بديوك انجنت ولا وش العلم؟؟؟؟؟؟؟؟

العلم؟؟؟؟؟؟؟؟ , انجنت , بديوك

بديوك انجنت ولا وش العلم؟؟؟؟؟؟؟؟

بسم الله الرحمن الرحيم
السلام عليكم ورحمة الله وبركاته



فيه موضوع لازم نتناقش فيه بصفه عامه لكل اعضاء الموقع


يا عيال وش شفتو من تغير هالسنه من ناحية تصوير المنقيات والمسيرات
وخاصه المسيرات؟؟



بالنسبه لي انا شفت شي يهيل القلب في اغلب المسيرات
من ناحية الشيلات


كم منشد يستخدم المؤثرات الموسيقيه (الايقاع)
والله تقول اغنيه
وبدوك لنا الله ما صدقو خبر والله يا عيال باحد المسيرات
ان واحد يرقص وكل حركات ما يكل جاكسن طبقها
ولا بعد شفت العمام الطمام شيله على دقت دبكه ويرقصون دبكات


مدري وش هالسر السنه بالذات
المعروف العام وقبل العام من اعوام انهم يعرضون ولا دحه ولا العرضات المعروفه الشعبيه



يا شباب خلونا نتناقش بالموضوع مع العلم ان كلامي لا يعم كل المسيرات





ارجو اني لا تسببت بتجريح لاحد لكن هذا الواقع



هذا تراث لا ندخل عليه حضارات اجنبيه

هذا والله خير معين

الموضوع الأصلي: بديوك انجنت ولا وش العلم؟؟؟؟؟؟؟؟ || الكاتب: محمد حسين النصافي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

f]d,; hk[kj ,gh ,a hgugl????????

استغرالله العظيم
هذا مرض العصر ولا من فرحة الفوز
متاكد ماهي من الشيبان من الشباب المراهق الي لم يكبح جماحه

هذي طناخه وعز وأفتخار بالقبيله والدين والدوله

أبرك من يطامر في اليوم الوطني ويترقص في الشوارع

ولا الانديه والمنتخب الفاشل

شكراً على المرور
يا احمد الشهراني
وتركي ناشي
بالنسبه لكلام اخ احمد فانا اتوقع الاثنين معاً

يا اخ تركي لك رجل حق يفتخر بقبيلته والكل له ولاء للوطن والحاكم
بالنسبه لموضوعي لا يخص القبليه بتاتاً
فارجو التركيز على الموضوع

بارك الله بك يا محمد

الله المستعان أصبح لهذا النوع منشدين أقصد مغنين خاصين

وصارت اغلب الشيلات لهم بسبب الطلب عليهم

والأسوأ من يتابع في التلفزيون وهم بالآلاف واكثرهم يرفض ذلك

والمنشد وصاحب المنقية متأثمين فيهم الله يهدي المسلمين

بعض المنشدين الله يهدينا واياهم خلاص صارو طقاقات مافيه فرق بينه وبين الطقاقه نسأل الله العافيه
والله اني سمعت في ام رقيبه احد الشيلات على دسكو
لكن مانقول الا ماقال الشاعر
هذا زمن ثعلب وحيه وتمساح
خلو الاسود تنام ماهو زمنها

اضم صوتي لصوتك يالنصافي والله انك صادق

اللي قاعد يصير عيب ومنقود

وللاسف شيبان اللي نشوفهم يرقصون ورقص حريم

العرضه مافيها شي لكن اللي قاعدين نشوفهم في بعض المسيرات

رقص وهبال ومنقود الدعوي مزاين ونسه ورزق للجميع

ماوضع للتباهي وضياع هويتنا لكن تنفخ في قربه مشقوقه

العولمه اثرت حتي علي الشيبان الله المستعان

اختلط الحابل بالنابل
الرزانه ضاعت والامور كل سنه في تدني
صاحب المنقيه عليه مسئوليه في الحد من الظواهر المسيئه
تقبل تحياتي

كيف حالكم يالربع ويامحمد أشكرك على هذا الموضوع وبصراحة هذه تعتبر ظاهرة في جميع المناسبة وهي ظاهرة سيئة للغاية ولاتجوز شرعاً , ونراها تتكرر في كل عام بكثرة , لكن عسى الله أن يعفي عنا وعنهم .

وأحب أذكرك أني طرحت موضوع في عن أجمل الشيلات والقصائد من شأن نشوف أختيار الأعضاء لأفضل القصائد وشيلات هذا العام , والى الأن ماظهر لنا الا تقريباً 4 أو 5 قصائد وطبعاً بدون مؤثرات ولا أيقاعات , وأغلب الأعضاء يشاهد ويمشي ماجازت له الشيلات العادية , الله يستر من السنة القادمة لايكون نسمع شيلات برشلونية مادام أغلب قصائد المنقيات أورقات السنة هذي .

والله طاح من عيني راعي شلات من عرب فيهم خير وقلب طقاقه الا شي بسيط اما الرقصات الغريبه مع اني من المتابعين للقنوات الشعبيه ماشفت شي غريب وان كان فيه رقصات غريبه عنا أنا احمل راعي المنقيه الذنب لن الشريط يمر عليه قبل مايعرض في التلفزيون والمفروض يلغي اللقطات ألخارجه عن الذوق العام

راحت تقاليد الاجدادي ............... مرواح عفش على دنه

السلام عليكم ورحمة الله وبركاته

الطرح قيّم وجدير بالمناقشة

أما عن المغنين أو المنشدين فهؤلاء أغلبهم مثل القيان الطقّاقات أقسم بالله إنه عيب على الرجال كل يوم وهو على منصة قبيلة مستأجر مثل القينة يلالي ويتغصنف والبعض مصبّغ وجهه بالمكياج وأنا شفتهم وجها لوجه لاعبين بوجيههم بالمكياج وصاروا يتميعون

أستثني منهم الرجال اللي يجي حميّة وتقدير وغناهم غنا بدوا يليق بالرجل والإبل أما يهيجن ولا يجر الصوت جعل الثانين فدا مواطيهم

أم الرقص فياعيباه ماتت الرجولة والشيمة والحيا لدى الكثيرين شفنا رقص نسوان ماهمب رجال

وسلامتكم