البعير الوكول

البعير الوكول ماله إلا القصاب حتى لايقضي على صاحبه أوأحد من عمالته ..وحتى لوكان منتج فايدته محفوفه بالمخاطر..والله يكفي راعيه شره..

البعير المنتج ماينتحصل بسهولة ولكن يبلم البعير بلام يقدر يعلف ولا يقدر يفتح فمة زيادة ويكلف فية واحد يعامله بهداوه
لأن البعير إذا حاولت تجبره على حاجة مايبيها لازم يكون له ردة فعل
وأحسن طريقة لهداده يكون في شبك واسع بدون ماتحد عليه يعني تخليه على كيفه يضرب الناقه إللي يبيها

ماله غير الطق لين يرغي وطريقة مجربة
وبعدها تحصلة من عرض البعرين
مايحترك بس الحذر منه في كل وقت

يالربع الله ان الخزام طيب .. ان تحرك جر خزامه ولا عاد يعودها من يحس بالوجع

عندنا قلايص في الريس تجر الحلال جر وان بغيت توقفه ما وقف وما تدل الدرب إلا بعد ما ركبناله خزام

والله انا شفت بعير اكوووول عند واحد من الربع رابط السلسه بيدة
ويخليه يظرب الناقة والسلسله مايفكها ... بس يحد الناقة عليه وهي تبرك
بس تخااااف تلتوي السلسه فالناقة...!!!

ودايم الزمل فيها القشااااارة وفيها الهدواااوة
وانا اشووف انك تخليه لين يقرب منك وتعبطه بالعصا
على خشمة ...وصدقني ماهو عايدها