ياهل الابل عطوني رايكم يهمني جدا (صور فحل وانتاجه )

الله يبارك لك في جملك وحلالك

الجمل يظهر لي انه بعير مقنوي ما يعيب المراح لكن ان شفت زمل أطيب اضرب نياقك عليه

بعيرك ماشاء الله تبارك الرحمن

سناد وجنب طيب
وسنامه مايعيبه لاجل ان له غارب طيب
ورقبته ماهي دقاقة لاكن عدله ومطلعها زين
وعمره طيب
راسه عليه الصغر شوي ومشربه ماهو ضافي
واول برق له(انتاج) يبين الجمل واللي يظهر لي انك تحتفظ بجملك لين تجي بناته لقوات

وهو عليه وسم طيب يمكن يلحق وراه عمق يجيب شي يدسمك


وانصحك اخوي بالمثل اللي يقول (( قلل ودلل))

للأنتاج خل تحت البعير عشر طيبات ولا ستين ردية


ومنح جيرانك جملك ولا ترد احد لو ناقته ساحلية ترى البركة من الرحمن





وموفق خير..
...
..
.

اقول ماشاء الله تبارك الرحمن

ولاني اعرف من الربع اللي قبلي

لكن ودي اشوف ام الحوار

لانه بنظري الام لها 70 بالميه من الزين

ابيعيرك كفو من غاربه وقدام . غاربه كفو ومعنقه كفو وراسه كفو ومن ذمه ضلم حضه .

وانتاجه مايلحقه كلام . الله يبارك لك فيه .

اختبرتنا يابو ثنين ..؟!

هههههههههه ..

الله يبيض وجهـك يالوافي .. ويطوّل بعمررررركـ ..

وتراني بسحب كلامي اللي قلته لـك بخصوص المزاين ههههههه ...

.
.

تقديري

مرحبا بالجميع
الله يبيض وجيهكم جميعا
ويرفع مقداركم
رفعتوا معنوياتي على البعير وانتاجه وابشركم سيكون هناك عرض خاص لكم هنا في هذا المنتدا للبل مع البعير
وصاحبها الشايب بيكون معها الله يطول في عمره ويشفيه
-------
اخي عزيز كفيت وفيت
الله لايهينك ويسعد ايامك
-------
اخي عبد الرحمن
ام المفرود طيبه وشقحا من ساس طيب ابشرك وبيكون لها عرض قريب ان شاء الله
------------
اخي ناصر الله يرفع مقدارك ويرحم والديك
---------------
اخوي مشعل لالالالا ماسمح لك ابد لكن الوعد في الربيع يجيبك الله قريب عندنا ونشوف
ونشوف من اللي ياخذ غترت الثاني هههههههههههه
----------
اكرر الشكر للاخوان الله لا يهينكم على الرددود ويبيض وجيهكم
ان شاء الله راح يكون هناك عرض للابل فيديو فى الوقت القريب
اخوكم
سلطان