بخيت البرديدي : ولاتهون

بخيت البرديدي : ولاتهون

عندي بعير (حر) سنه سديس ولابطنه بكبير واجد واعطيه في الصباح نصف ربطة برسيم وفي الليل آعشيه نصف سطل شعير مخلوط بنخاله هل هذي تكفي ولا ازيده لاني اخشى ان يكبر بطنه ثم ينبعج لما جاء يضرب ، ايش ترى الله يسلمك

الموضوع الأصلي: بخيت البرديدي : ولاتهون || الكاتب: فارس القصاب || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

fodj hgfv]d]d : ,ghji,k

اخوي الكريم فارس مرحبا بك انا مافهمت سؤال لكن بجاوب عليه على حسب فهمي لان سؤالك انا ماعرفت هل انت هديت البعير ولا لين اللحين ماهديت
اذا كنت هديت البعير فجوابه طال عمرك
1/ اذا انت ماتهده في الليل مع اماته فعشاه كافي
2/ واذا هو يمسي مربوط فخف عليه شوي النخاله لان النخاله ثقيل على البطن والشعير الحب ممتاز جداً لان فيه فيتامين (أ)
3/ والبعير اذا هاج وقفل واضرب وصار له فتره وهو يضرب يعني اكثر من اسبوعين معاد يضره كبر بطنه وهذا يسمى ( يباس البعير)
4/
اما اذا كنت الى الان ماهديته فأنصحك بالاتي اذا باقي على هدادك له اسبوع
1/ لايذوق النخاله ولا الشعير لمدة اسبوع ( قبل الضراب
2/ قيده وطول قيده وخله يسرح مع القاح لمدة اسبوع عشان تنفك اعصابه بالمسير
3/ واذا رجع نقع له البرسيم ( الصباح ) وسبحه ( والافضل برنوس منقع في ماء ويلحف به وكل مانشف ينقع في ماء)
واذا جاء قبل المغرب قيده وضيق عليه القيد وفكه في العشاير وانت معه وخله يدوج فيها ربع ساعه ورده واربطه وسبحه وحط له كميه بسيطه من الشعير الحب المنقوع ( علشان ماينقض )
4/قرب ممساه من العشاير لان ريحها في الليل يرفع راس البعير
** نصيحه اذا الجو حار يعني من الساعه عشر صباحاً لين الساعه 3 العصر وقت حرارة الشمس لاتقربه السبوح لان هذا يجيب للبعير او لغيره من البل (الصقر) والصقر يجي اكثر شي ركاب المظلات التي تعودت على المضلات وهذا ليس له علاج اي انها ماتحب شوف الشمس

بيض الله وجهك يابخيت وعزالله انك وفيت يالطيب

بخيت البريدي
كنز المعلومات وان متابعه بشده لكتاباتك واعمل بها
الله يكثر من امثالك
وانا عندي بعير سنه ثني وش تنصحني فيه ابي تعلمني وش ممكن اعطيه هالفتره علف
ومتى أفكه

المشاركة الأصلية كتبت بواسطة محمد الوهبي التميمي

بخيت البريدي
كنز المعلومات وان متابعه بشده لكتاباتك واعمل بها
الله يكثر من امثالك
وانا عندي بعير سنه ثني وش تنصحني فيه ابي تعلمني وش ممكن اعطيه هالفتره علف
ومتى أفكه

يشرقني مرورك الكريم واهتمامك ومرحبا ومسهلا الف وانا اخوك

اخي محمد بالنسبه للثني الله يرزقك منه الانتاج الطيب اسبوع بالكثير وتشوف مايسرك نصيحتي يكون الهداد في اخر 9ميلادي يعني من تاريخ 25 وانت طالع علشان انشالله باذن الله اذا الله احينا يكون ولاد ابك في اخر شهر 10 ميلادي وهذا وقت لاتكون فيه الشمس حاره على الحوار ولايكون الجو بارد جداً وقبل دخول المربعانيه يكون الحوار شاد حيلة ولايضعف نموه ويكون الحوار اللي يدخل المزاين يمديه ينمو بالطريقه الصحيحه لشوط المفاريد للسنة التي تليه
اما بشئن التغذية ومايسبق الهداد

1/ من ثالث العيد قيده وطول قيده وخله يسرح مع اللقاح مسافة 2 او 3 كيلو واذا رجع اكرمه ( برسيم وشعير وشوي رودس لان الرودس كله الياف ) واذا جا وقت العشا اكرمه بالنخاله مع مخلوط شعير واذا قبل مغيب الشمس بربع ساعه سبحه وكثر السبوح على الظهر والفقار وخلك على هالحال اسبوع
2/وبعد الاسبوع قصر في قيده وخله يسرح مع العشاير ومعه واحد ويكون في يده حبل طويل علشان مايضرب لانه من يروح ريح العشراء بيطلبها واذا اضرب وهو بطيب
يسمى عسر البعير والبعير اللي يعسر يضرب ولا يلقح ولا يلقح الا بعد مايمنع من الضراب لمدة 40 ليل ويعمل له حميه خاصه وبعد هذا مادري يلقح ولا لا
3/ اربط رساغه في شبك العشاير وخله اسبوع اخر واذا اسرحت البل خله مربوط وعطه برسيم ( فقط) في هذا الاسبوع الاخير وتشوف مايسرك
** حتى منظر البعير العام بيكون رهيب

هاذي ثلاث اسابيع حسابياً من 3 ايام العيد حتى تاريخ 25 /9 وقت الهداد الصحيح


هذا كل مالدي وانشالله اكون افدتك