بخصوص تفحيل القعدان

شكرا لجميع الأخوة على مداخلاتهم القيمة

السلام عليكم

انت تقصد ان كان زقم لاكن ابوه طيب

هذي تكون بحاله وحده اذا ام و ابوه طيبين وهو زقم يمكن ينتج شي زين ويمكن لا

مالك لوا اخوي فلاح
قصدي الله يحفظك ان كان القعود طيب ( هاد روحه) وابوه طيب ومسمى وأمه رديه... هذا ينهد والا ماينهد
والموضوع ما قصروا الأخوان اثروه وكل ادلى بدلوه

السلام عليكم ورحمة الله وبركاته
ماني بأخبر منكم بالفحول والإنتاج لكن فيه مقوله للبدو مامدى صحتها
يقولون الجمل من خواته والتيس من امهاته والطلي من قطاته
(مداخله)

~.~ لا هنت وسلمت يمينك ~.~

الي يدور الفحل لا يفحل الى ولد الفاطر هو يجي اطيب عمر واطيب انتاج هذي مجربه

وعليكم السلام ورحمة الله وبركاتة
بيض الله وجهك ياابوعبداللطيف على الطرح الجميل ولاهنت ياالنشمي

التوفيق بيد الله سبحانة
اما بنسبه للطرح البعير اهم شي يكون ساس البعير طيب ومعروف انتاجة
اذكر بعير ابن صاهود العريني بعيره عويجين عياله مافيهم كلام كلهم انتاجهم طيب

السلام عليكم ورحمة الله وبركاته

اخوي فيصل ماهو صحيح لان في مواضيع سابقه طرحنا موضوع عن تفحيل ولد الناقه البكر واذا كانت طيبه واصلها طيبه وابوه طيب باذن الله انه ينتج وفيه ناس ذكرو بعارين منتجه ومشهوره من ضمنها وحيدان .

اذا بتهد قعود شف خواته وهد

والله يالربع كلها توفيق وبركة من الله

لكن انا ياواحد لو شريت لي ناقة طيبة واعرف ساسها انه طيب ومن ابل طيب وحملتها في ظهر الدينا ووديتها فحل مشهور زين وساس
وجابت لي قعود في شكله اقل من ان يكون فحل للبل.........فالحالة هذي تمشي على قاعدة هدو اسرارها لانك تعرف ام القعود انها طيبه ومافيه اي شك والفحل كذلك اللي هذا القعود ولدة

الحالة الثانية

اذا شريت لك ناقة لقحه من رجال ثقه وجاب لك علوم الناقة ومدح لك ساسها بالحيل .طبعن الناقة يقول لك الرجال اللي شريتها منه انها ضربته في محوله السنة الماضيه في مفلاها ولا يدري وشهو البعير اللي ضربها ولايعرف عنه اي شي وجاب لك قعود طيب بالحيل على لونها طبعن والقعود ترشحه فحل 95% في الحاله هذي تمشي على قاعد هاد روحه


هذي الطريقة اللي رح اطبقها لو دار الدهر و مرت على جميع الحالتين

السلام عليكم ورحمة الله وبركاته

حبيت اضيف معلومه جديده

وهي ان البدو في السابق ما يفحلون الا ولد الناقه اللي تقود البل (اللي تمشي في مقدمة الذود عند الرحيل)

والله اعلم ما السر في ذلك

الله من فحل منتج وبعض حيرانه رديه الموضوع عل بطن بعض الابل

,عليكم السلام

ابا جاوبك اخوي فهد
من تجربتي

اذا بننظر للانتاج يمكن نلخصه في كلمتين

الانتاج يطلع زي الفحل سوى ان كان بكره او قعود
والله اعلم

انا اوافق اخوي احمد
البعير انتاجه لازم ياخذ من شكل ابوه

الاصل ناقه والابو بعير وكل الاصول القديمه تاليها فساد لانها كانت نار وتاليها رماد اذا بغيت الانتاج عليك بالفحل اللي صار له خمس سنوات وانتاجه ذهب وشف بناته فاذا كان انتاج بناته خيار ضربه او هد من اعياله الزينين اللي فيه شبه من خواته بس عاد اتعب على الام واخيرا الفحل يجيب على خواته من الجمل