ابن وسام يسند على ابن قضعان

ابن وسام يسند على ابن قضعان

السلام عليكم ورحمة الله وبركاته


هذه القصيده للشاعر سلطان بن وسام الهاجري
موجهة للشاعر ضيدان بن قضعان العجمي


يقول سلطان :





راكب اللي حسها تسمعه من كـل صـوب
مثل زلزال الرعد فـي المـزون المظلمـه
كنها يـوم استـدارت وضاقـن الـدروب
فرخ شيهانٍ على الطلع ينهـض مُقدمـه
تلها جورج الخواجه وعرّضهـا الهبـوب
وأعلنوا بإطفاء الزقايـر وربـط الأحزمـه
إسم كبتنها خواجة ماهـو بلبـاس ثـوب
أخذ من االفوتكا سك ومن الشـي عدمـه
من سلايل شايبٍ ما جمع غيـر الذنـوب
والديانة عكس الإسـلام ماهـي مسلمـه
مايعرف يقول هـذي شمـال وذي جنـوب
الدليلـة بوصلـة والحـروف مترجـمـه
واهني اللي علـي رحلتـه يلقـي ركـوب
إن رجع وألا توفـى عسـى الله يرحمـه
إن نوى في مشرق الأرض وألا في الغروب
المهـم ينفّـذ الـلازم الـلـي يلـزمـه
فاقدٍ لي شيـخ قـوم غالـي ومحسـوب
محزمٍ في الضيق ياعـز منهـو محزمـه
والجفا من بين الأصحاب عيب من العيوب
والصداقـة مـن بنـى بيتهـا مايهدمـه
والغلا والكره ما تسكـن إلا فـي القلـوب
بس مابـه قلـب فيـه الثنيـن مخيمـه
والرجل لاصار بيـت مـذرَّى ومحجـوب
استوى عنـد النشامـا وجـوده وعدمـه
أتحمل مزح الأصحـاب عذبيـن السلـوب
وأتخيّـر وآكـل التمـر واطـش عجمـه
وأعرف الكذبة إليا جات من فـم الكـذوب
لاقعـد يرفـع لسانـه ويرخـي برطمـه
والطرب لامن جرفني مع اللحن الطـروب
أنسف البيت المدمدم علـى اللـي دمدمـه
واقفل الجوال عن راعي الغـوج الهـذوب
وأفصل التعميـم عـن بيجـري واعممـه
زلة الطيّب مـا تجـرح متينيـن الجنـوب
عقب اللـي زلـةٍ مـن صحيبـه تفحمـه
ايه ياضيدان والنـاس حـارب ومحـروب
والأعـادي كـل واحـد بحبـره وقلـمـه


الشاعر سلطان الهاجري


***
***
***

وهذا رد ضيدان بن قضعان :




راكب اللي كنها البرق في عرض النصوب
دايـمٍ مسـرى الليالـي عليـه معلمـه
بكرةٍ كن خف يدها على الزور مغصـوب
لاعقلها اللي عسيفـه مهيـب مخزمـه
وإن تساوت واستعدت لها وصفٍ عجوب
كنها تدي القسم عند قاضـي المحكمـه
وإن جذب ركابها الصوت باسلوبٍ عذوب
أزجلت ما كنهـا ألا هنـوف مخمرمـه
وكنها قشعٍ تزبر علـى صـدر الجـذوب
لاخذت في صحصح البيد سـكّ ودرهمـه
ما شريناها من السوق من جيز الجلوب
من سلايل جيش جـدي ذلـول مكرمـه
تنحر اللي كل مـا تبـت عيـا لايتـوب
صاحبٍ أغليـه جـداً وأعـزه واحشمـه
صاحبٍ من لابـةٍ مايهابـون الحـروب
بني هاجر فخر الأمجـاد كفـو الملحمـه
مثل ما تجمع شبابه عتيبـه والحـروب
بيننا حلـف وعهـود وعقـودٍ مبرمـه
كان يا سلطان ناسيه وصياحـك طنـوب
مرحباً بـك وانتبـه والـدروب ملغمـه
والجفا من بين الأصحاب يالصاحب مهوب
عيب لكن غيره العيـب ياللـي تفهمـه
والصداقة كنز ماهيب تسمل سمل ثـوب
وللصديق إن صار ما صار ماذوق لحمه
له علي إن حده الوقت في الشدات أنـوب
ولي عليه الياكـره صاحبـه لا يظلمـه
والرجل لاصار بيته حجر والسور طـوب
ماعليه مـن المنافـق ليـا رزّ علمـه
عادني من دون روحي ليا شبت شبـوب
والاكـم وكـم دهانـي رمـوزٍ مبهمـه
وكم نواني من الأصاحيب دجـالٍ لعـوب
يبي يأخذ خيرة إبلي وأنـا خـذت غنمـه
ومعرفة بعض الأصاحيب ذنب من الذنوب
علةٍ مـن علتـه أون يـا مثقـل دمـه
وعلته ما هيب تنشاف بالميكروسكـوب
ودك أحيانـاً ليـا طـال صوتـه تكتمـه
والرجل لاصار شيخٍ عزيـزٍ ومحسـوب
استـوت زلـة لسانـه وزلات قـدمـه
ايه ياسلطان والنـاس غالـب ومغلـوب
والأعادي من تحاكـا حثينـا فـي فمـه



الشاعر ضيدان بن قضعان


***
***
***[/size][/size][/size]

الموضوع الأصلي: ابن وسام يسند على ابن قضعان || الكاتب: جاسم بن محيمل الخالدي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hfk ,shl dsk] ugn hfk rquhk

صح لسانك اخووي جاسم وصح لسان الشعراء ..



ومشكوووووووووور ع النقل الطيب ,, والله يعطيك العافيه ..

صح لسانك اخووي جاسم وصح لسان الشعراء

صح لسانك اخووي جاسم وصح لسان الشعراء

صح لسانك اخووي جاسم وصح لسان الشعراء

صح لسانك اخوي جاسم

صح لسانك اخووي جاسم وصح لسان الشعراء ..



ومشكوووووووووور ع النقل الطيب ,, والله يعطيك العافيه