هل وجود الشامه عذروب في المجاهيم ؟

هل وجود الشامه عذروب في المجاهيم ؟

بسم الله الرحمن الرحيم


اسعد الله اوقاتكم وتقبل الله منا ومنكم صالح الأعمال وجعلنا واياكم من عتقاءه من النار في هذا الشهر الفضيل


يا اخوان وجدت لي ناقه مجهم مزيوووونه جدا وناقة انتاج فااخر ترفع اي بعير تنتج عليه في كل بطن من بطونها وغاليه وانااجها مبيوع غالي

والناقه مانقدت عليها الاّ وجود اكثر من شامه حمراء في اكثر من مكان في الناقه رغم انها مجهم غرابيه جدا

والناقه تنقل الشامه لأنتاجها

فهل تعتبر الشامه عذروب في المجاهيم حتى ولو كان انتاجها فاخر ؟ وهل الشامه دليل التهجين ؟ وهل يأثر وجود الشامه على سعر الأنتاج او الفحول ؟

والله لا يحرمكم الأجر

الموضوع الأصلي: هل وجود الشامه عذروب في المجاهيم ؟ || الكاتب: ممدوح احمد الشريف || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ig ,[,] hgahli u`v,f td hgl[hidl ?

الشامه في نظري الشخصي انها عذروب يقدح في المطيه

واذا صارت تورثها لانتاجها بعد عذروب ثاني

الشامة نعم دليل على التهجين غالبا

الشامه لاتعذرب المطيه إلا بوجهة نظر الشريطيه .. والطيبه طيبه سواء فيها شامه ولابدونها !!

السلام عليكم
ياخوك هذي اكيد ابوها بعير مجدل الدوسري ويسمونه ابو شامه او شامان وانتاجه كله يجي فيه شامه ولون انتاجه كما ذكرت غرابيه وابل نوادر في الزين والانتاج وهي معروفه عندنا في وادي الدواسر ولانعتبرها عذروب بل صارت علامة جودة هههههههههه نعرف منها اصل الناقه

يا ابو احمد الزبون او الشريطي اول ما يحصل الشامه في الناقه او البعير يتبادر الى ذهنه انها تهجين وخصوصا باكستاني وليست في مستوى السليمه من الشامه من حيث القيمه ولكن القناي الشامه لا تعذرب الناقه الطيبه في نظره

بيض الله وجيهكم والله لايحرمكم الأجر

الناقه شفت انتاجها على الطبيعه شي فاخر ماشاء الله تبارك الله

ولكن الخوف ان هالأنتاج الفاخر ان رزقنا الله منه ما يجيب قيمه بسبب الشامات اللي تورثها الناقه خاصة ان قيمتها غاليه واعتبرها مغامره

يقدم الله مافيه الخير لنا ولكم وبيض الله وجيهكم

الأخ ممدوح إن كان مالك نظرفي الناقه
ارسلي صورتها ورقم جوالك على الخاص
عندي لها زبون

الشامه ماهيب عذروب فالمطيه أخي الكريـم ..
ولكن قد يتبادر إلى ذهن البعض انها دليل على التهجين وهذا الكلام غير صحيح .
واعرف لـك احد الاخوان اللي معنا بالموقـع عنده بعيرً كفـو مجهم وفيه شآمه والرجال هاده فالبل ..
..
فـ من وجهة نظري الشخصيـه أنها لاتعبر عذروب إطلاقاً ...
..

مرحبا ياممدوح وابل الجزيرة اللي نعرف مافيها وشوم . والوشوم علامة تهجين ويستارثها الانتاج اما الناقة الغاليه مايعذربها شامه وشامتين ويفحل ولدها .وفيه فحول طيبه اماتها زرق مجاهيم .

الله يرحم والديك يا ممدوح قل أمين

من زمان وأنا أدور أجابه على هذا السؤال ونزلت موضوع في المنتدى ولا لقيت له إجابه

هل الشامه عيب في الناقة ؟؟؟

أنا شريت بكره أبوها معديان بعير الأمير بن جلوي وأمها من أبل الشيخ مجدل والبكره كفو كفو لكن عيبها فيها الشامه اللي تقول وأمها شفتها ناقة كفو وخصم سوداء غرابيه ولا فيها شامه .

وسالفة الشامه في إبل مجدل الدوسري من بعير اسمه حشيرين يقول أنه من أبل الملك خالد الله يرحمه وهذا سر فيه وفي أماته.

وسلامتك وسلامة الجميع

اخوي الشامه ماهي عذروب في الناقه ولا على كل حال ان انتاجها يجيه ماصاب امه, من ناحيت انه تهجين فاهاذا غير صحيح ان عندي بكره من فحل الابل ساسه من ابلنا وامها كذلك من ابلنا وفيها شامه ولا سبق ان صار عندن مثل ذلك وجاء انتاجها عايدي لا يوجد به شامه ان شاء الله اني افدتك

الشامه الصغيره ماهي عذروب
لاكنها تشوش على الشرايه لاختلاف الاذواق
وعدم وجودها افضل /يعني لوخيرت بين ناقتين متقاربه في الزين ابا اختار اللي مافيها شامه
اما لافاتت بزينها فغير
تقبل تحياتي

عندي ناقه فيها شامتين واحده في جنبها وكبيره والاخرى في جنبها الاخر
الناقه عارف ساسها ولا قربها التهجين