ماسر سواد ولمعان شعرة المجاهيم

مرحبا

بالنسبه لتجربتي بالمجاهيم وسواد الوبره ولمعتها يبي تعب كثير الي هو..

1- تغسل الناقه كل شهر بشامبو ((العبايات)) الاحمر الاصلي وتفرك بالفرشه

2-الجلال على متنها دايم ويفك كل يومين لتهويه وبرتها

3-تغر الناقه كل شهر زيت السمسم مقدار الغرشه نص لتر

4-فيتامينات الوبر مع الماء تحصلها عند البيطري

علمكم ياهل المجاهيم عند هل الخيل لا تعدونهم وهم الي يدلونكم

تقبلوا وجهة نظري

عمر الناقة الحسكا الحرشا ما يجي فيها لمعة

إذا هي وبرتها سايبة و ناعمة فنعم و يرجع ذلك إلى الجلال و صحة الناقة و نظارتها

و إللي قالوا شامبوهات و فيري و ما أدري يمكن بعدها واحد يقول نصبغها بقار فأقول لو خليتم قروشكم و عبيتم بها بنزين كان أحسن والا علفتم بها المزايين

بحكم خبرتي في الخيل ... بعطيكم سر الخيل .. ولا ادري عن الابل

بالنسبه للخيل فبذور الكتان هي السر اللي يجهله الكثير

يجعل الشعره تصقل صقل


بالنسبه للابل فالتحليق والغسيل له دور كبير

وانشدوا هل احد استخدم بذور الكتان مع الابل