اسئـله واستفسارات . . تبحث عن إجابات!!!

اسئـله واستفسارات . . تبحث عن إجابات!!!

السلام عليكم ورحمه الله وبركاته

أخواني أعضاء منتديات مزاين الكرام
أسعد الله جميع أوقاتكم بكل خير

أطرح هالموضوع بين ايديكم وأتمنى من الجميع المشاركه بخبره وبمعرفته
لأن هالمنتدى ما وضع الا للاستفاده وتبادل الخبرات الطيبه
ومعرفه شرواكم هي رأس المــال فيها كل أبوهـا

أخواني الكرام . . .
أنا شريت لي قعود بيروح ( حق ) شهر 3 عربي أي ربيع أول ، وأبيه فحل للابل عندي
والقعود أبشركم انه طيب وساسه طيب . . . والله يرزقنا وإياكم من واسع فضله

أنا حبيت في هالموضوع بصفتي أول مره أقني قعود للهداد
أستفيد من هل الخبره وهل المعرفه في أمور عدة واللي عنده زود لا يبخل عليّ :

1- من ناحيه العلفة وكميتها . . وهل هناك علفه معينه مثل البرسيم الرودس أو التبن أكرمكم الله ؟؟؟
2- التطبيع .
3- متى يبدأ يعوّد القعود على القيـاد . . وبمعدل كم يقيّد القعود ثم يفك قياده ؟؟
4- الرعي وهل الشجر اللي بها شوك تأثر على براطمه وتقسيها حسب ما ذكر لي ؟؟
5- حبسه داخل الشبك . . . علمـاً بأني خليته أول ماشريته داخل الشبك يومين بليلتين .. هل يحبس على طوول أو وشلون أو هل في وقت يحبس وفي وقت يخرج من الشبك ؟؟
6- جلوسه داخل الشبك وقت هطول المطر هل يأثر عليه وهو محجوز ؟؟
7- ماهو السن المناسب لهد البعير ؟؟


ولكم خالص شكري وتقديري وأسفي على الإطــاله
فمن لقى شرواكم طمع في الاستفاده والاستزاده

لا خــــــــلا ولا عـــدم

الموضوع الأصلي: اسئـله واستفسارات . . تبحث عن إجابات!!! || الكاتب: سعد الشمراني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hszJgi ,hsjtshvhj > > jfpe uk Y[hfhj!!!

اخي في الله سعسد

1-من ناحيه العلفة وكميتها . . وهل هناك علفه معينه مثل البرسيم الرودس أو التبن أكرمكم الله ؟؟؟

الوافي طيب في التعليف0

التطبيع من سن حق قيدة وسن لقي اربطة ومعدل الربط اربطة لمدة شهر لين يقاود ويغدي وثن( هادي ومتعود على القيد والربط)

اخي العزيز بالنسية لشجر والشوك من فطر الابل وعظمة الخالق انها ماتوثر على المطية سبحان الله

بالنسبة لحبسة بالشبك عادي وانا اخوك واذا القعود قايد وهدي وتعود على القياد والرباط اظهرة بين فترة وفترة واذا ابلك سارحة مايمنع انك تقيدة وتخلية يسرح معها واذا لاقا القعود اربطة بالسلسلة واكرمة وسن هداد البعير من جذع وهو يلذع واللقاح بيد اللة وفية قعدان تضرب وهي لقايا وتلقح


وتقبل تحيتي

أشكرك جزيل الشكر أخوي الفاضل فيصل العاطفي

بيض الله وجهك وجمّل الله حـالك
على هالمعلومات القيّمه

وأتمنى من الاخوان مداخلتنا عبر هذا الموضوع

لا خــلا ولا عــدمـ

اخووي فيصل العاطفي كفى ووفى الله يعطيه العافيه ..


والله يبارك لك في حلالك اخووي سعد .. وبالتوفيق ..

بالنسبة للعلف انا افضل حوض البرسيم مايفضي منة وخلط لة شعير مع الوافي ثلث سطل وعطة مرتين مع الصبح ومع وقت عشاء البل .

الاخ سعد الله يبارك لك في قعودك

وتشوف الانتاج الطيب منه ان شاالله

اما العلف فكل اللي ذكرت طيب انت وفر له العلف لاتخلي حوضه يفضى

مع العلم ان سمن الحاشي وهو صغير ومربوط في حوش قد يظره ويسبب له

لين في فراسنه (صعاد يديه)وحتى تتجنب هذه المشكله لاتربطه مده طويله لكن خله يسرح مع اماته

لكن يوم ورا يوم وعلمه القياد وهو في الحوش لاتخليه يطلع وهو مقيد ثم يشوه اديه القيد خاصه انه من القعدان الطيبه

ع قولك ولا حنا ماشفناه لو حطيت لنا صورته كان يمكن نحسب له الى الله اعطانا وياك عمر بعد سنتين تشوف بعض الربع عندك

بابله يبغي الضراب

الله يوفقك
ويرزقك بالانتاج الطيب

الله يعطيكم العافيه أخواني الكــرام

سامر الحربي

محمد أبوعدوه مع شكري لتعليقك ونصيحه طيبه من رجال طيب

زاهر العرجــاني بارك الله فيك وشاكر لك مرورك عزيزي
ونصائحك على العين والراس وان شاء الله نطبقهــا

سلطان المطيري تقبل الله دعاك وانا اخوك

وفي انتظـــــــــــار المزيد من أهل الخبره والمعرفه