كلن يدلوا بدلوه (( ونتفق بالاخير ))

كلن يدلوا بدلوه (( ونتفق بالاخير ))

يامراحب بأخواننا الغالين اعضاء هالمنتدى المميز
اللي استفدنا منه اشياء كثيرة ومازلنا نطمع بالطيبين

انا جايب لكم قاعدة دارجة عند اغلب اهل البل ونبي نتشاور فيها
وهي ان الناقة اذا لقحت وكتب لها الله انتاج انها معاد يزين عمرها وتاقف على هالعمر
طبعاً نتكلم عن البكر اذا ضربت صغيرة،،،
هل هالكلام صحيح مية بالمية او لا
وهل هالحل مناسب ومفيد (( مثل سحب حوارها من تحتها اول ماتنتج))
.....
الشي الاخر هل فيه طريقة صحية تصعد بالناقة من دون ان تاثر عليها ،،،
وهل في هالامر شي من الحرام والحلال ،،،،

نبي نستفيد ونفيد الاخوان اللي يطلعون على هالموضوع وكلن يعطينا ماعنده من خبره وتجربه
الى ان نطلع بنتيجه نهائية متفق عليها ،،،،
والف شكر لجميع من يشاركنا ونستفيد من خبراته ...
والسلام عليكم ورحمة الله وبركاته

الموضوع الأصلي: كلن يدلوا بدلوه (( ونتفق بالاخير )) || الكاتب: خالد بن عبدالعزيز || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

;gk d]g,h f]g,i (( ,kjtr fhghodv ))

اما عن الاستفسار الاول الكلام صحيح ان الناقه يقف طولها وسلامتك

هلا وغلا ابو عبد العزيز

الكلام صحيح البعير من يوم يظرب البكره الصغيره في السن ويبرك عليها وهو ياقف عظمها
انا اعرف ناس اظربو بكار صغار والحين ام رابع وام خامس وجرومها ماراحت ديره
والغالب من يظرب البكار الصغار همه كثرة البل او يبي المناح والحقيقه انه يظرها
لان من زين الناقه كبر الجرم
انا اشوف ان سن الناقه لظراب من جذعه وفوق
اما سحب الحورا من تحتها في نظري ماهو حل
وبنسبه الاصعاد بناقه انا ضد هالشي اشوف انه تعذيب لها

تقبل مروري

السؤال الاخر في هذي الحالة

هل يؤثر ذلك علي انتاج البكره في ما بعد اي ان انتاجها ياتي من الجروم الصغيره اي غير مقبول

نعم

الناقـه لاضرّبـت صغيره .. ماعاد تظهــر ..

وانا ما اضرب البكره ألاّ من جذعـه .. ألاّ إذا كانت اللقيـه باهيــه في عمرهــا ..

والحل اللي انت ذكرته وهو سحب الحوار أرى أنه ليس حلاًّّّ وجيهاً .. ( والماء ليا انتثر من يحوقـه ) ..

ألاّ خل حوارها معها واطلب الله فالبركه ...

...

أمـا أبرة التفييخ أو الغرْف عن الناقه .. انا ضده ... ومكروه !

اما : الحكم الشرعي الله أعلم ....

.....


وسلامة الجميييع

يا مرحباااااا يا خالد

با النسبه للبكره اللي تضرب وهي صغير بعض البل لقيه عمرهاا طيب وش يمنعك ما تضربها

اما لجاك جرمها ضعــيف فا الصبر زيــن لانه بعض الفحول يكسرها ليا كانت جرمها ضعيف

واما من ناحية سحب الحوار فا ما ياثر باشي الدعو عليها يوم ضربة ولقحة ولى الحوار ما يزيد ولا ينقص في عمرها

واالاصعاد مافيه طريقه الا اذا ارتقيته مع الرقه لي تشوف راس الحوار ضاهر

لالالا ذا الشي ما يجووز وخلها تلد وترج الله وفيه ابرة التفييخ ذي تعطا اذا كانت معشر وسمعة بانها لاتـــجوز

يا هلا بكل من شاركنا وافادنا وما ذخر علماً عن اخوانه
وهذا كله من طيبكم وحرصكم على نفعة اخوانكم
واشكركم واحد واحد جعل ربي لا يهينكم

انا ودي انشد طيب هل تفيد ابرة الجسرة او مضادات الالتهابات القوية
في الاصعاد بالبكرة اللي لها حول الاربعة اشهر من لقاحها
بدون مايسبب لها اي ضرر ،،،
وليتكم تدلونا على الطريقة الافضل والاسلم ...
ارجع واشكر الجميع والله يرزقكم على نياتكم الطيبة

حياك الله اخوي خالد
لقاح البكره يؤثر بلا شك على نموها ولكن اللي يضرها اكثر الرضاع فاذا كانت البكره طيبه وقدرت تسحب حوارها تحت ناقه ثانيه وتترك البكره تعدي الموسم بدون لقاح (وهذا مهم)فابشر ان بكرتك بترجع في الزود وبترتفع
اقوله من تجربه
تقبل تحياتي

يامرحبتين بك اخوي حاتم
معناها انك تأيد الكلام اللي كنت اقوله وهو سحب الحوار من حدر امه
لكن هالكلام ما يتفقون معه اخواننا الاخرين
وحنا بالاخير نبي النتيجة النهائية اللي نتفق عليها
مع انك تقول انت النتيجة مجربه معك ،،،
دعواتنا للجميع بان الله يبارك للجميع في حلاله وماله وعياله

اولاً:- انا اشوف ان الجميع متفق على جرم او عمر الناقه ياقف وهذا كلام سليم 100% ...

ثاناياً:- اذا الناقه لقحة ماله شغل تسحب الحوار او تخليه في عمرها لان اللي يبرك
على عمرها او يوقفه اللقاح فقط وليس الحوار اللي يرضعها الحوار يضعف الحال فقط.

ثالثاً:- وهو الاهم اذا الناقه لقحه حراااام شرعاً انك تتعمد ذبح الحوار باي طريقه لان هذا قتل نفس بغير حق.


اتمنى اكون افدتك

ارحب يابن عمير
وجعلك ماتهان والله يجزاك بالخير
لكن دام الدعوى فيها تحريم وهذا اللي كنت انشد عنه من الاول ونبي تاكيده

معاد نقدر نقول او نسوي شي
ومن ترك شي لله عوضه الله بخيراً منه
والله يجزى الجميع بالخير والله لا يحرمهم الاجر