افدنا واستفد منا والهداد قرب مهم

افدنا , والهداد , واستفد

افدنا واستفد منا والهداد قرب مهم

بسم الله الرحمن الرحيم

السلام عليكم ورحمة الله وبركاته
مساكم/صبحكم الله بالخير
مبارك عليكم العشر التوالي


بلا شك ان سهيل ما بقاء له الا ايام

و هداد الفحول قرب وكل وبال يتحراه

فتحت الموضوع هذا لكي نستفيد من بعضنا فارجوا المشاركه من اعضاء هذا الصرح الشامخ من حيث ذكر جميع الاخطاء التي نرتكبها من ناحية الاستعجال او غيره كل منا يطرح الطريقه الصحيحه التي يستخدمها مع حلاله بالهداد الطرق كثيره وحبذاء لو ركزتم على التالي:
1-الطريقه لتظمير الفحل
2-تجهيز العشاير للضراب
3-تجهيز العجوم للضراب
4-ما هو العلف المفضل للتجهيز
5-كيفية التعامل مع القعدان الجديده
6-الوقت المفضل للظراب بالنهار



من عنده زيادة يذكرها



ارجو التفاعل من الاعضاء


تقبلو تحيات اخوكم/محمد النصافي

الموضوع الأصلي: افدنا واستفد منا والهداد قرب مهم || الكاتب: محمد حسين النصافي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ht]kh ,hsjt] lkh ,hgi]h] rvf lil

الله يعطيك الف عافيه يا ابو حسين على الموضوع الممتاز

جاء في وقته



ننتظر اهل الخبره للاستفاده منهم

رابط مفيد جدا بخصوص هالموضوع
http://www.mzayan.com/vb/showthread.php?t=28138

شكرا ياخواني
فيصل فلاح
و
طلال الروقي
على مروركم
الي ودي اوصل له ان كل منكم يطرح طريقته مع حلاله
لنجد الاخطاء و نجد الحلول

بالنسبه لي
1/ تجهيز الفحل من نص 11 عربي ابدا اقلل العلف عليه شوي شوي لان هياج بعارينا من ضحيه وورا وذا الزمان عندي جذع باضرب به في شهر 11 او في ضحيه لان الجذع هايج من بدري

اخلي علفه الحاله واقلل له العلف مع شوي برسيم فقط

2/ ماعمري قد جهزت شي للضراب بحمد الله الى العام قطعت من ابل عندي والحمد لله والمنه تلاقحت

3/العجم تعزل ان كانت سمينه ويخفف عليها العلف شوي وقبل الضراب باسبوع يحط لها البرسيم وجبه اساسيه ويتوع لها بالعلف شعير يوم ومكعب يوم وذره يوم على حسب مقدرة راعي الحلال والى ترا البرسيم والشعير تكفي والممشى الطويل قبل الضراب زين لها

4/انا عني مااستخدم الى شعير وبرسيم او رودس على كل حال

5/قعودنا العام اول مره يضرب والوضع عادي اضربنا به واموره زينه ماسويت ولاجهزت له شي نهائيا

6/الوقت المفضل عندي انا عقب الفجر على طول قدام تظهر الشمس

ونسمع من الشيبان يقولون ان البعير اذا تبي تشوف انتاجه عليك بضرابه الفجر اول ضراب له في ذاك اليوم يعني اذا ابلك شوي خل كل يوم ناقه بعد الفجر

والوقت الثاني من الساعه 7 اذا ابلك ماتسرح
وقبل العلف قدام المغرب وانتبه من اضراب البعير بعد العلف تراها خطيره

جزاك الله خير يا سالم الدوسري
وشكرا على مرورك



فيه نقطه ابئ اوضحها
الي هي ان الموضوع للجميع كلنا نستفيد منه
فيلزمكم المشاركه وطرح اقتراحاتكم

5- كيفية التعامل مع القعدان الجديده

عندي قعود يجذع في سهيل .. من الحين اشوف له حركه خفيفه
بس السوال .. هل بيلقح ؟ واما عن جرمه اطول الريجيل مايلحق غاربه ماشاء الله

ارحب ياابو حمد ولامهونه في اخوي راعي الموضوع

هده وانا اخوك والتوفيق من الله ولا تضرب به الى المياسيير لايوجع عمره ويوجع البل

ويتعلم منها شوي شوي

بس اهم شي التعليم التعليم

تراها الركزه الاولى والضرب اللي ماله سنع

واللقاح باامر الله هرشه تضرب صبح ومساء ولايجي للبل لقاح الى عقب ضراب وضرابين وشهر وشهرين

ماعليك اهم شي لا تخليه ذا السنه يروح عليك مااضرب

بالنسبه لسؤالك يا عبد الله
الشيبان يقولون الجذع لذع اما يلقح البل كلها ولا يلقح وحده
وان شاء الله بتلقح كل البل منه ولا تستعجل بالضراب
خل فحل يضرب قدامه قبل لا تهده
والله يكتب الي فيه
خير

المشاركة الأصلية كتبت بواسطة سالم محمد الدوسري

ارحب ياابو حمد ولامهونه في اخوي راعي الموضوع

هده وانا اخوك والتوفيق من الله ولا تضرب به الى المياسيير لايوجع عمره ويوجع البل

ويتعلم منها شوي شوي

بس اهم شي التعليم التعليم

تراها الركزه الاولى والضرب اللي ماله سنع

واللقاح باامر الله هرشه تضرب صبح ومساء ولايجي للبل لقاح الى عقب ضراب وضرابين وشهر وشهرين

ارحب يابو محمد وكل عام وانت بخير
والله لايهينك وجعل عمركك طويل !
الف شكر لك

المشاركة الأصلية كتبت بواسطة محمد حسين النصافي

بالنسبه لسؤالك يا عبد الله
الشيبان يقولون الجذع لذع اما يلقح البل كلها ولا يلقح وحده
وان شاء الله بتلقح كل البل منه ولا تستعجل بالضراب
خل فحل يضرب قدامه قبل لا تهده
والله يكتب الي فيه
خير

ارحب يابو حسين وكل عام وانت بخير
والفحول الهرشه الله يعوضنا باخير منها اعتدّت عليها الذيبهّ
مافي الا القعود وندور !
ولاهنت وابيض وجه

:mwalat35:موضوع طيب ويستحق المشاركه
طبعا انا بعطيكم من الاخطاء الفادحه الي لازم ينتبه منها راعي الحلال
قبل سنتين عندنا قعود من يوم هو حوار وحنا ننتظره مره زان ومره شان طبعا هذي حالة راعي القعود ويوم وصل جذع
وجاء وقت الهداد هاج القعود وبداء يتحرك ولاكن بطنه ماظمر باقي ماقفل كبير واجيه طال عماركم هاك العصريه واترزز عنده شوي وافكه على احد العشاير وبعد لا اضربها لين اشوفه قام يبرك ويتمرغ واليوم الثاني لين بطنه منبعج طالع من كبر الكوره مع الجنب المهم ماعاد اظرب هاك الربيع وتعبنا بعلاجه ولاطاب الا بعد 6 شهور فالحذر الحذر من العجله وهد البعير وبطنه كبير طبعا غلطة الشاطر بعشر

الله يعطيك العافيه يابو حسين

موضوع رائع ومقيد

الله يعطيك العافيه يابو حسين