ياوزير التجارة ....

ياوزير التجارة ....

ياوزير التجــــارة يـوم كنـا بخـــيـر
الزيـادة بـحـــــق الله وش جـــابـهـا
زاد سعر الأرز وزاد سعر الشعيـر
دوبهـا للبهايـــم وإلا لاصحــــابـهـا
كل سلعة رخيــصة زودوهـا كثيـر
والرقابه تفرج مدري وش صابهـا
القرارات ماتثنـي ضعيف الضميـر
والنفوس الضعيفـة حـــدت أنيابهـا
أَصْدِر الأمر بالتخفيض عبرالأثيـر
وإلزم التاجر الطماع يرضـى بهـا
أصبح الوضع متأزم وصايرخطير
والضحـــية فقير القــوم يشقـى بهـا
ان تعشى تعشى سندويتش وعصيـر
وان طلــع يوم ثانــي ماتغـدى بهـا
منزله من صفيح وفرشته من حصير
ومصاريف قوته يحســـب احسابهـا
كيف تضحــك له الدنيا وحاله فقيـر
ينظر بعين دمعتــها علـــى أهدابهـا

للشاعر / مشعل بن سعد العمري

الموضوع الأصلي: ياوزير التجارة .... || الكاتب: سالم بن حترش || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dh,.dv hgj[hvm >>>>

صح لسانك

لاهنت ياسالم

القرارات ماتثنـي ضعيف الضميـر
والنفوس الضعيفـة حـــدت أنيابهـا
أَصْدِر الأمر بالتخفيض عبرالأثيـر
وإلزم التاجر الطماع يرضـى بهـا
أصبح الوضع متأزم وصايرخطير
والضحـــية فقير القــوم يشقـى بهـا


الله يزين احوال المسلمين

ياسلام ياسلام

صح السان الشاعر مشعل بن سعد العمري

وصح نقلك

بيض الله وجهك يابو حترش على النقل المميز وعسى الله يزينها ويعجل علينا بالحيا

صح لسان الشاعر

ولاهنت يا سالم على النقل

صح الله لسان الشاعر ولاهنت على النقل ...

وان شاء الله نشوف وزير التجارة افقر الفقراء باذن الله .

صح لسانك

صح الله أبدانكم والله لايهنكم جميعآ
تحيتي لكم

صح لسانك حيلك فيهم بالقصايد

صح بدنك
وحيل الله أقوى منا فيهم

صح الله لسانه واعتلى شانه

وحسبي الله على كل مسؤول وتاجر له سبب في ارتفاع الاسعار

صح الله بدنك يأبوجابر.والله يصلح الحال
والله لايوفق من كان السبب

ماحـــــــــــــــــــــــــــولك وزير فيه خير

أبوعابد
حيل الله أقوى لعل الله يعجل بالفرج

صح الله لسانك ولسان الشاعرالعمري يابن حترش ولاهنت على نقل القصيده
ووزير التجاره موظف ينفذ أوامر معازيبه ولاله من الآوامر والصلاحيات إلا اللي بحدود مكتبه ..
حنا يابن حترش تعودنا على طآطآت الراس وهزه موافقتاً على ظلم الآمير والوزير والغفير ومع كثر الهز مجاملتاً ومنافقتاً للي مامن وراه فرج تكالبت علينا المصائب حتى أصبحت حياة البهائم افضل من حياة البشر,!!!
ويقولون الكلمة الصادقه التي تخلو من النفاق وقعها على السامع أقوى من حد السيف,والوزير والمسؤول الكبير عامتاً لون الله هيآ لهم ممن لايخاف في الله لومة لائماً من وجهاء الوطن لإيقافهم عند حدهم في حال تعدو المعقول لعرفو الحق وإجتنبو الظلم بكل أنواعه ضد كل فقير وكل محقور..
ولكن وش عاد نقول لاصار وجيه البلد معيشين وعايشين في أبراجهم العاجيه فكيف تبيهم يحسون بجوع اللي حولهم,؟!!!
يا أخي أنظر لآم رقيبه وإسمع عن أخبار التجار وإقراء عن عقود الرياضين وتعرف سبب الفقر والغلاء وكثرة الفواحش اللي نعايشها ونشوفها ..
أعجبني بيت من الشعر كنت أسمع به و أنا صغير ولكن لم أتمكن من معرفة صاحب هذا البيت حتى الآن..والبيت يقول فيه راعيه.
لاصار مالك من ذراعك نجده ==شربك من إيدين الرجال هماج..
وهذا البيت يحتاج وقفة تآمل بكثير من الجديه..
وصدقني إن طول فكر هالوزير وأعوانه على الوقوف في صف التاجر في أخطائه إن يفعل هالبيت وتعود شريعة الغاب التي أرفضها وأتمنى أن لايآتي ذلك اليوم الذي نسمع ونقراء عن أخذ الحقوق بقوة الذراع..
عموماً الله يفرجها على عباده الركع السجود ولابد يوماً أن تشرق الحياه..وصح الله لسان الشاعر مرة ثانيه

! ! !
دمت بخير أخي سالم ..