تطبيع الناقه للحليب

ان كان هي فاطر ماراح تتطبع إلا أن يشاء الله وإن كان هي من السدس إلى اول فطر يمكن تطبع وّإذا كان ديسها عزوز وقوي فهنا المشكله اللي مالها حل لأنه يجزعها كل ماحلبتها وأما اذا كان هش فإن شاء الله أنها تتطبع ومثل ماقالوا الأخوان القيد والعصب اللي فوق العرقوب يشل رجلها اللي ترمح بها .وان كانها تبرك حط تحت فخذها فوق سويلمها أثناء البركان عمود مربوع خشب مهب على الارض مباشره لكن بين الساق والفخذ يعني هي اللي تضغط على نفسها واذا حست العمود راح تقوم على طول وتتوب مابركت اثناء الحلب وسلامتك

ياخوي ططبيع الناقه جدا عقل رجلينها وخل الحبل قصير وسط يعني وبعد ما تخلص التعقيل المعروف راح تبرك اضربها بشده علشان تقوم وستمر على الحال الين تمشي

التطبيع ماهو بالعفرته وبعض ألبل راسها ايبس من راس راعيها
قيد وللبكر والثنو فقط ام تجيب لي فاطر وتبي تطوعها هذا مستحيل
كلام الاعضاء ساحة عراك مو تطويع

انا اخالف الاخوان اللي يقولون الفاطر ماتطبع على الحلب
من واقع تجارب وبالنسبه للي تبرك مثل ماقال اخونا الغنامي العمود مفيد
وافضل شي انك تحلبها بالغصب بدون اي ربط حتى لو تحلبها في الارض
واذا مانفع اعقلها ورسنها
واذا مانفع اربط عصبه العرقوب اليمين وبتكي على رجلها اليسار معاد تقدر تحركها
واخر حل قيد الارجل

يااخوي لاتبهذل نفسك بالحااله هاذي ربيلك بكااار وريح بااالك وعلي تربيتك