قصيدة ( البشاشه)

قصيدة ( البشاشه)

ديوان صوتى بعنوان (ضاوى)

وهذه أحد روائع الديوان .. كلمات الشاعر الكبير :ضاوى عايض العصيمى



لاقـام خفاقـي يـتـل المعالـيـق
=====شاش وسبايـب شوشتـه واندهاشـه



برقٍ يويـق وياخـذ شـوي ويويـق
=====من فوق خط الارض يقبـس فلاشـه



وقمت اتشهل فـي علـو الشواهيـق
=====واخيـل بـراق الحيـا وارتهـاشـه



مشتـاق لـه ومعلـقٍ عنـه تعليـق
=====وشيءٍ يهاش وشي مقـوى هواشـه



الحر عـن شفـه تعوقـه مسابيـق
=====ويقيـد الرجـال مصـدر معـاشـه



وعودت مكتضٍ ضميري من الضيق
=====اصغي عـن النشـاد ماقبـل نقاشـه



للمجلـس اللـي مدهـلٍ للمطاليـق
=====مارمـدت نـاره وخيـم غطـاشـه



شبوبهـا سمـر رقـابـه مدانـيـق
=====هبط بـه الجـلاب والحـظ حاشـه



وفي جالها صفراً سـوات الغرانيـق
=====دنـق الخشـوم وسوطهنـه نشاشـه



مالقموها مـن رخيـص المساحيـق
=====الا يمانـيـا تـجــدع خـيـاشـه



فنجالها ينشط بـه البـال وان سيـق
=====وفنجالهـا الثانـي يزيـد انتعـاشـه



شقرا شذاها مثل عطـر العشاشيـق
=====لامنهـم شالـوا غطـاوي غراشـه



يازيـن شفتهـا علـى فكـة الريـق
=====يوم الضعيّف منطـوي فـي فراشـه



شفي ولا ادري عن شفوف المخاليـق
=====وكل علـى شفـه ومشهـاة جاشـه



لاخطيت من ممشى الرياض المواريق
=====اللـي زهرهـا تـو حـوّم فراشـه



عـودت لدلالـي وحمـر الاباريـق
=====وجا للنوادر فـي سمـاي اغتواشـه



وبنيت قافن مـن جديـد الطواريـق
=====انقـا خيـاره واتخطـرى قشـاشـه



لعلـه يفـرق طــواري تفـريـق
=====وهم بنـاء بيـن المحانـي عشاشـه



والعبد ماله عـن نصيبـه مداريـق
=====يرضيه سيـل الحـظ والا رشاشـه



ولاأهل الوفاء قلطات وإلهـم مفاهيـق
=====ولاكل من هدّف علـى شـي ناشـه



اهم شي ابعد عـن اهـل التلافيـق
=====وزفر اللسان اللي عظامـه هشاشـه



اللي تزمـر لـه حلـوق المطافيـق
=====غادي وحطـوه الدراويـش شاشـه



لاهوب لايق لي ولانـي لـه اليـق
=====ولاطايع اللي قـال جامـل وماشـه



والثاني اللي يحـرق البـن تحريـق
=====لكـن فيـه مـن الدلاشـه دلاشــه



شين النباء لو يذبح الحيـل ويريـق
=====السمن فوق السمـن ماصـار باشـه



اله علي ان غـاب اصـد التفافيـق
=====اللـي لياقفـى يـبـون انتـواشـه



لوكان مارغب في مجيـه ولاطيـق
=====زاده وفي وجهه غضـب وانكماشـه



ترى الكرم يحتاج بعـض الملاحيـق
=====والضيف ماينصاك لجـل الاعاشـه



يبـي قبـول زيـن مافيـه تبريـق
=====ليّـن جنابـك والتملمـل تحـاشـه



والطيب وهبـه والمراجـل توافيـق
=====واخير خصله في الكريـم البشاشـه

الموضوع الأصلي: قصيدة ( البشاشه) || الكاتب: بندر العصيمى || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

rwd]m ( hgfahai)

والطيب وهبـه والمراجـل توافيـق
=====واخير خصله في الكريـم البشاشـه

مجمل القصيده رائعه جدا

اشكرك على الطرح

صح السان الشاعر ولاهنت يابندر

صح لسان الشاعر ولا هنت يا بندر على النقل الرائع

صح لسان الشاعر ولاهنت يابندر على النقل الطيب وانت اطيب

شاكر مرورك اخوى طراد
تحياتى

صح السان الشاعر

ولاهنت

هلابك ياسعيد
شاكر مرورك وصح بدنك
تحياتى

هلا اخوى حاصل اليامى

شاكر مرورك وصح بدنك

هلابك فهد ال زبدان
شاكر مرورك وصح بدنك

صح السان قايلها ولاهان ناقلها

قصيدة جميلة

فالك المليون

هلابك راشد
شاكر مرورك وصح بدنك
تحياتى

هلا حمد
شاكر مرورك وصح بدنك
تحياتى

هلابك صالح شرفت وصح بدنك