الضــــــــــــراب لقـــيه واختلاف اهــل البل فيـه

البكره الطيبه لا انصح بضربها لقيه

اما الي يبي الانتاج ولا يهمه العمر يضرب

والبل سبحان الله تختلف فيه الي يطول بعد ضرابها وفيه الي يكسر ولا يطول

على العموم هي بركه وتوفيق من الله ولا هو مقياس واضح لكن الاغلب تكسر اذا ضربت لقيه

اهل البل الطيبه غالباً ينتظرونها ثنيه وتضرب

اذا انحد الرجال بيضرب لقيه سواً كما تفضلت لقيت بعير طيب وبغيت تضرب منه ولا لقيت غيرها او لكثره الانتاج او العجله الي مافيها خير

انا لي تجربه في الضراب لقيه ولاعاد راحت ديره

دمتم بود وشكراً ياسلطان على الموضوع الطيب

يــاســلـــطــــان ..والله ان في ناس مايضربون ابلهم الا ثنايا بـس يجي في الناقه طول ماتتوقعه

لــكــــن الــضــراب لــــقيـــــه مـــاهــــو بــزين ..لان اكثر الابل تكسر ولا عاد تطول

احسن وقت للضراب جذعـه

واذا انت مهوب مستعجل عليهن الثنايا احسن واااااااااجد !!

تـــقــــبــــل مــــروري و رايي

طبعا ( لا )
إلآ في حالة عمر اللقية طيبه وطولها ناهي وجبرها زين أضربها ولا عليها خلاف ،،

اشــكر الجمـيع من صــــواات

ومـن اعلمنااا برايــه وبيـــض الله وجـيهكم

لا والله معارض وبشده .... والتجربه خير برهان سواء عمرها طيب ولا دون

الضراب جذعه ممتاز لانه اكتمال النمو

الاخ سلطان ولا يهونون الربع

اذا اللقيه عجم اشواط رئيسيه وكل مزاين تبي تروح له وتشارك فيه لاتضربها لقيه ولا جذعه لان اللقحه مسكينه ولا عادها تعرض وتذل من كل شي عند اغلب البل

وتحنها من شلها وهي لقحه


واذا عجمك مقنوي ولا هي بعجم مزاين فاذا يسرت لاترد البعير منها خصوصا اذا راحت للبعير وابركت تحته
والله مابعد رديناها من الضراب ولا غلبتها اللي عديت من الضراب بالكبر

اضربها البعير وهي حقه ماهي لقيه والان من اكبر الابل
واللقيه ناقه ماعاد عليها خطر من اللقاح

والبدو يذلون على اللي جرمها صغير من اللقاح من الخوف لا تعسر عند الولاده ولا الراهيه اضربها ولا هو برادها من الكبر ولا من الزين

مثل ماقالوا الأخوان
اما اللقية الزينة اللي تشوف ان فيها زين خلها الى ثنية او اقل شيء جذعة

اما البكرة العادية اضربها لقية ولاعليها

انا اضربتها قبل سنتين لقية وولدة والآن من احسن خواتها اللي مالقحن الا جذعات

الا اذا شفتها عمرها صغير ومنغطه امهلها سنه لعلها تظهر زيادة.

وتقبلوا تحياتي

بسم الله الرحمن الرحيم


بما ان كل واحد من الاخوان يبدي وجهة نظره

فأنا واعوذ بالله من كلمة انا

اويد وبشده عدم ضرب القيه

وخير الامور الوسط الجذعه

والشرع المطهر شرط ان تكون الاضحيه من الابل الثنيه التي قد كمل بلوغها

والجذعة ان الله كتب لقاحها تلد وهي ثنية .

وانا اشوف من خلال الردود لو وضع تصويت

كان رجحت كفت اهل الجذعه على اهل القيه .

