خير

السلام عليكم
الاخ ماجد الله يجزاك خير على نشر المعلومه
لاكن في اشياء لازم توضحها لنا
اول شي هل مفعول العلاج مازال ممتاز والبعير يبرك ويضرب بدون هزه
ثاني شي جرعة الدواء هل هو علاج من المرض ولا مسكن
يعني هل لازم نستخدمه كل فتره ولا مره وحده تكفيه

والاخوه الي استخدمو الدواء ياليت تعطونا تجاربكم

هلا اخوي فهد الحمد لله العلاج ولله الحمد يعطي مفعوله بس يختلف من ذيبه قويه وذيبه في بدايتها

عندي نا قتين ولله الحمد لها سنه ولا عاد فيها لا هزه ولا شي وهذا بفضل الله سبحانه وتعالى وللامانه كانت الذيبه خفيفه

البعير العام وحسب ما ذكرت كان يطيح على جنبه وبعد الابره بعشر ايام تقول الحمد لله ما فيه ذيبه وللاسف المفروض

دقيت الابره كل عشر ايام يعني ثلاث مرات بالشهر وكتفيت بابره وحده لاني لاحظت البعير ما شاء الله عليه يضرب وختفت الهزه

وبعد سنه اي الايام هذي لاحظت هزه بسيطة في البعير ونشاء الله معزم ثلاث ابر كل عشر ايام ابره هذا بالنسبه للمعلومات الي عندي

اما الربع الباقين الي كلموني وما زلت اخذ اخبارهم ابشرك امورهم طيبه الا واحد من اخويانا بقطر كلمني قبل كم يوم وقال ان بعيره ما كان يضرب مره وله سنتين ما يضرب من الذيبه ودق الابره العام وضرب ابشركم بس قبل يومين كلمني وقال رجعت الهزه

ويتضح لي ان الابره تفيد بعد الله للذيبه الخفيفة او المبتدئه وتساعد البعير للضراب في وقت القرو حتى البعير الي مبطي ما يضرب

بعد الله يضرب وتختفي اعراض الذيبه حوالي خمسه شهور الى سبعه شهور

المهم اخواني يالاحبه صح ولله الحمد انها نفعتنا الابره ولكن لا وصيكم يا اخوان بالغش ان اي واحد يدق بعيره ويبيعه من غير ما يذكر انه دق ابرة ذيبه هذا والله يوفقكم جميع اخوكم ماجد

كيف طريقة ضرب الابره في العضل ولاتحت الجلد؟

في العضل اخوي ناصر بن علي

لاهنت وجزاك الله خير

الله يجزاك خير ياماجد

الله يبارك لك في مالك وحلالك عند جار لي فحل طيب وفيه ذيبه بعلمه بهالعلاج وان شاء الله يطيب و اوافيكم بعلومه

السلام عليكم ورحمة الله وبركاته
الأخوان اللي جربو ابرة ماجد في هالموسم يذكرون لنا تجاربهم الله يجاكم ويجزاه خير