..أفضل طريقة لتعليف الحيران ..

..أفضل طريقة لتعليف الحيران ..

..
...

السلام عليكم ورحمة الله وبركاته ..

حياكم الله جميعا

أبي افضل طريقة لتعليف الحيران (وخاصة الحيران الزيان )

وماهي الطرق المفيدة لتدريبها حتى تعرض العرض الطيب في المزاينات وغيرها

وترى الموضوع تفاعلي وكلن يعطينا خبرته .

وسلامتكم

الموضوع الأصلي: ..أفضل طريقة لتعليف الحيران .. || الكاتب: حمدان التميمي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

>>Htqg 'vdrm gjugdt hgpdvhk >>

السلام عليكم ورحمة الله وبركاته...

مرحبا بكم اخواني أعضاء وزورار منتدى مزاين

لعلي ابدا وأكون انا من يعلق الجرس ليس من باب زود الخبره فالمنتدى
يضم كوكبه من أهل التجربه والخبره في البل

لكن من باب اني ابدأ بتجربتي واعطي مما عندي فأقول :

1- بالنسبه لتغذية الحوار في أول الايام ضروري تشمل مواخير الناقه عنه حتى لا يكثر عليه الحليب ويسبب له الذراق..
مع ملاحظة تنظيف خلوف الناقه من الحليب المتحين باستمرار حتى لا يذرق بالحوار بسبب شربه للحليب المتحين في خلوف الناقه لمدة طويله..

2- بعد مرور حوالي شهر تقريبا تبهل الناقه عليه ويخلى الحوار على راحته في شرب الحليب اللي يكون بمثابة الغذاء الاساسي له في هالمرحلة من العمر.

3- بعد مرور شهرين ينقع البرسيم لأم الحوار ولا يشال من عندها ويضاف اليه الشعير حتى تتعافى الناقه زود وتعوض الضعف الحاصل من نقص الحليب .

4- اذا بدا الحوار يأكل يوضع البرسيم معلق فوق ياكل منه الحوار وامه من فوق لسببين:

الاول :حتى لا يتعب الحوار في يديه من الانحناء للاكل وممكن يجيه الزند .
الثاني :حتى تكون رقبة الحوار موجهه للأعلى باستمرار وراس الحوار مشرف فوق كأنه يشوف جراد في السماء ولا يطالع في سهيل.

5- من يوم والحوار طراح يبعد هو وامه عن البل في شبك ( بعيد قريب ) ولا يسرح مع البل ولا يخالط الحشوان حتى لا يخرب طبع الحوار وتكون سرحته لحاله هو وأمه ويونس الحوار ويطبع بأنه ما يجفل من الناس .

6- بعد الثلاثه شهور يعطى الحوار اضافه لما سبق من الغذاء مكعب الحملان ( بروتين 18 ) بمقدار معين حتى يستبدن الحاشي ويسوق عظمه ويشحم السنام ويكون جاهز وبأكمل عافيته وجهزيته للمزاينات والعروض.

وهذي تجربتي وبانتظار تجاربكم ومشاركاتكم واتمنى اني أكون أفدتكم ولو بالقليل فالقليل مع القليل يصبح كثير..وانما السيل اجتماع النقط

واسلمو يارجال..

وعليكم السلام ..

وبيض الله وجهك ,’’ كفيت ووفيت ,’’

الصراحة الموضوع مميز خاصة انه يتحدث عن طرق تعليف الحيران و تجهيزها للمزاين ,’’

وعندي اضافه بسيطه للحيران المزاين بان يكون معه بالشبك حاشي اصغر منه ولايكون سمين ويتعلم الخطام ويوفضل يكون ابيض, حتى يوالف الحاشي ,,



وشكراااا ,,

يا التميمي لا هنت علي الموضوع الاكثر من رائع ، من ناحية اخري انا اقول ان الزين يضل زين حتي لو ما حصل علي العناية الكاملة من ناحية الغذاء والاهتمام
علي عكس الشين اللي لو تحط تحتة زولية ما تسنع هذا ما ناحية المزاين ، انا بعطيك مثال لكن للأهل الريسات والمراكيض جاااار لي عندي بكرة مهملة جدا جدا لكن
ابوهاااا سابق وامهاااا ذلول طيبة بدون اهتمام الرجال بدوي مايعرف الادوية والخلطات دخلهاااا الريس ولطمت الشوط وبيعت بـــ 2 مليون وهي حقة ، عكس ناس تتعب
وتلعف صح والدكتور دايم متواجد واهتمام قوي والنتيجة لااااااااااااا شي
وسلامتكم

تسلم يابو محمد

وتسلم يابو مطير

ومما اتذكره الآن واحب أضيفه للموضوع

7- غسل الحاشي بين الفترة والاخرى بالماء والجره والشامبو

8- الجلال للحاشي يحفظ الشعره ويزين الغارب ويفهق السنام اذا شديته من جهة الفقار مضبوط



واسلمو...
وبانتظار بقية الاعضاء..

لا هنت ........ كلام طيب بالحيل وطريقه جربتها وفعلا طيبه بس الحقيقه انا ما علفت المكعب بس الحيران طيبه بالحيل
وبالنسبه للحيران لتزيين الوبره اعطيها ذره ناعمه بالحييل تزين الوبره بدون القصب

لاهنت اخوي/ حمدان ..... ولا هانوا الاخوان تقبلوا مروري

ومن قال لا يهون ياخوي فهد...

ومرورك مقبول بلا شك ألا ويشرفني بعد ...

9- ومن الاشياء المهمه والدقيقة للحوار... أن مراحه مايكون الرمل فيه واجد بالحيل لاشك ان الرمل مفيد لراحة الحاشي عموما.. لكن زود الرمل يسبب الليونه في مفاصل الحاشي وخاصة في يديه ولذلك يكون الرمل وسط.

10- السرحة وا أدراك مالسرحة.. وهي من اهم الاشياء للحوار ولو ماكانت كل يوم مايضر يوم بعد يوم وتكون الصباح بدري مع الراعي مسافه متوسطة 4 كيلو مثلا باختلاف عمر الحاشي لأن الحاشي اللي يسرح يمغط جرمه ويتفتق بدنه ويطول سلفه بخلا ف الحاشي اللي طول وقته في المراح لا مسراح ولا مرواح ...

وسلامتكم...
وبانتظار بقية الاعضاء ....لإثراء الموضوع...
وليكون مرجع لأهل الحيران وخصوصا حيران المزاين