وش السر يالنشاما..

للامانه اكثر من سبع سنين حلالي على الوافي و لاني بكثر لهم وحالهم زين و اذا غيرت لمكعب ثاني طلعت خواريج والعام وقت ازمت الطعام شريت وافي اكياسه متقطعه من الشمس ثم لعب فيهم الخلفات يطلع في ضرعها والبكار والبعارين في نحورها انا الحين تاكد من كلامكم انه صحيح وبداية السنه جابوا وافي حبه صغيره ولونها ابيض شوي ماهو زين بس قطعوه
التسمين الطريقه اهم من الطعام
اول شي لا تخلي الطعام يزيد نقص شوي عشان الناقه تاكل بنهم
اثنين ابدا بالطعام العادي ثم المفضل ثم اللي تحبه الخبز ولا غير الخبز
ثلاثه سرحها متاخر عشان ما ثمشي واجد جرب و تابع اول باول لين تعرف مزاجهم و شف وش يصير بس زود الحال ما منه فايده

لشعير يسمن والبرسيم يسمن
لكن تبي تردم عليك والله بالعلف اخلطه بالنخاله طبعا لبرسيم موجود

حياكم الله جمعيا والشهر عليكم مبارك
جربت المكعب والشعير والمجروش
المكعب من قطعته والحلال بخير
والان لي أكثر من ثلاث سنين
وانا اعطيها مجروش وتبن وانتم بكرامه
واحرص على البر الناعم اللي فيه حب
والله يالربع انها شحمت شحم غير طبيعي
حتى البعض ينصحني اخفف العلف مع العلم
عددها عشرة واعطيها تقريبا نص الكيس والتبن
ناقع عندها وحبة برسيم يزين الشعرة ويسمح
خاطرها وابشركم السنام شاط فالمفاريد والبل
والحمد لله وجربته بنياق ضعاف و شهر وبين
فيها والحمد لله

الشعير وزيادته بالتدريج

وشوووف ردم الشحم