منافسه بين اهل المجاهيم والمغاتير والهجن .....!

المشاركة الأصلية كتبت بواسطة خالد الفالح

يومن كل شعى لذوده وشاش *** شش يا بعد راسي للمجاهيم شش


يالربع ترى ما جاكم غير طشاش من اهل المجاهيم

وين يام وين بني مره وين الدواسر وين عتيبه وين قحطان وين بني هاجر وين البقوم وين تميم وين الحضري وين البدوي وين الاماراتي وين القطري وين الكويتي وين الخليجي وين العرب

لو جا ربعهم طش الميزان وطاش لين يبو خالد راسك شاش ولسانك جرحه العطاش وغطى بعض الرجاجيل روسهم بالفراش

وراحت العشر ثنتين وامسى هل المغتر على ابلهم محادين

ابل العرب مافيها حيله


هذا والله الهجاد

المشاركة الأصلية كتبت بواسطة علي الدعجاني

يااهل المغاتير كل ن يرفع شعاره//الزين واضح مثبت بالموازيني

كدوا علاهم بغاره من ورى غاره// لعيون وضح غلاها مايخليني

يامرحبا ومسهلا امرار وتكرار

يامرحبا تراحيب المطر

صح السانك اخوي الغالي علي الدعجاني

ماقدامكم غير بكره وعقب بكره

شدوا حيلكم

المشاركة الأصلية كتبت بواسطة ناصر اليامي

دوه ونوه واجمع البل كلها **** والسود منها كلنا نفطن لها

لعدة اسباب منها :
المجهم لا مشت تخايل للسماء وكنها تشم في القاع جيفه ما توطي راسها وفي ممشاها ثقه ميزها خالقها بها وناقةٍ رااااكده وفيها من الله قبله وقبول .
والمغتر كثيرها لا مشت كنها تدور لها شي ضايع في الارض راسها محول وممشاها محول .
والمجاهيم لا هدفت عليك عشر منها تشوفها ماليتن الارض وكنها ثلاثين .
والوضح لا هدفت عليك الخمسين تشوفها عشر .
المجاهيم كبار الخفاف ووساع النحور وطوال الذيول واذانيها حراب مرتكزه ووووووووووووووو لو اعد مزاياها شهر ما وفيتها .
والوضح ضغار الخفاف وقصار الذيول واذانيها كنك داقها بمسامير ما تشوفها امحق اذان ولو اعد عذاريبها شهر ما كملتها .
المجاهيم لا دورت اناقة اللي تفوز في الفردي ما دبرت بها بـ خمسة ملايين .
والوضح ناقة الفردي نصف مليون تغني راعيها منها .





تم التصويت لجلال العظام وزيان الخشوم المجاهيم جعله عليها نذر اللي ينقص من قدرها ومكانتها

دوه ونوه واجمع البل كلها **** والسود منها كلنا نفطن لها


يامرحبا ومسهلا ياابومحمد

يامرحبا تراحيب المطر

مداخله قويه ورائعه من شخص رائع

كلام يكتب بماء الذهب

لاهنت يالقرم

المشاركة الأصلية كتبت بواسطة فيصل بن هادي

إبلٍ مجاهيـمٍ تحـوز الحـلا زيـن=ما فرّطوا فيها على العسر والكـود

سودٍ كما الغربان أو كحلـة العيـن=قدمي شحمها كنّه نصـال ولهـود

فج المناحـر والغـوارب ذراعيـن=والورك باب القصر ومن طوفته زود

وإذنين مثل حراب جنـد السلاطيـن=والعرف يا سبحان من صاغه جعود

ما تلحق الخضره من سبالها ليـن=قد للعرب شهرين من زمة العـود

لا قرّبوا منها مـع القـدر قدريـن=فاضت ويبقى فـي مواخيرهـا زود

وإلى تكلّم مـن هواهـا بصوتيـن=تكسر له الحقّه له الشوف مشـدود
>المجاهيم> مع احترامي لهل المغاتير
مدد لهم المده اللي يبون والتصويت حامي

