محتاج النصيحه والمشوره بخصوص التضمير

محتاج النصيحه والمشوره بخصوص التضمير

السلام عليكم ورحمة الله وبركاته

اخباركم يا عضاء ومشرفي منتدى مزاين..........منتدى نال الاعجاب واصبح له وزنه وسمعته الطيبه وليس بغريب على منتدى انتم رعاته يحقق هالانجازات

اخواني الكرام محتاج مشورتكم في موضوع عن التضمير

التضمير الان كما اعرفه وانتم اهل الخبره تضمير باجر متفق معه يعني كما يقال راتب شهري للمضمر يتم خلاله تدريب المطيه على الركض واشراكها بالمسابقات

والنوع الاخر هو مايتفق عليه بالنصف ويكون المضمر هو المسوؤؤل عن المطيه من اعلاف وخلافه وتدريب وان فازت بسباق يكون له النصف من بيعها وان لم يوافق صاحب المطيه على البيع عليه ان يدفع نص سومتها للمضمر

ياخوان انا عندي مطيه وسلمتها لمضمر باجر راتب شهري ولكن لم ارى منه الاهتمام او التدريب اللي اطمح له ........ والشك بدء يدخلني حين سئلته عن موعد اقرب سباق حيث ان لها عنده ثلاث شهور ولكن لم يجاوبني ويتحجج ان المطيه غير جاهزه وان وان وبدء يطلب فلوس يعني مثل التشره وهالشي لم يرضيني وانا محرج كيف اسحبها وشاورت ناس واخبروني ان ماله مصلحه بتاخير المطيه عن السباق حيث انها لو فازت فالكل راح يعرفه ويصبح مشهور والكل راح يضمر عنده

يالربع هل تنصحوني بشي حيث ان خبرتي قليله بمجال التضمير واسراره ..... هل المضمر باجر لايهمه فوز المطيه حيث انني اعتقد ان فوزها نوماس له ايضا حيث الكل راح يعرفه ويضمر عنده................

ارجو لو يكون هناك موضوع مفرد لنفهم ابجديات لعبة التضمير

واسف على الاطاله يالربع

الموضوع الأصلي: محتاج النصيحه والمشوره بخصوص التضمير || الكاتب: عبدالله ضمن الجهني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lpjh[ hgkwdpi ,hgla,vi fow,w hgjqldv

يخووي مر عليه كل يومين على غفله وهو مايدري وخااصه اذا كان سوداني فيه سوداني هاب ريح ويبي العلوم الغانمه وفيه سوداني يبي الفلوس تشوفه رابطها با الارض ولا ع القليصه

السلام عليكم

تسلم والله يا يوسف على النصيحه والله هو مصري ومن النوبه يكلمك تقال سعودي بدوي خالص ........ والله مادري عنه اهدافه وين واصله بس الوكاد بعد ارائ الاخوان بغير من عنده..........

اخوي عبد الله
حدد موقع المطيه
ومااالك الاطيبة الخاطر

عطها بالنصف ويكون المضمر هو المسوؤؤل عن المطيه من اعلاف وخلافه وتدريب وان فازت بسباق يكون له النصف من بيعها وان لم يوافق صاحب المطيه على البيع يردها لك بدون دفع اي شي

المشاركة الأصلية كتبت بواسطة زيد الشريف

اخوي عبد الله
حدد موقع المطيه
ومااالك الاطيبة الخاطر

كفو يابو هاشم لا خلا ولا عدم..بيض الله وجهك الله طيب الله خاطرك.....الموقع ينبع البـــــــــحر والمطيه قعود يعطيك لو لقى من يعطيه.........

تحياتي لك

المشاركة الأصلية كتبت بواسطة فيصل المنصور

عطها بالنصف ويكون المضمر هو المسوؤؤل عن المطيه من اعلاف وخلافه وتدريب وان فازت بسباق يكون له النصف من بيعها وان لم يوافق صاحب المطيه على البيع يردها لك بدون دفع اي شي

والله يافيصل ان عطيته بالنصف وفازت وان مابعت على السومه لازم اعطيه نص السومه غصب.............تسلم على النصيحه

الغالي ابو هاشـــــــــــم

حاولت كلمني على جوالي 0598451211

تحياتي لك

عطه واحد من المضمرين السعوديين لانه لا ينضر للمبالغ القلليلة

القعود الله يرزقك لكن شكله ما حقق نتيجه لان اول عشرين يوم تبين المطيه والرجال مخليه عنده وجالس يحلبك لكن عندي لك حل
خير المصري في انه ياخذه بالنصيفه والا انك تسحبه منه .... ان كان وافق ياخذه منك معنته ان قعودك فيه رجاء وان شاء الله يجيب التيم الطيب .
وان كان المصري رفض ياخذه اسحب القعود منه وده واحد ثاني والا حطه مع اماته قدام عيونك وتبرد كبدك.
للاسف ماره علي التجربه واكثر المضمرين الي في السيده هذي طريقتهم . بس ياليت لو ان حن نقدر نعرف الصادق منهم من اللعاب .
بالنسبه للسعوديين ما هم فاضين كل واحد يالله يلحق وراء حلاله .

مع الاخ محمد سالم اليامي

السلام عليكم احضر تفحيم القعود والتيم بيعلمك بكل شي