هنا كل مايخص مزاين الشيخ سعد القرنين

مايخص , مزاين , الشيخ , القرنين

هنا كل مايخص مزاين الشيخ سعد القرنين

السـلام عليكـم ورحمـة الله وبركاتـه ,
أخواني الاعزاء ,
تحيـه محمّله بعطر الخزامـى والنفـل لاهبت نسانيس البراد ,
كمـا هو موضـح في العنـوان , والكتاب من عنوانه ,
نريد المشاركـه منكـم جميعاً في هذا الموضـوع ,
وموافاتنـا با أخبـار مزايـن القرنيـن وجمعها تحت سقف هذا الموضـوع ,
ولذلك لعـدم تشتت أخبار المزاين والبحث عنها في كل قسـم , وخدمةً لإخوانكم الذين لايستطيعون حضور المزاين ,
ومتابعةً لهذا المزايـن الضخـم الذي خدم وسيخدم ملاّك الأبل جميعاً ,
هنا كل مايخص المزاين من تغطيات أحداث أخبار ملاك الابل الصفقات والبيع والمشترى وحركة السوق ,
والمشاركين , وجميع مايخص هذا المزايـن ,

..
..

اتمنى التفاعل ,
شاكر ومقدر للجميـع جهودهم ومشاركاتهم ,

الموضوع الأصلي: هنا كل مايخص مزاين الشيخ سعد القرنين || الكاتب: مشعل الشويش || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ikh ;g lhdow l.hdk hgado su] hgrvkdk

اول حدث خيبت ظن انا اليوم عندهم ابي استفسر عن آليت المزاين ما حصلت احد من القائمين عن المزاين حصلت واحد من الملاك الي مشاركين في فئة الشقح او الوضح يقول انهم بيغيرون المكان ولا ادري وين بيشدون جاهم امر وانا ابي الخلاص ابي اشيل البكره الي مشارك بها ولاحصلت احد يكلمني والحقيقه الرجاجيل تعبو في تجهيز المكان واهل الشبوك متواجدين بكثره والشديد صعب جداً وظلم للقائمين والجلابه عسى الله يعينهم..

وين موقع المزاين يالربع وصفوه لنا بارك الله فيكم ومتى يبدأ ؟

وين مكان المزاين ياجماعة وصفوه لنا بارك الله فيكم ومتى يبدأ ؟

المزاين عند تقاطع دقله

المشاركة الأصلية كتبت بواسطة تركي بن عبد الله

اول حدث خيبت ظن انا اليوم عندهم ابي استفسر عن آليت المزاين ما حصلت احد من القائمين عن المزاين حصلت واحد من الملاك الي مشاركين في فئة الشقح او الوضح يقول انهم بيغيرون المكان ولا ادري وين بيشدون جاهم امر وانا ابي الخلاص ابي اشيل البكره الي مشارك بها ولاحصلت احد يكلمني والحقيقه الرجاجيل تعبو في تجهيز المكان واهل الشبوك متواجدين بكثره والشديد صعب جداً وظلم للقائمين والجلابه عسى الله يعينهم..

لاهنت يابوعبدالله
الله يعين القائمين على المزاين
الصراحه جهود جباره حسب ماسمعنا وتنظيم جيد ,
وان شاء الله تيسر الامور وترجع المياه إلى مجاريها

الموقع الجديد بيكون على طريق القصيم

اما بالنسبه للجوائز ..

1 () نخبة النخبه $$ راس تريله $$
2 () المركز الاول $$ سيارات من نوع جيب $$
والمراكز المتبقيه لها 30 سيارة متنوعه ()
والله الموفق !

مشكور يامشعل على الخبر الطيب
واول ماشوف بعد الاجازه المزاينا بس حددوا مكانه

خلصت الشقح لها اسبوع وبدت الوضح اليوم ثالث لها النتيجه الخميس وكل لون له اسبوع وباقي في دقله
والامر مثل امر هل برمه انه يزيل الشبوك بعد المزاين شي طبيعي اليوم اشوفكم هناك ياهل المغاتير

المشاركة الأصلية كتبت بواسطة عبدالله حمد العتيبي

اما بالنسبه للجوائز ..

