رايكم في القعود

هلا بك ياعيد ورايك محل احترامنا وتقديرنا
ولولا اختلاف الانظار بارت السلع
والزين اللي انت تقول معروف وبين للكل
لاكن ياخوك سدد وقارب
وعلى ماقال العين بصيرة واليد قصيرة
الزين البين غالي جدا جدا
وراعي الحلال مايفك اطيب مراحه
والله يوفق الجميع

المشاركة الأصلية كتبت بواسطة عيد العوني

يا اخوان الراي والحكم على الصور المعروضه وقد اعطينا وجهة نظرنا وللامانه انا اشوف القعود عادي وعادي جدا ايضا واهل العرف والحلال قد تجاوزوا مثله لما هو افضل منه شكل وساس والاخ مترك طلب المشهوره لانه يبي يهده فحل والفحل صعب ولا كل قعود يصلح ويقال عنه فحل طيب ويهد هذا وجهة نظري وتقبلوها برحابة صدر ولكم دعواتي بالتوفيق

بيض الله وجهـك ياعيـد .

وانا اتفق مع اخوي عيد في كل ماقالــه ...

الحكم على الصوره فقط . ومازلـت مُصرّ على أن القعود عااااادي جداً ولايصلح فحل على شكله نهائيـاً ...

ووجهك ابيض يا اخوي مشعل وكل عام وانتم بالف خير انت واخونا صعفق الدوسري وكل الاخوان ولكم تحياتي

ياجماعة الخير القعود رقبته موب عنجا القعود هذا رقبته ركزا
وراسه وباقي تركيبته عااااادي
وانصح الاخ صاحب القعود قبل ان يقدم على امر ان يستخير علام الغيوب سبحانه.

السلام عليكم ورحمة الله
اخوي مترك من العايدين والفايزين انت وجميع الاخوان
من وجهة نظري الخاصه ان القعود عذاريبه اكثر من
مقومات الزين فيه لذلك ارى إنه مايصلح فحل
الا اذا كان ابوه من الركاب اللي عليها الكلام وامه موقفه
ومزاين فهذا كلام ثاني والعلم عند رب العالمين والله يوفقك ويكتب لك الصالح

اخوي مترك عطنا فيديو للقعود وعلمنا وش سنه؟
تقبل تحياتي