وش الراي يالعواريف

وش الراي يالعواريف

بسم الله الرحمن الرحيم

الاخوه الاعضاء
السلام عليكم ورحمة الله وبركاته
الكل منا يااهل المجاهيم يعرف الفحل المشهور (مهيبيلان) ابن الويبد
اللي عند محمد ابن سعد ال مقبل ابو الفحل مهيبلان ال جلمود
وقد وصل سومه الا اسعار عاليه ( مليون ونص)
عندي عليه قعود سنه حق يوم انه حوار غير شكل ماداج مع العربان مثله
يعني مزيون وكل ماجينا الابل لقينا رجال في الشبك واذ سرح لحقوه في المفلاء مع العلم ان امه فاطر ولا هي برديه وبطنها نضيف
ومن ابل ال فهيده
مير القعود يوم انه انفرد تغير وشان شكله ولا ودك تعاين فيه هلحين
وكل من سالني عنه من البدوان وين القعود ولد مهيبيلان اللي كان عندكم
وشافوه قالو مهو هذا ويشرون علي ابيعه وبعضهم يقولون جوده لاتبيعه
اذا ماتغير وزان بتشوف الزين بنتاجه انشالله
مع العلم يوم انه حوار فيه زين ماجاء يمكن عندعند راعيه قعدان مثله

والحين يالاخوان ابغي رايكم هل تعرفون احد قط مر عليه قعود كان زين
وحين كبر شان وزان انتاجه او رد على زينه لان هل الابل الاولين
يقولون الزين لو شان يرجع زين

الموضوع الأصلي: وش الراي يالعواريف || الكاتب: ثامر فايز || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

,a hgvhd dhgu,hvdt

تمسك فيه وانا اخوووووك بيدينك وسنونك ، ولا تفكه .

مرحبا يابو فايز والاولين ماخلوا لتالين شي وقالوا الولد والقعود مخلفين العهود الزين يشين والشين يزين بالفعل والشكل وانا اقول لا تستعجل ولوك حطيت صورته كان ازين .

السلام عليكم انا صاير لي مثلك عندي قعود يوم انه حوار صوره من زينه و هو ولد متينان ال درعه يوم صار مفرود شان راسه و لا عمره زين و اظن انه رايح ل امه

ابشر بخيييييير ..
ان الله اراد ليطلع مطلاع السعد ,
القعود له نظره وهو حوار . وله نظره لقي .
وقعودك بيظهر مظهار السعد اما سهيل الجاي او سهيل اللي بعده باذن الله والعلم عند الله
كان ذا ساسه ومغراسه من ابوه وامه من ابلن مقيمه ومعروفه باصالتها , ويوم هو حوار فايت وعايز على كلامك فلاتخااااااف .
ومثل قول ابو بندر . لاتفرط به . والبركه اولاً واخيراً من الله سبحانه وتعالى .
ولو تعرض صورته كان افدناك اكثر .

الاخ طلال الروقي
الاخ محمدبن عدوه
الاخ سلطان الروق
الاخ مشعل البرقاوي
الله لايهينكم على تعليقاتكم ونصايحكم
والله اني نويت بيعته الا شي بسيط
لولا الله اخير ثم استشاراتكم نبى نصبر عليه وليامنه استعد خليناه ياخذ له في الابل جولتين ونشوف
اشكركم بعنف

جوووووووووووووووووووووووود ولاتفرررررررررررررررررررط

وان قاله الله اذا لاقا ليبان زينه واحرص على اول ضرايبه لاتعرضه الا فاطر والا حولها واخذه حقها فالزين وعندها والله انك باذن الله لتسجل سراواته وتذكر كلامي ان الله احيانا

اعرض صورته الله ايبارك فيه