لنتحد ضد العمالة الوافدة في مجال الابل

السلام عليكم ورحمة الله وبركاته
اخي العزيز سعود انا لم اقصد بان العامل الاجنبي اني اطهره من مالديه من اخطاء او السعودي ولاكن الي لايخاف الله يجب ان تنتبه منه وتحذر منه من اجنبي او سعودي ..؟؟
الي حاب اوصله ان النظام كله تبع الاستقدام او نظام العمل بالسعوديه فيه اخطاء كثيره وفجوات اكثر ومثل مانت شايف الناس تسرق عيني عينك وترفع الاسعار والمسؤلين ووزارة التجاره والزراعه نائمين وانت تبي الجوزات او المتخلفين تاخذ العمال المتخلفه مثل مانت شايف ارتفاع الشعير من 13 الى 32 ولا عندك احد طيب ياليت تشوف سوق الجنادريه وما ادراك بالجنادريه بسوق الابل الواحد يطلق ويحرم على عياله انها الناقه سنه كذا او على بعير كذا او انه شاريها بالمبلغ كذا فكله كذب بكذب ولا تلقى سعوديين متلامين بسوق الجنادريه وبالحراج عشان السودانيين مايبعون وطبعن الشريطيه مايبون احد يزود عليهم عشان يكنون الوحوش الي يلقطون راعي الناقه المسكين الي جاي محتاج ويبي سعر زين والشريطي بالجنادريه يدق سعره ازود من النصف ويطردون السودانيين عشان مايزاودون فيها والدعوى حسد وكذب وكله دجل عشان يسيطرون على السوق الشريطيه ولا احد يبيع أي ناقه الى على كيفهم .
وبعدين اخوي انت احق في بلدك ولاكن الرزق من عند الله والله ثم والله لو كتب لك رزق من عند الله لرزقت لو يكون البلد تعداد سكانه يفوق المائه مليون ولاكن خلونا نبعد الحسد والارزاق مقسمه من عند الله وكل شي مكتوب وبعدين الاجنبي الي نشوفه يقل ادبه او هارب او عليه مشكله نبلغ عنه الجوزات او الشررطه هذا ابسط شي . وبعدين فيه للاسف سعوديين انا لقيتهم يساوم ويتكلم مع عمال ناس عشان يطلع العامل من محل رفيقه والله قله حيا وقذاره وحرام ولاهي رجوله ولا مفخره المقصود كله حسد حسد ؟؟؟؟؟؟؟؟؟؟ يبي العامل الجيد يكون عنده ولو يطلعه من وسط المراح .؟

اشكر الجميع واسف على الاطاله .

اخوك ......................... عبدالله

والله انا مع الاخ عبدالله العلي اتركو الناس تترزق الله مادام هو نضامي ولديه اقامه ودخل للبلد بالشكل الصحيح

يعني جامن الباب وليس مثل بعض العمال ياتون بطريقه غيرصحيحه هذا الكلام يضرنا ولا ينفعنا لعلمك هوماجا

من بلاده الا ضاقت به ونحن نضيق عليه اكثر والله ياخي العزيز ماتستفيد شي من ابعاد الوافدين على قولتك

اي خير اتركهم يترزقون الله والله يرزقنا معهم واللي كاتبه الله لك رايح يجيك اتمنا ان كلكم توافقوني

الراي ونبتعد عن التضييق على الناس تحياتي للجميع هداني الله وياكم للحق ومساعدة الناس

بســـــــم الله الرحمن الرحيم

اخوي عبدالله اشوفك مركز على رزق العمالة ونسيت ان هالعمالة هي عماله سائبه
هل فكرت باهل الحلال اللذين يدفعون الفيزة تلو الاخرى و يتفاجاؤن بان العامل دخل
البلد ويبيع ويشتري دون محاسب او رقيب فهل بحثنا بالسبل التي تحد من هالتلاعب اصبح
منع للرزق اخوي عبدالله

حياكم الله وانا بتكلم من ناحية الرعيان وحاجة البدوي لهم.

