هل ظلمت فزاعة ام استحقت المزرفل الفوز

عزالله ان فزااااااااااااااااااعة نادرة الله يبارك لراعيها فيها
ولكن ..

عن أنس قال: كانت ناقة رسول الله صلى الله عليه وسلم تُسَمَّى العَضْباء وكانت لا تُسبق فجاء أعرابي على قعود له فسبقها ، فشق ذلك على المسلمين .
فقال : ما لكم
فقالوا: سُبقت العضباء
فقال : ( إنه حقُ على الله عز وجل ألاّ يرتفع شيء من الدنيا إلا وضعته ).
البخاري- الفتح ( 6/ 86) رقم ( 2872)

اشكرك اخوي بو فيصل على طرحك لمثل هذا الموضوع

وفزاعه من نوادر البل صعب تلاقي مثيل لها

انا اذكر وقفت عليها قبل 6 او 7 سنوات

من اروع نوادر البل الي شاهدتها ولكن يجب ان لانقلل في المزرفل فهي ام الذهب نادره جداً وزينها شي لايوصف

من اهم اسباب فوز المزرفل من وجهة نظري هو تقدم فزاعه بالسن

لا والله ماظلمت غير جاتها المزرفل زين وجه وجبر ولون والناقه قده فاطر فلو ان راعيها ريحها ذا السنه كان افضل له..

المزرفل السنه هذي بختاارها على فزااعه وفزاعه لن ينساها التااريخ

فزاعه فيها من الزين إللي أهلها سبع سنين مضت
وخلاها متربعه على كرسي الفردي عدة سنوات ..
ولكن جاتها المزرفل ملكة مجاهيم الحاضر والمستقبل,
وأبعدتها من كرسي الفردي وتربعت عليه,وبإذن الله لن تتزحزح منه إلا بعد سنوات لاتقل عن سنوات فزاعه في الماضي..!!!

السلام عليكم ورحمته وبركاته
اولاً كلام الاخ سعد بن سالم عين الصواب وباقي الاخوان ما قصروا والثنتين كلها من نوادر المجاهيم بس المزرفل العام في الظفره ماخذه الثاني والي ماخذه عليها الاول اخذت الثاني ورا فزاعه في الكويت على العموم من وجهة نظري انا اقول لو اني في اللجنه كان اعطيت المزرفل الاول لعدة اسباب

1 _ سنها اصغر من سنها وفزاعه فاطر وجلب يعني حايل ما تلقح
2 _ عظمها اجبر من عضمها وخفها اكبر يمكن فزاعه اطول بس هذي اجبر
3 _راسها اكبر بواجد


هذا حسب رايي وانا بشر اصيب واخطي

تحياتي للجميع

لو المزرفل مشاركة مع فزاعة من اول سنة كان فزاعة ماعرفت الاول

فزاعة الله يبارك فيها لراعيها لكن ماتستحق ان تكون افضل المجاهيم

وهناك الكثير من المجاهيم غير المزرفل اطيب من فزاعة

قد يخالفني الكثير في رايي ولكن لا يهمني لاني اعلم ان كثير من الناس لا يعرف زين المجهم وقد لا يعرف الزين في البل بشكل عام فقط مع الخيل يا........

لاهنت يابو فيصل
وانا عندي استفسار في السنوات الست الماضيه
هل سمعنا ان فزاعه عليها خطر من منافستها
اول مره نسمع ترشيحات على فوز غير غزاعه
هذا العام وقبل الكل يقول ماعليها من المنافسين
واتمنى ان تشارك الثنتين العام القادم وسوف ترون منافسه
قويه وقد تتاخر فزاعه الى ثالث او رابع من قوة المنافسين
لها
فزاعه كبيره وزينه وهذا العام في قمة زينها وجاهزيتها
ولكن مالها جاذبيه
والسنه الجايه بنشوف منافسه كبيره وقويه على فردي المجاهيم
ويمكنيطلع ناقه ولا اكثر من ناقه اقوى من الثنتين
وانا اتوقع ذلك

تستاهل المزرفل الفووووز 100%

المشاركة الأصلية كتبت بواسطة حاتم العماري

فزاعه ومزرفل حايزات على الزين كله
لكن قوة فزاعه مقابل المزرفل في الجبر والطول واتوقع انها بتمر سنين طويله ماله مثيل
وقوة المزرفل مقابل فزاعه الراس والسن والعرض
من ناحية الترتيب فلا اعتقد ان هناك ظلم لان اللجنه تحكم عن قرب وبالتفصيل
تقبل تحياتي

اشهد انك صادق يا حاتم وكلامك عين العقل

المشاركة الأصلية كتبت بواسطة جابر ال جابر

لو المزرفل مشاركة مع فزاعة من اول سنة كان فزاعة ماعرفت الاول

فزاعة الله يبارك فيها لراعيها لكن ماتستحق ان تكون افضل المجاهيم

وهناك الكثير من المجاهيم غير المزرفل اطيب من فزاعة

قد يخالفني الكثير في رايي ولكن لا يهمني لاني اعلم ان كثير من الناس لا يعرف زين المجهم وقد لا يعرف الزين في البل بشكل عام فقط مع الخيل يا........

