نصيحه لاهل الابل خاصه...! مابعد ازمة الشعير

المشاركة الأصلية كتبت بواسطة مشعل الغنامي

مرحبا يا اخو دعجه ومباركٌ عليك الشهر الكريم تقبّل الله منّا ومنك ومن المسلمين الصيام والقيام وسائر الأعمال الصالحة,
وأول شيء ياجماعة الخير صلّوا على رسول الله

ثانياً : حنّا أرقابنا منعاجةً في المسأولين اللي هم ملتهين في تجارتهم وفي تجميع ثروتهم بأسرع وقت ,,, وننتظر منهم الفزعة وهم مافكروا فينا لأنا بالنسبة لهم(( جهلة ورجعيين مهتمين بالحيوانات والبهايم والعالم في سباق محموم في مجال الصناعات المتطورة والعصرية ,,
لذلك لاترجون منهم خير ولاتنتظرون من أحد أن يفزع لكم .

ثالثاً : المراعي اللي قاطعوها ليسوا هل الحلال ,, اللي قاطعوها ناس منظمين ومتواصلين في الفيس بوك والتويتر وحملات على اليوتيوب وشغل متعوب عليه بعكس هل الحلال اللي لو تتفق أنت وأحدهم في مجلس على مقاطعة الشعير وتفترقون تلقاه أول مشوار يطري عليه يروح يمسك سرى على تريلات الشعير وكما قال المثل (( أتفق العرب على ألا يتفقوا)).

وأهم نقطة يااخوان وحنّا غافلين عنها هي دعاء رب السماء والأرض أن ينزّل الغيث ويبارك فيه لينبت به الزرع,, وخير سبيل لذلك هو الأستغفار كما جاء في القرآن الكريم
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا)) سورة نوح.

فلا تطلبون إلا الله ,,, لاوزير التجارة ولا وزير الزراعة ولا غيرهم ,,

وأنا أتفق معك من حيث شراء البرسيم بداية القيض يعني شهر 7-8هــ و6-7 للميلاد بكميات كبيرة وتخزينه,,,
وأضيف له التبن لأنه الآن وصل 15 ريال صدّق أو لاتصدّق اللي من اول على ريالين وثلاثه ولاعليه طلب
وشكريا على الموضوع الطيّب يابو خالد لاعدمناك.

يامرحبا ومسهلا بااخوي الغالي مشعل الغنامي

وعز الله العزيز ان كلامك هو الصحيح

كثر الله من امثالك


الله يرحمنا برحمته


ومثل ماقال شاعر الوطن ..خلف بن هذال

يالله يالي تغسل الأرض بالسيل
أغسل قلوب أهل الحسد من حسدها


وترد كيد أهل القلوب المغاليل
بنحورها وأعنا الوجود تحصدها


وأجعل لنا من باب يسرك تساهيل
مدات جودك نستمد بمـد د هـا



الله يرزق العباد والبلاد ويغسل القلوب من حسدها

المشاركة الأصلية كتبت بواسطة محمد الوهبي التميمي

مرحباً ابوخالد مره اخرى
الاخ راشد فصل الجدل واعطانا المثال الوافي في التجربه
واذكر موقف طريف مخيف بالأمس
سراوات الجنادريه لتريلات الشعير من كل جهه بادين فيها يعني مافيه تنظيم لسرا
ومسكرين عل اهل البرسيم بسراواتهم المهم عكست صفوف السراء لأصل الوصول للبرسيم
مادريت الا يوم تناتقو علي بالصياح ومن الخمه ماعرفت ارد
ابي اقول البرسيم والربع نازلين من سياراتهم يحسبوني ساقط عليهم
قلت مالك ومال تقطيع الازره رجعت ريوس لين محطه جرش
فالناس أنفسها صارات خضرا من الضغوطات وياليتهم يجربون البديل

هههههههههههههههههههه

اضحك الله سنك اخوي محمد

والله اني تخيلت موقفك ...الصراحه موقف لا تحسد عليه

الله المستعان

والله انك صادق يامحمد

اشكرك من اعماق قلبي لمداخلاتك الرائعه

اخوك ابوخالد

المشاركة الأصلية كتبت بواسطة سلطان اللويحق المطيري

يعطيك العافية وموضوعك طيب أنا بعرض لكم تجربتي الشخصية الابل من عرفتها و أنا صغير ما نعطيها شعير أبد نعطيها برسيم أخضر و يابس على حسب الموسم و لله الحمد حالها طيب و سليمه من الأمراض و نظاف أيضا الجرجير اليابس تتسابق عليه و تترك البرسيم ما أدري وش السبب أما الشعير أنا مرتاح منه و الله يريح المسلمين منه