البدوي يضطر للعمال المتخلفين لان ماعنده مجال ثاني كل يوم يجيب هندي ولانيبالي واذا تعلم حط رجله يعني يجيك بدون صنعه ويتعلم الصنعه سواء راعي وللا طباخ ويسري ويخليك فما عندك حل الا انك تجيب من هالمتخلفين وتمشي حالك واناادري ان هذا ماهو كلام المواطن المثالي ولكن لامجال للمثاليه مع التسيب الحاصل من الجهات المسئوله.

بســـــــــــمالله الرحمن الرحيم

اتشرف بمرورك اخوي علي فعلا نبي اهل الحلال يتكلمون ولاينسون السودانيه وفعايلهم
من تضرب بهم وبعدها هروب للاسواق والنقل فتجدة معه سيارة نقل ومهنته راعي ولافيه
ديرة ما يمر عليها ويشري منها والكفيل حيلته فقط يبلغ ويقدم غيرة وعلى هالحال اين الجهات
المسئوله في الاسواق ومراكز التفتيش المنتشره على الطرق من العماله الهاربه والسائبه وحتى
اللي فاكه عمه مانبيه يترك حر لان جميع العماله تبي مثلة فالنيجة ياتفكه او يهرب لذلك يكون الحل
مع العامل اللى انتهى عمل كفيله ولا يبيه اما ينقل كفالته او يسفره لبلده

العماله يوم شالوهم من السوق ماعاد ودك تدخله لالقيت السعودي لو انها بعشره الاف المطيه قام يمد العصا 150.000 وهي ماتستاهل

وحسد السعودي ظد الاجنبي خلهم يشترون ويترزقون الله


والله مخطين

فعلن ياجماعه العماله المخالفه لها مساوئها واعتقد هذي مايختلف عليها اثنين لاكن العماله النظميه ايش

المانع انها تبيع وتشتري في السوق كلن يخذ رزقه والله سبحانه هو موزع الارزاق

من ناحيه اقتصاديه الي شفته واعتقد الجميع شافه انه فيه فرق كبير بين سوقين في الشرقيه

سوق الاحساء وسوق الدمام والفرق واضح في قوة البيع والشراء بسبب وجود اهل البلد و العرب

واهل الخليج

المقصود سوق الاحساء اقوى حركه وانتاجيه اماسوق الدمام تلاحظ عليه الركود وش السباب؟؟؟؟؟

بيض الله وجهك ياسعود الهروب مشكله و
المشكله الثانيه في أهل الفيز اللي يبيعونها في السوق السودا

سبحان مقسم الارزاق

ما لعب في سوق البل الا ابن البلد

ماسك له عصا ويخبط بها الارض ولايقنعه الا عشرة الاف

واذا جاء يشري يكسر حلال المسلمين

اما الزول فسمح اذا باع وسمح اذا اشترى

موضوع هام جداً ؟؟؟؟؟؟
والمشكله فقط في العماله السودانيه يجيك من بلده على انه يسرح معك يجلس كم شهر اما هرب او جابلك الضغط بلكي تفكه او يقولك انها ماتوفي معه طيب انت عارف انها ماتوفي ليش جيت من الاساس
الحين مايرضيه 2000 او 1700 وياليت بعد ماتفدع الراتب هذا انه يطيب خاطرك الايمرضك ؟ وتعقيباً على كلام اخوي عبدالله العلي ؟ صدقني لوكان السعودي يعمل في اي دوله الايشتغل ورجله فوق راسه وانضام ضده والسودانيين تكلمه كانك تكلم وزير لابد يكون لهم ردع قوي وبالطرق النظاميه وياليت الاخوان الي يمتلكون بعض هذه الانظمه يزودوننا بنصها او ارقمها لكي نشير اليها ويفترض ان تكون هناك رابطه لهذا الموضوع ؟ وهم الاأن هم نفس البورصه السوداني يعرف سعر الابل في اي مكان في المملكه دليل انهم مصيطرين سيطره كامله؟ وانا لاست ضد انه يعمل بالاسواق ولكن بضوابط معينه هروب الرعاه مشكله بدات لنا من الي موجودين بالاسواق ؟ على فكره الى يعرفله راعي لى صديق هرب راعيه وماهو لقي راعي ؟ قعدبها

