منافسه بين اهل المجاهيم والمغاتير والهجن .....!

المشاركة الأصلية كتبت بواسطة رجا ال بريك

المجاهيم

يامرحبا ومسهلا باالاخ الغالي رجا

ماخليتوا اهل الوضح يتهنون بالتصويت

المشاركة الأصلية كتبت بواسطة راشد العرق

المجاهيم اذا اهتوت الممشى ماعاد مشت معها المغتر الا كان تهج ولا المشي ما شام بحول لام

كنها العمانيات والحراير

وفيه سالفه عن مشي المجاهيم والمغاتير

سنة فتحو عقم الحد لهل الحلال وكان الفصام ومعه ربعه شمال وجاهم الخبر وقال الفصام لجماعته اللي معه وهم فيهم اهل مغاتير وفيهم اهل مجاهيم

يالله ياهل المغاتير والمجاهيم اليوم الجايزه VXR لراعي اول ابل تاصل العشب ولا حد يسوق ابله وكان معهم هويملي ابله مشهوره بالمشي من حرش خضير بن شامان

وقال الهويملي يالله بيوم وسعده لنا والله ان الله قاله ان اخذ الجايزه وفعلا اخذ الجايزه الهويملي وكان التنافس بين ابل الهويملي وبين وضح الفصام ويقولون ان ابل الهويملي

جات كلها معا ووصلت العشب ونفس الوقت كانت بعض وضح الفصام وصلت معها في نفس الوقت بس كانت الوضح تلمخ الدرهام بعض المرات والمجاهيم تمشي

يامرحبا ياابوعلي امرار وتكرار

سالفه رائعه وثبات من ثقات ...............الله يعينكم يااهل الوضح

المشاركة الأصلية كتبت بواسطة علي الدعجاني

الوضح لاصحنا على عد مارود//والله ان تشرب سورها بالقراوي

والسود تقفاها على يابس العود//من عسر ممشاها كبار الكلاوي

المشاركة الأصلية كتبت بواسطة راشد العرق

المجهم بكل المزايا لها الزود = وعدت على البل في جميع الهقاوي
ويوم ان عاده وقت حيضان وعدود = تعدي المغتر ولاهي تراوي

المشاركة الأصلية كتبت بواسطة علي الدعجاني

مدحت سودك كن ماغيرها ذود=وسبيت وضح ن ماعلاها حكاوي

وضح ن تنومس لاارجف المزن برعود=ونثر هماليله بجو ن خلاوي

رديه جميله ورائعه وطيبه من ارجال طيبين ولا فيهم حيله


الوعد التصويت يالنشاما

المشاركة الأصلية كتبت بواسطة مشعل الشويش

اللي عنده مجاهيم ومغاتير وش يسوي يابو خالد ..؟

ان صوّت للمغاتير زعلـت المجاهيم والعكـس .. !!

والله أن حبها طابعً فالقلب بس اللي يمدح المجاهيم يكتفي بمدحه ولايسب المغاتير / والعكس !!

..

وانا مصوّت مصوّت ولـي عـوده يابوخالد لإن المشاركه واجب في موضوعك إلا كان عذرتني هههههه...

يامرحبا ومسهلا بالاخ الغالي مشعل الشويش

منت معذور يامشعل

والحقيقه نبي فزعتك لاهل المغاتير ....الوضع صار مأساوي والضغط زاد عليهم

والتصويت مايبشر بالخير لاهل الوضح .....ضغط نفسي

المشاركة الأصلية كتبت بواسطة خالد الفالح

ابوخالد انا صوت واكيد تعرف شفي وامرادي واحب الوضح للدراهمها

واحب اذكرك بالوافيه

يومنا نورد الابل انا واياك على المدي وش سوت بذود المغاتير

خلتهم يشربون من العكر والطين وهي تشرب من الصباب

انا اشهد

ان الوضح راحن مثل الخرز

ثلاثين وضحى ....والوافيه الحالها ...والله يالنشاما شوف عيني

الوضح عند هوز الماء اللي يصب في القروو

ادحمت الوضح ...والله ان الوضح غدت مثل الحشوان لين وصلت للهوز والقطت الماء بفمها ..والله مافكت الهوز لين روت

