اختلاف في وجهات النظر بخوص ناقه واجرو المشاركه

الاخوان عبدالعزيز العصيمي وعبدالعزيز الصالحي ونواف الحربي ومحمد بن رشيد اسعدني مرروركم لاهنتم
وتقبلو تحياتي

بيض الله وجه طلال وابن هدفه .........اما لونها صفرا

اللون صفرا 100% ولا أختلاف على ذلك
الــــــــــزين 60 % والله أعـلـــــــــــــــــم
السعر ,,,,, أتمنى تقديره من باقي الزملاء

الاخوان ثاني وعبدالله اسعدني مروركم ولاهنتم
وتقبلو تحياتي

بصراحه ..

انته شو كان جوابك ..<< نعقد صفقه .. وش رايك

انا بقول جوابك ..بس تعطيني النص بالنص .. <<< هاه .. وش قلت اخوي ..هاهاها


بالنسبه ليه .. بصراحه ما ليه في غير في العمانيات .. ولا ابا اظلم الناقه .. بس كانه يهمك رايي

الناقه اشوفها صفرا على حسب علمي في العمانيات

وثاني شي تقاطيع الناقه حلوه ما شاء الله عليها .. بس شغله وحده ما عجبتني فيها .. رقبتها قصيره نوعا ما .. ولا الباقي ما شاء الله عليها والصلاه على الرسول .. ما فيها كلام ..راس وتقاطيع ما غير طول الرقبه وبس

والله يبارك لكم فيها .. ويجعله خير الحلال

اللون الواضح انها صفرا

وشكلها طيب وقيمتها غاليه خاصه ان كانت ماهي حايل

والله يبارك لراعيها فيها

مرحباء اخوي جدعان انا اختلف مع الاخوان الناقه شعلاء 100%

السلام عليكم ورحمة الله وبركاتة

الواضح من الصورة والله العالم

الناقة لونها صفرا
بالنسبة لنسبة الزين من المتوسط وفوق شوي
( حيث قطعة الناقة زينة معدا راسها دون وشي )
اما من ناحية السعر من 20 الف وفوق اذا كانت ماهيب حايل

صفراء والناقة طيبة الله يبارك فيها
وناقة من كل ماتجيها طيبة الا وجهها ماهو ضافي وعلى الطبيعة اطيب

انا اقول شعلا
ولا هيب صفرا
الناقه طيبه ولاهيب سناد وتصاغر رأسها وقيمتها على حسب وشهي لقحه ولا حايل وعلى حسب سنها

الناقة شعلا حسب الصورة
الزين اعلى من الوسط
الله يرزقك

اخوي جدعان الناقه مشبهانيه وهي اقرب لها الصفر وتمشي معها

لكن بالنسبه للصفراء اللي يقالها صفرا هي الدبسا

بالنسبه للناقه اذا كانت سالمه العذاريب وصغيره تجيب حوول 25 الى 30

السلام عليكم
اخواني الكرام
صراحه لونها محير بين الصفرا والشعلا
انا اقول لو حطيتها مع الصفر صفرا ولو حطيتها مع الشعل شعلا
بس الاقرب انها شعلا على حسب الصوره لان لايوجد بها شعره سودا ابد
والناقه طيبه بالحيل بس حايل ومثل ما يقولون البدوا( لاحالت زالت )
اما قيمتها فسمحلي عنها
شكرا لك

السلام عليكم ورحمة الله وبركاته


انا اايد الأخوان الي قالو ان الناقه شعلا ماهي صفرا

الصفرا يخلاط وجها ومتونها وشعفت السنام اللون الأصفر والناقة مافيها مخالطة للون

والناقه ما انبتت عليها الوبرة الجديده حتي الواحد يقطع الشك الشعله من تنتف وبرتها تقارب للصفار مثل الوضحة

من تحلق ارقبتها ومتونها يخالطها شقاح مثل الصفرا الدبسا من تنتف وبرتها يخالطها السواد ما تفرقها عن المجهم الي بالأذن والجرم

والشعلة والصفرا محد يقدر يقطع الشك باللون اللين تنبت الوبره كاملة مثل الشقحة والحمرة

لاكن الناقه الوبره ( القديمة ) الي في شعفت السنام شقراا فتصبح الناقة شعلا

بالنسبة للزين انا اايد كلام الأخ الي قال الناقة عمرهاااا طيب ....... الين تجي عند وجهاا

السعر على حسب الرغاب ما ينعرف قيمتها

الناقه صفرا وزين وسط
والواضح الناقه رملا لم تنجب من قبل
او بمعنا اصح ماجانت الحوار
والحايل مشكله
والسعر مثل مقالوا الاخوان
وتقبل مروري