ابشركم علاج جربته للذيبه وتحسن البعير ويضرب

المشاركة الأصلية كتبت بواسطة محمد الدوسري

سؤال لك يا اخ ماجد ... هل اختفت اعراض الذيبه نهائيا او خفت وتحسنت حاله البعير فقط ولك مني جزيل الشكر والله يجعلها في ميزان حسناتك

يامرحبا يالدوسري
انا برد علــــــــيك بـــــدال اخوي ماجــــــــد طبعا بعد اذنه
انا جربت الابره وابشرك ان بعيري بعد الله تشافى والبعير كان
يعتنز على ارقبته ويطيح على جنبه وبين مفعولها بعد تسع ايام
واضربه بالفخذ مثل ماقال اخوي ماجد والابر فيتامين B12 ولا
منها ضرر وتوكل على الله
والله يشافي حلالي وحلالك وحلال المسلمين اجمعين

هلا ومرحبا بكم جميع
اخوي صالح العاطفي ارحب
من ناحية الابره انا استخدمتها لاني حاولت بجميع الابر والحبوب البطريه والاعشاب جميعها ولا لقيت الي في الخاطر ويتعافى البعير منها
والبعير عندي غالي ومربيه وهو حوار ومشترية من وادي الدواسر على حشيرين بعير مجدل الدوسري الي باع ابوه على الامير سلطان الله يرحمه
2400000 والله لو لقيت ابره 10000 وتعافييه لا خذها وسالت كم دكتور ولم القى اي اجابه
ورحت لصيدلية الاوادم وشتريها بعد ما سالت الدكتور وقلت عطني ابره لاعصاب الرجل
لشخص ارجوله تعبانه وتنتفظ وضعيفة قال هذي ابره وفيتامين
توكلت على الله ودقيت البعير والحمد لله
هذي القصه يا صالح وسلامتك وسلامة الجميع

عســــــــــــــــــــــــى اااااااااااااااالله يبارك لك في حلاااااااااااااااك ويفرج عنك الضيق كنك فرجت على هل الحلال


.

اخوي ماجد واخوي محسن/ هل اكرر الابرة بعد عشرة ايام او ادق الابرة يوم ورى يوم ثلاث مرات لان الدكتور وصف لي بهاذي الطريقة وشكراَ.

الإبرة عبارة عن b12

وشريتها وجربتها مع البعير ولا فيه تحسن

والله المشافي سبحانه

ولكن قد تنفع مع البعض ولا تنفع مع آخرين

كما أن الجرعة تحتاج زيادة نظراً لحجم المطية مقارنة بالبشر

مرحبا يا محسن الهاجري ومشكور على الرد..انا شريت الابر امس بس اني لقيت عشره ابر(صغيره) في كرتون واحد فياليت تقول لنا شلون طريقه الابر..يعني اخذ ثنتين من العشره ابر واضربها للبعير او اضربه خمس من كل جهه؟؟

مساكم الله بالخير جميع
الاخوان الاعزاء الابر يختلف كرتونها من دوله الى اخرى
الابر الي بالسعوديه ابره واحده بكل كرتون
والكويت يقولون عشر ابر بالكرتون
المهم تدق على كل فخذ ابره واحده فقط يعني ابرتين للمطيه فقط وتمنع البعير من الضراب لمدة عشر ايام
وتشوف ان الله كاتب له تحسن والا تعيدها عليه وسلامتكم
واي استفسار هذا رقم جوالي 0565605565

يالربع فيه شي ثاني اي ابره مخصصه للانسان مركزه
يعني ابر الحيوانات تركيزها ضعيف وهذا معروف
لا تدقون المطيه اكثر من ابرتين الا بعد عشرة ايام
وعلى العموم مثل ما قالوا الربع فيتامين ونتبهوا لموقع دق الابره المذكوره بالصوره وتوكلوا على الله

السلام عليكم ورحمة الله وبركاته
مساكم الله بالخير جميع
الليلة اضرب البعير والحمد لله والشكر لا هزه ولا انتفاضة
برك وضرب باحسن ما يكون ولله الحمد
والابره لها الان فوق الشهر والحمد لله لا اثر للذيبه
ومن ناحية الي يطلب اسم بعض الحبوب الفيتامين هذي صورتها

السلام عليكم ورحمة الله وبركاته
اخواني اعضاء المنتدى اسعد الله مساكم
اتمنى كل من دق الابره يعطيني علومه وعلوم حلاله انشاء الله انها بخير
الربع الي في الديره وستخدموها جابت نتيجه ولله الحمد
بشروني من كل الي استخدموها وسلامتكم

اخوي ماجد دقيت البعير ثلاث ابراة السعودية في الموقع الي ذكرة مع الحبوب المذكور ايضاً وعزلت البعير عن الضراب اسبوعين لكن التحسن بسيط والله الشافي علماً ان البعير يضرب قبل الابرة لكن فيه هزه هل اعيد دق الابرة؟

جزأإأكـــ الله خيــــــر ويعطيــــــــــــــــــــــــــــــــــــــــــكـ العافيـــــــــــــــــــــــــــــــه

بيض الله وجهك يا ماجد
وجزاك الله كل خير

هلا ومرحبا بالجميع
لامانع اخوي تركي بن عبدالله اذا لاحظة ان البعير باقي فيه هزه بسيطه عدها عليه
والله يشفي حلالك وحلال المسلمين

بيض الله وجهك