فزااااعه تبي تبطي سنينك ما كحلت عينك بمثلها

:: لعلمك المزرفل العام ماخذه الثاني في الظفره واللي خذت الاول على المزرفل شاركت مع فزاعه في مزاين الكويت وحذفتها فزاعه وراها ::

ولا انسى المزرفل فيه فرديه تستاهل و تملك ميزه واحده فقط عن فزاعه ( كبر الراس ) وباقي الميزات كلها في صالح فزاعه

الله يبارك لبن مرسان وعزالله انه يستاهل .. وحظ اوفر لأبن شايع .. والوعد قدام

فزااعه اخذة حقهااا في السنواات الماضيه والمزرفل تستحق الفرردي هذه السنه وبقووه

ولكن حالها حال النايله وسلطانه فرديات فنجال سابقن وحالين مع المواط

سلطانه كانت محتكره الفردي جاات بكره هيف ضني اسمها الحاكمه واخذتها

ثم احتكرتها لعدة سنواات ثم جاات حشااره وراحة حشااره مع الامير وبعدها مضيمه ولمدة سنتين وبعدها الان خزاامه

فا انا ضد احتكااار الفردي او تجديد الدم مطلووب ولو قعدت النااقه كم سانه على نفس المركز سووف نمل وحلووو يجي في المزااين تناافس هذا اللي يبيه الجمهور

سلام عليكم انا اقول ان هذي عطايا الله كلها فيها خير وبركه وجمال مايوصف لاكن حنا نعرف البل واهل ابل من قديم ونعرف وكلن له راي ويقوله ولحدن يقول انا حاكرن الطيب كله لاكن بالنسبه لفزاعه والمزرفل ولايهون احد من ملاكها فزاعه تستاهل وراعيها يستاهل لاكن فزاعه احتكرة الفردي لمدة ست او سبع سنوات محد اخذها لان ماشارك معها ابل تنافسها اضن بعد ان بعض السنوات انها تشارك لحالها او معها وحده او ثنتين لاكن المزرفل تستحق هالسنه الفردي 100% ولافيه شك اوجدل مافي فزاعه قصور لاكن غطة عليها المزرفل بميزات عده منها كبر الجرم وجل العضم وطول السبال والجمب والسن له دور وفزاعه لوجاء ابل منافسه معها من قديم ماكان هذا مستواها وتستاهل بالنسبه للي يقول ان الي اخذت الاول على المزرفل في الظفره اخذه الثاني فالكويت بعد فزاعه اللجان تختلف والانظار تختلف والكويت مزاين توه مبتدي وينقصه بعض الخبره من اللجان و الزبده الي عطا المزرفل الاول عاااادل بكل ماتعني الكلمه ..

بوجهة نظري فزاعة / لان كل مافيها زين وعذروبها سنها / واذا االمزرفل افضل راس ترا راس مغيضه بنت الباتل ماشفع لها وهي افضل من مضيمه راس
وبالنسبه للاخ / جابر ال جابر
اسلوبك ماهو اسلوب نقاش ان لم تكن معي فــ أنت ضدي خليت ان الناس ماتعرف زين المجهم مايعرفه الانت
هذا مو اسلوب تقول مع الخيل ياشقراء علشان ما توافقو معك
وبعدين فزاعه احتكرت الفردي لست سنوات ودخل معها منافسات بس الزين يفرض نفسه واللجنه خلال السنوات الست الماضيه تغيرت مع رئيسها وتبقى فزاعه هي الاولى وفي مزاين الكويت الاولى يعني حتى اللجان مع الخيل ياشقراء .

السلام عليكم
ياطويل العمر فزاعه ضرها ذا الزمان انها فطرت جدا
ولون المزرفل دخلت معها عاما وغدام عاما ماكان قدمت عليها
والضفره يوم فازت على المزرفل مهيب ازين منها لاغير اكبر منها وطول منها وارقتها اطول
والمزرفل قويه ذا الزمان واجد
والمزرفل تستاهل الفوز على فزاعه