رايكم في المفرود المجهم .. يفحل والا مايفحل

رايكم في المفرود المجهم .. يفحل والا مايفحل

السلام عليكم ورحمة الله وبركاته


ابغا رايكم في القعود المفرود بارك الله فيكم

القعود كل من شافه قال فحل وانتظر عليه

واتمنى من اللي يبدي رايه يقول ايش الزين فيه وايش عيوبه

اما بالنسبه لأمه ناقه فوق البداوه سعرها من 20,000 وحول

وابوه عليه 400,000


والقعود اخذ من امه الشي الكثير

واترككم مع الصوره

الموضوع الأصلي: رايكم في المفرود المجهم .. يفحل والا مايفحل || الكاتب: فهد العضياني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

vhd;l td hgltv,] hgl[il >> dtpg ,hgh lhdtpg

الله يرزقك باطيب منه مايصلح فحل

مرحبا ياالعضياني من وجهت نضري انه ماينتفحل
انا اشوفه انه اقل من العادي
ولا تعب نفسك فيه لان ( الهقاوي ماهي بالمناوي)
وانا اخوك
ومن ناحيه انك تقول اذكرو الزين والشين اللي فيه
اشوف ان مافيه شي زين عشان اذكره
الراس صغير 0العرنون ماش ماله رثمه ولا سبال
الرقبه قصيره وعنجا 0ماله شقه ولا جنب
العضم دقاق هذي
مواطيه صغار
هذي وجهت نضري وارجو منك انك تقبلها بصدر
رحب
واسال المولى انه يرزقك بواحد يعوضك عنه اللي يسوقون له البدوان ابلهم من كثر زينه

الله يرزقك ببرك منه في ناظري مايصلح فحل

ارحب يافهد تراحيب المطر
والله ياخوك القعود من خلال الصوره مايصلح فحل
الملاحظات فيه واجد ,راسه عادي ماعدا غضروف خشمه مااقول طيب لكن ماهوب شين
الرقبه قصيره وباقي مافيه عادي
الله يرزقك ياالعضياني بالبعير النادر

الله يرزقك ببرك منه

ماازود على كلام الاخوان شي
بس اذا تدور لك فحل فبحث عن اللي تهقوى فيه خير ويعمر ابلك مستقبلاً
والله يرزقك من اوسع ابوابه

الله يرزقك من واسع فضله يافهد
والقعود مابه زين يذكر
وانا اقول دور لك من العضيان اصحاب النوادر المجاهيم
مثل : مرزوق جزاء العضياني ,,
واشتر منه فحل يعمر لك البل وهو عانه شرق من النير
وانا اعرف صاحب البل زين كان تبي منه شئ ابشر بتضرب والا بتشتري
وشكرآ
.
.
.
وهذا الرابط للفحل وانتاجه :

http://www.mzayan.com/vb/showthread.php?t=46592

الله يرزقك بازين وابرك منه

ماريت ما يشفع له الا درثومه مهوب شين بسسس

كل مامنه ردي ..
الله يرزقك باطيب منه يافهد

مايختلف عليه اثنين يافهـد ..
اقل من عادي .. ولافيه اي ميزه تشفع له بدون اسهاب ,
الله يرزقك باابرك .. ولاينتشاور عليه ذا مثل شمس النهار ,
تقديري

شرفني مروركم

وبيض الله وجيهكم

والحين باقي ناخذ رايكم في طعم لحمته وموعدنا الخميس الجاي ههههههههههههههه

عطني من النسانيس وصفايح الورك كيلو

ابشر بسعدك

ويمدحون لحمة الكتف

اما الكبد اذا صارت مشويه على الجمر هذا شي ثااااااااني

والله يافهد مابه من الزين شي الا يمكن اذانيه واقفات شوي واذا تبي تتعب وتفحل دور لك اخير منه لوماكان انتاج مراح مشترى

وهالحين الحمد لله الزين عند البدو واجد تبي تلاقي بسعر معقول شي معنز على الصوبين وتتعب عليه والرزق عند الرزاق الرآي ذمه والنصيحة دين