الفزعـه يالربـع ( الناقه الغاليه )

الفزعـه يالربـع ( الناقه الغاليه )

أخواني الاعزاء :

عندي ناقه قيمتها ميات .. ولقحه على بعيرً طيّب لها حوالي 5 شهور ,
والناقه لها اسبوع تقريباً ماتاكل .. ونظرها شاين .. وحالها ينقص . والمرض بادً على وجهها وممشاها ونظرهاا ,
الشعير ماتذوقه . والبرسيم بعد يوم او يومين تاخذ منه قرور نفس فقط ,
وانا خايف انه هيااااااااااااام ,
وحسب معرفتي أن إبرة الهيام تفيّخ بالناقه على طول ,
ياليت تشاركون بالموضوع لعل الله ينفعناا بمشاركاتكم ,

الموضوع الأصلي: الفزعـه يالربـع ( الناقه الغاليه ) || الكاتب: مشعل الشويش || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.uJi dhgvfJu ( hgkhri hgyhgdi )

أرحب يابو ذعاااااااااار
الله لا يوريك مكروه في حلالك ومالك وعيالك ..

تأكد من الهدب وانا اخوووووووك داخل فم الناقة تراه مايخلي الناقة تذوق شي
أو أن ناشب في حلقها شوك والا عود معترض في حلقها و ديرتكم شيرانها وشوكها واجد
سبق وان مرت هذه الحالتين على أحد جيراني ..
وللمعلومية يابو ذعار
5 شهور لناقة لقحة ما أظن أبرة الهيام تسوي بها شي
سبق ضربت ناقة عندي لها مايقارب 6 شهور لقحة
ولا جاها الا العافية
س / الناقة تشرب ماء ..؟ الناقة فيها نفوخ في أمكان من بدنها ..؟

الابره الفرنسيه امنه بأذن الله .....أو الهنديه ترايكوين 2 ملغم
وجعلها للسلامه هي وصاحبها وكل المسلمين

أرحب يامشعل
الله لا يوريك مكروه في حلالك ومالك وعيالك
ان كانه هيام فالابره الفرنسيه افضل من الابره الهنديه وافضل من يفديك بهذا الموضوع دكتور اساله هل مضره على اللقاح ولا لا

ارحب يابو بندر ,,,

س /الناقة تشرب ماء ..؟ الناقة فيها نفوخ في أمكان من بدنها ..؟

نعم الناقه تشرب ماء , ولافيها اي نفوخ ,

ويااخواني أنا سبق وأن طقيت بأبرة الهيام لقحه لها فاللقاح 7 شهور وعلى طول طرحته ,
واحد الاخوان شرى له ناقةً طيبه من السوق وعطاها 10 سم من إبرة الهيام واصعدت على طول ,
والله ماادري !

..
واشكر جميع الاخوان اللي شاركوا ,

والله يبيض وجيهكم ويجزاكم خير ,

السلام عليكم ورحمة الله وبركاته
اخوي مشعل هذه اعراض ممكن تكون البارده وكيده
بس تاكد لي فيه حبوب على ارجول الناقه من فوق خلف الديد
لان البارده هذي اعراضها الي قلت انت ولازم مضاد حيوي طويل المفعول او بنسلين وسلامتكم جميع

السلام عليكم مساكم و صبحكم الله بالخير الله اعلم ان هذا السلاق و تقدر تأكد من فتح افم الناقه ان حصلت وريم في جماها و لا لثتها و الهدب متغير لونه علاجها ان شاء الله بسيط شف ناقتك ان عينت اللي ذكرته في افمها و لا لا الصخونه ذي جات ناقة عندي و سلمت بعد العلاج و الحمد لله

يا ابو ذعار اذا انت تتوقع ان الناقة فيها هيام
لا تعطيها ابر انتبة ترى ابرت الهيام مشكلتها مشكله مع القحة خص
عط ناقتك زيت السمسم مقدار موية صحة ابو ريال كل 7 ايام
اذا هو اهيام

الاخ/ مشعل
تأكد ان الناقه مابها ديدان
والشي الثاني عليك بالحلبه تراها مفيده بالحيل

والله يبارك لك في حلالك

علوووووووووووم المبروكة يابو ذعار

ابرة الهيام ما تفيخ بالناقه طقه ابرت جرب فرنسية ٢٥ سيسي او ٢٠ سيسي وعطه ابرة شامل الامراض

الاخ مشعل يمكن الناقة فيها حرارة ومشكلتها بصيطة بنسلين المانى ما يصعد وابرة الهيام الفرنسية امنة

مرحبا بالجميع . وجزاكم الله خير ,
الناقه على حالها يابو بندر ,
يوم تاكل و3 ايام ماتذوقه ,,

حياك الله يا اخ مشعل ... اسأل الله انه لا يوريك في حلالك مكروه ويبارك لك ويكفيك كل شر

وانت يا مشعل ابخص منا ولكن من معزتك حبيت ابدي شوري لك وهو انك تحلل دم الناقه وتتأكد قبل تسوي اي شي

وعقب التحليل يجي القرار الصح

ارحب يابوذعار
وجعل حلالك في خير وزود نعمه
مانبي نخلي الهيام شماعه لكل مرض خصوصاً ان امراض الابل متشابها
الهيام + الشوكه + الغصه + الهدب الخ ..
اعراض متشابها ولايميزها الا اللي عند النافه ويراقبها وكل هالاعراض تتفق بفقدان الشهيه والصده عن المعلف
الهيام مايجي بيوم وليله وله مقدمات
الشوكه علاماته فالدمن والمبرك والتجضع
الغصه علاماته اما تطرش او بلعها تشوفه يمشي ببطئ
الهدب يبان من تفتيش فم الناقه
والتحليل المخبري هو الفيصل في جميع الامراض
اذا عندكم مختبرات يامشعل ولا ارسل لي عينات الدم لرياض وهو يجلس 72 ساعه في بروده عاليه
ونشوف المختبر وش يقول

اضاءه
ابرة الهيام لاتصعد بتجربه شخصيه

تقبل مشاركتي