تكفون ابي مشورتكم عن علة الفحل

تكفون ابي مشورتكم عن علة الفحل

السلام عليكم ورحمة الله وبركاته وكل عام وانتم طيبيين
يالربع أنا شريت لي بعير فحل مجهم من رجال دوسري أجودي شرواكم يالطيبيين....البعير ذا اسمه معديان ولد غريبان السكيني المبيوع بسته مليون.والفحل ذا شاريه راعيه الاول بمية وخمسين الف وهو بعد حوار وهو الان سديس وله انتاج من أول..وأراد الله اني اشريه وحطيته بشبك في طرف المزرعه بعيد شوي عن النوق........المهم يالربع ادخلت عليه ناقه قبل عشرة أيام وبركت له وضربها بس كان يحتاج تشميل بإٍستمرارلأنه يفلت لكن يعتبر اضرابه مقبول...بعدها بيومين أدخلت عليه ناقه ثانيه وبركها لكن إضرابه كان فسل ماغير يفلت كل شوي واشمله ثم يفلت تقول كنه عايف الناقه ثم قام عن الناقه في وقت قصير يعتبر غير كافي للإضراب....واليوم ولد خالي أدخل عليه ناقه ويقول بركت له لكن البعير شمها وتركها قامت الناقه وبركوها له مره ثانيه وركبها بس يفلت بإستمرار وقام عنها بسرعه ويقول اكيد انها ماراح تعشر لإن اضرابه مايمدحه....ماأدري ويش علة البعير بالربع هل هومريض أو ماقد هاج مع انه دوم عينه بالنوق ويضرس بإستمرار ويفرز المادة البنيه اللي تطلع من خلف رأس الفحل...وانا كلمت راعي الفحل الاول وقال لي والله مابه عيب من ناحية الاضراب وقال لي انه أعجم...تكفووون ويش الدبره وآسف على الإطالة...

الموضوع الأصلي: تكفون ابي مشورتكم عن علة الفحل || الكاتب: مشبب بن حماد القحطاني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

j;t,k hfd la,vj;l uk ugm hgtpg

تطمن يااخوي

البعير ماهاج وبطنه كبير ولايضف الناقه زين للحين ...

وان كان قصدك رخاوه في ذكر البعير ان شاء الله مافيه ألاّ العافيـه ...

وفك البعير مع البل لاتربطه بالمزرعه .

وياليتك مااضربته أول ضراب ألاّ من عشراً حالها طيب وميسر ..

لنها تنقض البعير ويهيج ...

فك البعير مع البل بهجاره وبيهيج ان شاء الله البعارين توهاااا اكثرها ماضرب للحين ..

...

تقديري

ان شاء الله ماحولة اي خلاف
ومثل ماقال اخوي مشعل
الفحول مابعد هاجت حتي الان

الأخوين العزيزين مشعل وسالم بيض الله وجيهكم على التعاون وعسى الله يرزقنا وإياكم من واسع فضله يالأجاويد

لي إستفسار عن وقت هياج الفحول؟؟؟ اللي أعرفه إنه من منتصف أكتوبر ميلادي إلى نهاية مارس ...هل كلامي صحيح
والإستفسار الثاني عن معدل الوقت اللذي يستغرقه البعير لإضراب الناقه ؟؟؟؟؟؟؟تكفون تعاون الجميع لتعم الفائدة يالمطاليق..........آسف ثقلت عليكم

ما فيه الا العافيه ان شاء الله
البعير لا برد ظهره بيهيج ويعصب ماله وقت محدد لكن مثل ماقال لك الاخ مشعل فك البعير مع البل بقيده ولا بهجاره لا تربطه
واهم شي لا تضرب به وهو بطين تراه ينفضخ اذا مستعجل صومه عن الشرب والاكل يوم ولا يومين واضرب به
واذا قفل البعير (هاج) ومازلت المشكله اللي ذكرتها فيه احتمال انه منفضخ لان من علامات الفضخ البعير يفحم بسرعه فوق الناقه ولا يستشمل وان استشمل انفهق لوارء من الوجع وعلاجه الكي .

الأخ بندر بيض الله وجهك عالمعلومه
البعير جديد علي وماأعرف طبعه لكن حسب كلام راعيه الأول طبعه هادي لكن أخاف اهده مع الابل يحاول يركبها وهو مقيد ويضر نفسه او يضر النوق لاسيما ان عندي نوق لقاح بقي لها من شهرين ودون وترعى مع بقية النوق وبعض البعارين غشيم...؟وفيه حيران صغار كذلك .............وايش رايكم يالربع؟؟

المشاركة الأصلية كتبت بواسطة مشبب بن شباب

الأخ بندر بيض الله وجهك عالمعلومه


البعير جديد علي وماأعرف طبعه لكن حسب كلام راعيه الأول طبعه هادي لكن أخاف اهده مع الابل يحاول يركبها وهو مقيد ويضر نفسه او يضر النوق لاسيما ان عندي نوق لقاح بقي لها من شهرين ودون وترعى مع بقية النوق وبعض البعارين غشيم...؟وفيه حيران صغار كذلك .............وايش رايكم يالربع؟؟

الاخ القدير مشبب

جعلك مشبب

لا داعي للقلق والخوف

البعير فكه مع البل لاجت على العزبه وخلهى على عينك وراقب طبوعه ولا من خطر ابداً .. ماجاك عندي

ومثل ماقال اخوي بندر لاجيت تضربه لايتعشى الليل كله والصبح واضربه من الظهر وبعد دور لك ناقة عشراء حالها طيب من ابلك وادخلها عليه فالشبك واطلق قيده ,

والبعير بيضرب وبيهيج .. تو البعاريـن .

وكانك مستعجل اكثر من اللازم هات بعير جارك واضربه ناقه من ابلك وهو يتفرج مربوطً فالشبك ! وتعييين وش يسوي بعدهاا !

بيض الله وجهك يامشعل وتسلم يالغالي