وسلامتكم

المشاركة الأصلية كتبت بواسطة سلمان العتيبي

لا والله معارض وبشده .... والتجربه خير برهان سواء عمرها طيب ولا دون

الضراب جذعه ممتاز لانه اكتمال النمو

ارحــب ياسلمااان

أنا شخصين اضربة عندي لقيه ورايه فيها ضعف في النموو الان والله انها اطول البل

شرفــني مرورك يا القــرم ولاهــــــــنت

المشاركة الأصلية كتبت بواسطة راشد العرق

الاخ سلطان ولا يهونون الربع

اذا اللقيه عجم اشواط رئيسيه وكل مزاين تبي تروح له وتشارك فيه لاتضربها لقيه ولا جذعه لان اللقحه مسكينه ولا عادها تعرض وتذل من كل شي عند اغلب البل

وتحنها من شلها وهي لقحه


واذا عجمك مقنوي ولا هي بعجم مزاين فاذا يسرت لاترد البعير منها خصوصا اذا راحت للبعير وابركت تحته
والله مابعد رديناها من الضراب ولا غلبتها اللي عديت من الضراب بالكبر

اضربها البعير وهي حقه ماهي لقيه والان من اكبر الابل
واللقيه ناقه ماعاد عليها خطر من اللقاح

والبدو يذلون على اللي جرمها صغير من اللقاح من الخوف لا تعسر عند الولاده ولا الراهيه اضربها ولا هو برادها من الكبر ولا من الزين

ارحـــب ياراشــد هذا هو اللي محيرني طال عمرك ان بعض اهل الابل يقولون البكره ليمن ضربة

وقف عمرهاا وانا سبق وانا جربتها واضربة بكره لقيه والله مامنعها من النمو ابد والان من اطول الابل

اكـيد انا ابلي ابل متوسطه الزين الناادره منيب مضربها الا اذا شفت ثنايها اذا قعدت عنـدي

شــرفـني مرورك يا راشــد والله لايهينــك يا القـرم

المشاركة الأصلية كتبت بواسطة منير البقمي

مثل ماقالوا الأخوان
اما اللقية الزينة اللي تشوف ان فيها زين خلها الى ثنية او اقل شيء جذعة

اما البكرة العادية اضربها لقية ولاعليها

انا اضربتها قبل سنتين لقية وولدة والآن من احسن خواتها اللي مالقحن الا جذعات

الا اذا شفتها عمرها صغير ومنغطه امهلها سنه لعلها تظهر زيادة.

وتقبلوا تحياتي

ارحــب يا منيـر

صـدقة وانا خوك اللي جرمها صغير تمهل لين تروح جذعه

اما الراهيـه وش يردها من الجمـل ولاهوب انشاء الله باموقف عمرها

شرفــني مرورك يا القرم والله لايهيـنك

ارحب ياغالي

ضد اضراب اللقيه

والاسباب ماقصرو الاخوان ذكروها

تبا العلم ضرررررربها وماجاك عندي

وش بيصير ان غلبت الروووم صارت هجره

خلها طال عمرك لاجت جذعه الا تحتها بكره ترد عليك وتنفعك

هذاك اول الابل ماتلقى اعلاف مغير يحترون المطر اما اللحين اعلاف وخير

والله يجيب المطر انشالله

بس اللقيه لا تضربها الافاخر الوقت تصير تولد متاخره وبيصير حليبها شوي مايضر حوارها

وبالتوفيق

من واقع التجربه

لاتضرب اللقيه ضرب من جذعه وثنيه

قبل العام اضربنا لقيه ولقحت ويوم لاقت والناقه تردى حالها ودار الحول ماودلت واستبركت عيت تقوم وشكينا ان ولدها مات في بطنها

وجبنا لها الدكتور وقال لازم نسوي لها عمليه نخرج الحوار وراح يجيب مستلزمات العمليه ويوم جا لين البكره مودعه

قال الدكتور اكبر خطا تضربون اللقيه لانها غالبا لم يكمل نموها ويصير الحوار اكبر من بطنها


اتمنى اني افدتك

يااخوان الناس الاولين ماخلو شي يقول شالح بن هدلان مخطبا ابنه ذيب في عرض قصيدته تكسب لي اللي لاقح عقب عدا طويلة النسنوس حرش العراقيب
معنا لاقح عدا يقصد بذلك ان الناقة تلقح جذعه ومافوق فلذلك فهي تكتمل في الطول فانا انصح بعدم اضراب الناقة وهي لقية