كفو كفو كفو ياابوهادي

مداخله قويه وتحدي قوي باابيات جزله .....صح السانك

وتصريح من راس شيخ

ذيب ذيب ذيب ذيب


والتصويت حامي

ناصر اليامي

تقول المجهم ي خفيفه اجل اللي دوب تشيل روحها خفيفه

هل تعلم بكم شرية مضيمه و تعرف سوم خزامه الان

ولا بس كلام الفرديه با نص مليون عيتن صفقات ام رقيبه العام

اللي با 60 و اللي 80 مليون ولا عينااء شي من السفقات المجاهيم غير

على 600 و 700 االف اللي اخذها حشر

ابو خالد الله يخلف على ابلك بع ابلك ابي ادور لك ذود وضح

خلك تستانس المجاهيم جايبه لك ضغط وسكر

يا الله لك الحمد يوم اشووف هل المجاهيم احمد الله اللي رزقني با الوضح

المشاركة الأصلية كتبت بواسطة جابر ال جابر

للمعلومية انا ماجيت اصوت لان مافيه احد يقدر يقنع الاخر او يذكر سبب مقنع يفضل المجهم على المغتر او العكس

هنا سوف تكون النتيجة على حسب عدد الاعضاء
لان كل واحد راح يصوت للّون اللي يقتنيه

الشئ الاخر انت
ذكرت ثلاث اصناف من البل وجعلت التصويت لصنفين فقط

وين الهجن ؟؟؟

يامرحبا ومسهلا ياجابر

المعذره يااخيك والعتب على النظر والله ماشفت مشاركتك الا الحين

اما السبب في وضع التصويت صنفين

ابي اهل الهجن يفزعزن لاهل الوضح

لكن الظاهر حتى الفزعه متفيد مع اهل الجهام

يامرحبا ياجابر

واكرر اعتذاري لعدم الرد الا متاخر

مرحبا يابو خالد وتقووول وتطووول أنت وابو فالح من دون قصور في الباقين

قبلنا تمديدك بس خاف يطلبون هل المغاتير تمديد الحاقي زووود

وهل القصيد اللي بيمدح ابله مايخالف بس لا يذم المجهم في الردود الجايه

ثم نعرضه رووووس الحزوووم وهو يعرررف نفسه

عفا الله عما سلف هاذي عطايا الله كلها طيبه .....

شدو حيلكم يا هل المجاهيم وادري ان اكثرهم الا الحين مادرى با التصويت

وتقبلو تحياتي جميعآ

المشاركة الأصلية كتبت بواسطة سلطان الدلبحي

ناصر اليامي

تقول المجهم ي خفيفه اجل اللي دوب تشيل روحها خفيفه

هل تعلم بكم شرية مضيمه و تعرف سوم خزامه الان

ولا بس كلام الفرديه با نص مليون عيتن صفقات ام رقيبه العام

اللي با 60 و اللي 80 مليون ولا عينااء شي من السفقات المجاهيم غير

على 600 و 700 االف اللي اخذها حشر

ابو خالد الله يخلف على ابلك بع ابلك ابي ادور لك ذود وضح

خلك تستانس المجاهيم جايبه لك ضغط وسكر

يا الله لك الحمد يوم اشووف هل المجاهيم احمد الله اللي رزقني با الوضح

انا بشد واجاور ابوك راعي المجاهيم


ونبي نشرب فنجال وضحك

بطح مع شقت النور


ان غلبناك .....الله يعينك تبيع وضحك


يامرحبا تراحيب المطر ياسلطان

المشاركة الأصلية كتبت بواسطة محمد بن صنهات

مرحبا يابو خالد وتقووول وتطووول أنت وابو فالح من دون قصور في الباقين

قبلنا تمديدك بس خاف يطلبون هل المغاتير تمديد الحاقي زووود

وهل القصيد اللي بيمدح ابله مايخالف بس لا يذم المجهم في الردود الجايه

ثم نعرضه رووووس الحزوووم وهو يعرررف نفسه

عفا الله عما سلف هاذي عطايا الله كلها طيبه .....

شدو حيلكم يا هل المجاهيم وادري ان اكثرهم الا الحين مادرى با التصويت

وتقبلو تحياتي جميعآ

كلام عاقل يكتب بماء الذهب

ارجو من جميع الاخوه المتواجدين الالتزام بااكرام عطايا الله وعدم التعدي والاعتراض على عطايا الرحمن

مساكم الله بالخير جمعيأ

المجاهيم هي ساس الابل كلها وهي بدون منافس ومنازع في الزين والطبع والقنايه

اما المغاتير من سابق الوقت ما لها ذكر الا باالازمن الاخير

المشاركة الأصلية كتبت بواسطة أحمد بن عوض المطيري

كلام عاقل يكتب بماء الذهب

ارجو من جميع الاخوه المتواجدين الالتزام بااكرام عطايا الله وعدم التعدي والاعتراض على عطايا الرحمن

