ضعف حال شديد

ضعف حال شديد

مساء الخير لجميع أعضاء مزاين وعساكم دائماً مجتمعين على المعزه والطاعه
لدي ثلاث بكار ضعفت حوالهن بالحيل فجأه وفيهن انتفاخ بين الديد والسر
وبعضهن ماعاد يستطعم مع البل وهن كانن من أحسن البكار حال
عطيتهن حبوب الديدان ولانفع والشراب الفرنسي ولا نفع
ولهن على هالحال حول الشهر ونصف؟ وش الراى لاهنتوا.

الموضوع الأصلي: ضعف حال شديد || الكاتب: علي فيصل البقمي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

qut phg a]d]

ياخوي كثر عليهن الشعير وشوار وخف الرودس ولا تعطيهن جت لن الجت حار ويتعب الحاشي في الحر وبذن الله يتعافن

شكراً ياراشد
طعامها دائم شعيرمجروش و شوار وكثيرررررر والبل كلها تزود
لكن المشكله هالثلاث البكار علما ان البل تسرح ومكانها في نفود وتشبع عبل.

اذا الانتفاخ ( ترهل ) يعني اذا لمسته بيدك تلقاه ( طري ) فهي مرحلة متأخره من ( الهيام ) وعلاجه الابره الهنديه ( الحمرا ) ان شاء الله

اخوي هاذي اعراض الهيام واذا تبي تتئكد شف عيونها اذاهي تدمع واجد هاذا الهيام وعلاجه من واقع تجربه ابرة الهيام الفرنسيه في اللحم وابرة الدود وكرر الجرعه بعد شهرونص وعطها فيتامين
ابشرك كان عندي ناقه وجاها مثل ماقلت انتفاخ خلف السره وتطورت المرحله انتفاخ في النحر والحمدلله عالجتها مثل ماقال اخوي عيدالمنصوري الله يجزاه خير والحمدلله الناقه تحسنت وبدت تسمن والحمدلله والشكرلله
الله يشفي ابلك وابل جميع المسلمين

الخطوه الاولى : اعزل البكار .

الخطوه الثانيه : تأكيد من تشخيص المرض عن طريق أهل الطب والمعرفه .

الخطوة الثالثه : أعطائهن العلاج المناسب .

نتمنى لهن الشفاء من عند الله اولاً واخيراً

اعطهن ابرة هيام وبعدها ابر جرب واي مضاد حيوي بودر لمدة ثلاث الى خمس ايام

الله لايهين الجميع وبيض الله وجيهكم
حسب البيطري انتفاخ الهيام مايجي خلاف السره وتشخيصه يقول ان المرض دوود والانتفاخ عباره عن ترهل

والله اعلم انه الهلاع

دواه ابرة الجرب .. والله يشفيها ويبارك لك فيها ..

اخووي علي هل لاحظت عليها انها تاكل الرمل او تتجضع على جنبها ..

لاهنت ياسامر
نعم تتسدح اوتتجضع على جنبها ولكن اكل الرمل ماأظن

مرحبا بك اخووي علي

هذي الحاله مرت علينا .. وعطينها ابرة جرب امريكيه تحت الجلد ..

مره وحده وطابت بإذن الله والحمدلله ..

والمرض هذا عباره عن دود ..

وماجاء عندنا الا في البكار ,, النياق الكبار ماجاها شيء والحمدلله .. وعرفنا السبب انه من التبن ..

والله يشفيها ويبارك لك فيها ويبارك لك في حلالك ..

الله يشفيها انشاء الله وانا مع الاخ ظافر الدوسرى

الأخوة الكرام
البكره اصيبت بحالة ذراق شديده (يكرم الجميع) من يومين واعتقد انه سلاق ومن لديه نصيحه لايبخل علينا ولاهنتوا جميعاً.

السلام عليكم

يمكن الشويكة

تأكد من دمنها اذا هو مدبب فيها شويكة

البكره ماتت من يومين والله يعوض باطيب منها وشكراً للجميع على تجاوبهم