يامرحبا ومسهلا ياابن اللويحق

عز الله ان كلامك صحيح

والله ان واحد من الجماعه عند رشاش 10 ابراج تقريبا فيه برسيم وجرجير

يقول والله يالشعير انها ماتذوقه من سنين

تصدر من المزرعه يم الحمض ..والله انها ابطان وحال طفوق الطيب

لاهنت ياابن اللويحق على المداخله

اخوك ابوخالد

المشاركة الأصلية كتبت بواسطة بدر النفيعي

انا وش الي مخليني أصيح وأنادي في ها المنتدى غير اني أقول لهم اني { ما أعلف غير البرسسسسسسسسسسسسيم } مير محد يوحي ،،

البرسيم والحمض = بدنه ووبره ولون وطيب خاطر ،،

والله ثم والله أن المطية يزين حالهاا ووبرها تقول مطلية بزيت زيتون لمعة تسر ناظرك ،،

البرسيم هو البديل الاول والاخير وهو العلف الاصح للإبل ،،

بس بشرط أشبعهاا برسيم خله يفيض وشوف كيف حالهاا بتكحل عينك فيهن ،،


يا أبوعوض بيض الله وجهك على طرح ها الموضوع ، وانا منذ مبطي ما أعلف إلآ البرسيم والحمد الله حالهاا طيبه وتسرك ،،

يامرحبا ومسهلا اخوي بدر النفيعي

مداخله قويه ورائعه من الاخ بدر النفيعي

الف شكر لك لتواجدك القوي والطيب


لا خلا ولا عدم

تم التصويت على الموضوع

تقبل مروري على الموضوع

اخوكم خالد الميموني

المشاركة الأصلية كتبت بواسطة خالد البقار الميموني

تم التصويت على الموضوع

تقبل مروري على الموضوع

اخوكم خالد الميموني

الله لايهينك ياخالد

شاكر لك تواجدك وتصويتك

مبروك عليكم الشهر الفضيل والله يجعلنا من صوامه وقوامه

بالنسبه لي من ناحيه الشعير ماااااعرفه ولا ابيه عندي هالبرسيم والتمر الحويل وابلي مردمه عليه ولله الحمد ونصيحتي لكم عليكم بالتمر زين وبر وشحم وعافيه والحيران والله من يطيح تهول من كبره ونموه يكفي انه غذا كامل وينشط الدم ووضائف الكبد

المشاركة الأصلية كتبت بواسطة أحمد التميمي

مبروك عليكم الشهر الفضيل والله يجعلنا من صوامه وقوامه

بالنسبه لي من ناحيه الشعير ماااااعرفه ولا ابيه عندي هالبرسيم والتمر الحويل وابلي مردمه عليه ولله الحمد ونصيحتي لكم عليكم بالتمر زين وبر وشحم وعافيه والحيران والله من يطيح تهول من كبره ونموه يكفي انه غذا كامل وينشط الدم ووضائف الكبد

مداخله رائعه ودليل من تجربه واقعيه

الف شكر لك يالسمي

واضافتك للموضوع اضافة فائده طيبه

ان شاء الله ان الفكره من الموضوع تصل الى اخواننا اللي يعلفون ابلهم شعير ومكعب

والله البل عندي ماتذوق الشعير غير برسيم وخبز وقصب والحمدلله أحوالها فوق الطيبه

ولله يربع لي سنين ماعلفنا شعير
زانت وبرها وقلت امراضها
وزانت احوالها
كل بفضل الله ثم البرسيم


اخوكم ابو سعد

السلام عليكم ورحمة الله وبركاتة

ماعندي اضافة للي قالو الاخوان

الاخوان كفّو ووفّو

لكن يكفي انك اذا تركت الشعير تشتري عزّت نفسك

مهزلة وذل كانك ماسك سرى عند الجمعية الخيرية

وثاني حاجة ,ماتخلى من شر كل واحد حازم خشمه ماتقول انزح وراك

بليا هاالشعير

(الخبز وش رأيكم فيه)

يالرررربع عطونا العلم الوكاد البرسيم يصعد اللقحات ولا الكلام اللي سمعناه فاضي !!‏

كلام طيب والله يخارجنا

السلام عليكم ..اخوي احمد انا حسبتها اذا كنت بتعطي البل برسيم صبح+مساء ...وحسبت طريقتي اللي انا ماشي عليها من سنتين لقيت ان طريقتك اغلى ...اذا قلنا مثلا عندك 10 نياق راح تعطيهن باليوم اربع لبنات برسيم ..لبنتين الصبح ولبنتين المساء
خلنا نحسبها سوا
14×4=56
56×30=1680

طيب تعال لطريقتي
رودس كل خمس ايام وراح نقول ان سعر الرودس 100
100×6=600 لان كل خمس ايام لفه رودس
الصبح انا اعطي البل نص كيس شابوره قيمت الكيس الواحد من (12-14)
وباليل اعطيها كيس شابوره
يعني 45×13=585
يعني ادفع شهر 1185-1680=495 ريال انا موفرها والبل بدنها طيب بالحيل [

وحاليا افكر اعطيها نص كيس شعير بدال كيس الشابوره باليل ...نبغى رايك

الشعير مانزل سعره مثل الجبل مايهزه ريح