ياراعي المجاهيم ياراعي النظر الدعوه ذمه بين مزيونه وسليمه

الثنتين بنات فحل واحد
سليمه طول ورق وطول جنب
مزيونه جل عضاء وكبر راس
سليمه امها دوسريه
ومزيونه امها مريه من ابل العازب هذا والله اعلم
هههههههههههههههههههههههههههههه
الثنتين مبروكات وارش مزيونه بكبر الراس وسليمه طول جنب ورق

ارشح سليمه رق الزين فيها وفي بنتها

مزيونه ماعليها مزيونه

الله يبارك لاهلهن فيها

أشكر جميع الأخوان على التفاعل
بس ياربع بعض الأخوان يذكر مزاياء مزيونه ومزاياء سليمه بدون مايختار
وهذه تعتبر أجابه ذكيه , أتمنى من الأخوه الترشيح أولاً ومن ثم ذكر المزاياء

تحياتي

سليمـــــــــــــــــــــــــــــه

ارشح مزيونة
مميزاتها: الون ـ وعرض الخده ـ واقصر عيزمن سليمه
عذروبها :مردفتها طويلها
سليمه
مميزاتها: رق ـ غاربها سناد احسن من غارب مزيونه ـانتاجها حلو
عذروبهاا :عيزها طويل
والجميع من مراحن واحد والله يبارك لاهلها
وجهة نظري

سليمه

مزيونه

مزيونه مادحه عمرها

مزيونـه :

قصيرهـ / لحيـم / عظمها عظم مغتر واقصد رق عظمها وكثر لحمها ( لاحظ عظم العرقوب والساق ) ماهي بعظام المجهم لامن ناحية الطول ولا الجبر ..

سنامها آكلن واجد من غاربهاا ..

اعجبني ممشاهاا وتلّة رقبتها وطفحة لحيها وخدتهاا

وسليمـه : ارهـى طول / وارهى جبرعظم / وارهى مشرب / وارهى جنب / وعظم راسها صغير ولاحظ المسافه بين اذانيها ( مزيونه اكبر راس وسليمه اطول لحي وارهى مشرب)/ وسليمه مافيها طفحة لحي / ورقبتها كفو ..وغاربها زيـن / وسدوها طيّب ..عظمها مقبول ورقها رق لحم وهو المطلوب ..


لذلـك : انا من وجهة نظر شخصيـه ( بااختــــار سليمــــــــــه وانا واثق ) !
رغم التشابـه بينهن إلى درجـه كبيرهـ .. وسبحان اللـه ..
حتى في كلا المقطعيـن للناقتيـن ( لاحظو الماريّـه اللي اسفل العرقـوب ) ..

..

وحنا نحكم على ( مقاطـع الفيديو ) فقـط .. الطبيعه قد تختلف .. !!

..

تقبّل مروري

شكلهن بنات بعير واحد ( والله اعلم )

وكلهن حول بعضهن ..

ارشح سليمه ..

سليمه