الحل بسيط ولكن وين الرجال الي يبي يقتنع بها الكلام ( السوداني أو المقيم بوجه عام لان ها الجنسيه لم تعد هي المحتكره للإسواق بل دخل في الاسواق ( اليماني + الباكستاني + الهندي ) ، يعني جنسيات متعددهـ، ، ولكن ماذاا هو هدفهاا ؟
هدفهاا أنهاا تكسب مبلغ وقدره يسد عيشتهم ، طيب يا السعودي ؟ انت يالي حاط لك شبك في السوق ومجلس تحب تشتري بـ 2000 ريال من البدوي ؟ طيب اذا جت لـ شبكك وجاك رجال وقال لك ( 2500) قلت له توكل على الله ؟ تتوقع كيف راح يكون وضع السوق ؟


اخواني حدثوا العاقل بما يعقل . عليكم بصلاح انفسكم بالاول ، وبعدين ناقشوا أمور السودانيـة ، تدرون ان بعض ملاك الابل يفرح اذا جاه سوداني يبي يشتري ؟ لان السوداني يعطي السلعه حقهاا وهو على سياره ( دينه ) فما بالك يجي في مراحك سعودي على سياره ( في أكس آر أخر موديل ) ويعطيك مبلغ والله أن لسانك يعجز ما تدري وش تقول له ؟ هل تقول له جزاك الله خير أو تقول له كلام يجرحه ؟


أخواني عليكم بصلاح انفسكم ب الاول فوالله أن { القناعة كنز } ريحوا الي يشتري عشان نرتاح من ها العماله ،

الأخوة / السلام عليكم ورحمة الله وبركاته

بارك الله في جميع المشاركين في هذا الموضوع القيم ونسأل الله العظيم أن يجزي صاحب الموضوع كل خير..

في رائي أنا جميع مشاكلنا مع العمالة بغض النظر عن نوع المهنة سببها الرئيسي نظام الاستقدام المعمول به في بلادنا يحفظها الله ..

ألكثير منا يعمل في شركات كبرى مثل أرمكو / سابك / الكهرباء ويعرف كيف تجلب تلك الشركات ما تحتاجه من عمالة في جميع التخصصات وذلك من خلال عقد عمل بين الشركة وأحد الشركات أو المؤسسات المحلية التي تعمل في توفير العمالة وهنا تجد أنا الشركة غير معنية بدفع رسوم أو أجراء فحوصات للعامل بمعنى الشركة مالها إلا ولداً يقرءا وفي حالة أنا العامل لدية الرغبة بالذهاب للإجازة على شركته أن توفر بديل له قبل مغادرته للبلاد على الأقل بأسبوعين.

سؤال : لماذا لا يطبق نفس النظام الذي تتبعه الشركات على الأفراد ؟؟

سؤال : إذا كان عندك 10 من الإبل والراعي يبي يروح أجازة كيف تتصرف ؟

· شوف لك عامل متخلف مجهول الهوية وحطه في حلالك .
· حط راعيين على 10 من البل ودفع 3000 ريال شهرياً رواتب.
· أشتر مزرعة بمليون ريال وحط إبلك العشر فيها وشبك عليها.

الله يوفق الجميع

بيض الله وجهك يا سعود

وبافعل هذي مشكلها يعاني منها اغلب اهل الأبل

يعطيك العافيه على هالموضوع الرائع
وهالموضوع صار يشغل كل راعي حلال ولو تدق على جوال راعيك وما يرد عليك اول ما يطري على بالك انه هج
وان شاء الله بتنحل هالمشكله قريبا