صاااادق يابو خااالد

كلها عطايا الله ووالله العظيم اني احبه كلها

المجاهيم والمغااتير

المشاركة الأصلية كتبت بواسطة ناصر اليامي

دوه ونوه واجمع البل كلها **** والسود منها كلنا نفطن لها

لعدة اسباب منها :
المجهم لا مشت تخايل للسماء وكنها تشم في القاع جيفه ما توطي راسها وفي ممشاها ثقه ميزها خالقها بها وناقةٍ رااااكده وفيها من الله قبله وقبول .
والمغتر كثيرها لا مشت كنها تدور لها شي ضايع في الارض راسها محول وممشاها محول .
والمجاهيم لا هدفت عليك عشر منها تشوفها ماليتن الارض وكنها ثلاثين .
والوضح لا هدفت عليك الخمسين تشوفها عشر .
المجاهيم كبار الخفاف ووساع النحور وطوال الذيول واذانيها حراب مرتكزه ووووووووووووووو لو اعد مزاياها شهر ما وفيتها .
والوضح ضغار الخفاف وقصار الذيول واذانيها كنك داقها بمسامير ما تشوفها امحق اذان ولو اعد عذاريبها شهر ما كملتها .
المجاهيم لا دورت اناقة اللي تفوز في الفردي ما دبرت بها بـ خمسة ملايين .
والوضح ناقة الفردي نصف مليون تغني راعيها منها .





تم التصويت لجلال العظام وزيان الخشوم المجاهيم جعله عليها نذر اللي ينقص من قدرها ومكانتها

بيض الله وجهـك يانـاصـر .

اشهد أن كلامـك ثميـن من ثميـن ...

يالبييييييييه ياسـود الجهـام .

ملكت اهلهاا بغلاهاا ..

والبل كلها عطايا الله .

ومثل مقال أخوي مقبل السبيعي .

وحنا اهل مجاهيم والمجاهيم مازالت موجوده عندنا ولكن عقب طفرة المغاتير خصوصاً الوضح كلن حط له ذود ... وكلها جزيلات العطا .

وانا صوّت للمغاتير ولكن المجاهيم غلاها يجري بالدم .

وانا اشوفك يابوخـالـد تبي اهل المغاتير يفوزون ليشششششششش ؟؟ !!

وش السبب ..؟!

الله يستـر لاتبيع المجاهيم وترخصها لعيون الوضــح ههههههههه.. !

تم التصويت يابو خاااااااااااااااااااااااااالد للمعشوقة السوداء ..
عندها والله من يبيض الوجه أليا صكو عليك الريجيل ثم مليتلهم الطوس من وحده
والا المغاتير عشر ما يملن قوطي نيدو
وكلهن مبروكااااااات عطايا الله ..

قالوا توده وقلت وداً يهول
مامثل وداً في ضميري ولا ود
لا وقتنا الحاضر ولا الوقت الأول
ولا فيه من وده تجاوز عن الحد
ياكود أنا وأظن ودي مطول
حيثه مواريث عن آباء وعن جد
أحب لي ملحاً قراها متول
ملحاً سناد زينة العنق والخد
راع النظر لازم عليها يحول
من شافها بالعين لاغضى ولا صد
يازينها قدام أبوها تشول
إليا أنطلق ثعله على اللحي وأنهد

المشاركة الأصلية كتبت بواسطة محمد المرزوقي

مساكم الله بالخير جمعيأ

المجاهيم هي ساس الابل كلها وهي بدون منافس ومنازع في الزين والطبع والقنايه

اما المغاتير من سابق الوقت ما لها ذكر الا باالازمن الاخير

الله يمسيك بالخيرات والمسرات يامحمد

مداخله قويه ورائعه

والمغاتير والمجاهيم قنوها شيوخ وفريس نجد كلها عطايا الله وكلها غوالي عند اهلها

لا هنت يالقرم

المشاركة الأصلية كتبت بواسطة سلطان الدلبحي

صاااادق يابو خااالد

كلها عطايا الله ووالله العظيم اني احبه كلها

المجاهيم والمغااتير

الله يحبك ويرفع قدرك دنيا واخره ياسلطان

لاهنت يالقرم