1 () نخبة النخبه $$ راس تريله $$
2 () المركز الاول $$ سيارات من نوع جيب $$
والمراكز المتبقيه لها 30 سيارة متنوعه ()
والله الموفق !

نخبة النخبة جايزتها مليووون يابوحمد

يالربع فيدونا عن المزاين هذا مزاين ولا سوالف
ولا جهه إعلانية اعلنت عن التفاصيل والشروط
شي عجيب ولا ادري مالسبب؟
وهل المزاين فردي ولا جمل
افيدونا وشكرا

هذا مفروض اسمه مزاين لكن للاسف خاب الظن جلبنا حلالنا وحطينا شبوكنا ويوم قعدنا ثلاث ليالي قالوا ترى بيلغون المزاين وبيشدون!!!!
عموما هذا مهو مزاين هذا ضحك على الناس اشتغل كم يوم ووقف وامس انا عند شبكي هناك يقولون جاهم امر يزيلون المزاين وخذ اشاعات ناس شالت شبوكها وناس قالت اصبروا وناس قالت بيشدون عند كبري دنانة وناس روضة الخفس وخذ كلام ماله اخر
وقتها قلت ياولد لاتسمع كلام الناس رح بعينك وشف وجيتهم امس الصبح ودخلت المزاين مافيه ولا عامل تكلمه!!! وين اهل اللجنة وين المنظمين؟ ولا احد تلقاه يرد عليك ويوم اني انتظرت طلع رجال من داخل يقول انا مشارك في مزاين الشقح وجاي اسحب مطيتي ترى الربع جاهم امر يشدون وقتها رجعت لحلالي ولقيت جاري شد ومشا لدنانه
تركتهم الى اليوم انتظر العلوم ونشدت الصبي من شوي قالي ترى الناس نصهم شدوا والدنات تحمل راجعه ناس رجعت للجنادرية وناس رجعت للرياض وناس راحت ام رقيبة
اما اخونا اللي يقول اليوم تبدا الوضح فمادري هذا علم جاه ولا شاف بعينه الوكاد ان نص الجلابه شدوا اليوم الصبح وشبوك المزاين مافيها ولا ناقة ولابه وضح ولا غيره والغريبة تدخل قناة الاماكن الشريط يزيد ويعيد في المزاين ويعرض الجوائز وهم ماعندهم الا الكلام اللي مايفيد
عموما حنا يومين ثلاثة وبنشد يم ام رقيبة ومانقول الا الله يعوضنا عن خسايرنا والخيره فيما اختاره الله وحسبي الله ونعم الوكيل على من علقنا وخسرنا في هالمزاين اللي ماشفنا من وراه الا الكلام وسوء الترتيب والارض الريغة

سلام ياالشاما
جتني علوم البارح ان المزاين يبي يغيرون مكانه ويبي يمشون يم جهت حفر العتش
السبب يقولون الغبار والعجاج ما يساعد افراد التصوير بالقناة على التصوير لان المكان كله رااااغه
وانا يا طوووووال العماااار ابن عمي مشارك بفئة الشقح ويقول افرزو عشرين بكره ورقموها وهو حسب قوله يقول بكرتي عطوها رقم 1 ويقول باقي الالوان في الاسابيع القادمه
وسلامتك

المصدر جوال فرديات قناة الاماكن
اعلنت اللجنة المنظمه لمسابقة فرديات الابل في دورتها الاولى على انه قد تم نقل موقع المسابقه من مركز دقله الى مثلث الطوقي والذي سيستضيف هذا الحدث الذي يترقبه الجميع
تمنياتنا للجميع بالتوفيق
هذا يا الربع نص الرساله اللي وصلتني بالحرف الواحد