والوضح كنها ايتام ...حاله كسيفه

ياكبر ظلمكم يااهل المجاهيم

المشاركة الأصلية كتبت بواسطة بدر النفيعي

دخلت للمنتدى وزواجي اليوم مير عاني جيتك وبقول لك ،،

بما أني راعي مجاهيم سابق والحمد الله أني أفتكيت منهاا هن كلهن عطايا الله مير يا ولد الي يزين العين ويطرب النفس ويشرح الصدر ويشوش لها الراس يوم تجيك هجيــــــــج ،،،،(( الوضضضضضضضضضضضضضضضضضضضضضــــــــــــــــــــــح ))

الله يبارك لك يابدر

انت راعي مجاهيم سابق

واشتريت وضح

ابك ليه

بعد التصويت يبي يهديك الله ...وتشتري مجاهيم


وهذا فيديو هديه لك وللاخوه المتواجدين

وهذا فيديو هديه للمتواجدين

عرض ابل الشيخ محمد ال نهيان

تم التصويت يابو خالد على المجاهيم هن والله الي يملن الروض يابو خالد

المجهم المجهم يامال الشحم اترك الجرب وخذ المجهم تم التصويييت

سودٍ كما وصف الهضاب المقانيـف = ما يوجـد الا شكلهـا فـي ديرهـا
سودٍ بعضها مـن بعضهـا بتكثيـف = ما فيه سـرٍ مـن بعيـد خشرهـا
سـودٍ حواليهـا تـدور السواليـف = هـذا شـرى منهـا وهـذا ذكرهـا
سودٍ غلاهـا صاقـطٍ بالسراجيـف = تسوي النفوس الغاليه مـن بشرهـا
وعذروبها انها باهظـات التكاليـف = ما كل مـن يبغـي شراهـا قدرهـا


تم التصويت لزينات الوجيه المجاااااااااااااااااااااااااااااااهيم

تبقى المجاهيم واهلها في الصدااااااااااااااااره

وعز لاحالكم يا هل المجااهيم

حوفكم وما قنتوها ولا كاان عرفتوها

حرااام اضلي تبوعون ابلكم المجاهيم قصب

اماا الدم البااارد انا ما قنيتها اللي ابي الوناسه مهوب ناقه ادفدفها لين تاصل المرااح

اذكر شطر من بيت يقول

( من باعها في السوق يرجع وياخذها )

المشاركة الأصلية كتبت بواسطة فلاح الخالدي

تم التصويت يابو خالد على المجاهيم هن والله الي يملن الروض يابو خالد

اللي يملن الروض عانهن في توقيعك

الله اكبر ....ياكبر ظلمكم يااهل المجاهيم .....تصوتون للمجهم ....واكثر تواقيعكم وضح

اولهم الاخ فلاح الخالدي

يامرحبا بك يافلاح ويامرحبا بتصويتك

لا خلا ولا عدم

المشاركة الأصلية كتبت بواسطة فالح خالد

المجهم المجهم يامال الشحم اترك الجرب وخذ المجهم تم التصويييت

فيكم عنصريه وعنجهيه يااهل المجاهيم

يااخي مازين واجهة منتدى مزاين غير الوضح

يامرحبا ومسهلا بشيخنا ابوخالد

مرحبا بك ومرحبا بتصويتك

المشاركة الأصلية كتبت بواسطة سعيد حمد الدوسري

سودٍ كما وصف الهضاب المقانيـف = ما يوجـد الا شكلهـا فـي ديرهـا
سودٍ بعضها مـن بعضهـا بتكثيـف = ما فيه سـرٍ مـن بعيـد خشرهـا
سـودٍ حواليهـا تـدور السواليـف = هـذا شـرى منهـا وهـذا ذكرهـا
سودٍ غلاهـا صاقـطٍ بالسراجيـف = تسوي النفوس الغاليه مـن بشرهـا
وعذروبها انها باهظـات التكاليـف = ما كل مـن يبغـي شراهـا قدرهـا


تم التصويت لزينات الوجيه المجاااااااااااااااااااااااااااااااهيم

تبقى المجاهيم واهلها في الصدااااااااااااااااره

صح السانك ياابوحمد

ومرحبا بك ومرحبا بتصويتك

مداخله قويه ورائعه

لاهنت يالقرم

للمعلومية انا ماجيت اصوت لان مافيه احد يقدر يقنع الاخر او يذكر سبب مقنع يفضل المجهم على المغتر او العكس

هنا سوف تكون النتيجة على حسب عدد الاعضاء
لان كل واحد راح يصوت للّون اللي يقتنيه

الشئ الاخر انت
ذكرت ثلاث اصناف من البل وجعلت التصويت لصنفين فقط

وين الهجن ؟؟؟