ابعير يضرب وما يلقح ؟

ابعير يضرب وما يلقح ؟

عند احد الربع ابعير اصفر خيار شاريهمن يوم كان حق والبعير الحين سدس

البعير يضرب وماتشره عليه باي حاجة ويستشمل بروحه ولا تنقد على اضرابه باي شي

لكن المشكلة انه ما يلقح

مع ان راعيه يقول جاه الطبيب واخذ عينه منه وقال انه سليم وغير عقيم


وجاه خبير من اهل الابل وقال اصبر عليه

وانا الحين ابغا منكم الراي

الموضوع الأصلي: ابعير يضرب وما يلقح ؟ || الكاتب: يوسف مخلد العتيبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hfudv dqvf ,lh dgrp ?

والله البعير ما فيه حيله

عمر البعير سديد وهذا افضل عمر للضراب

اخوي ممكن هالموضوع يقدر يحدد لك شي بسيط

اولا البعير إّذا كان هايج وما قفل بطنه وضربته وبطنه كبير ممكن يسبب ه عقم

والبعير اذا ضرب والناقه توه مطبب فيها ممكن يسبب له عقم مثل تقطيع لانه يرش على الجرح ملح
وهذا يحرق ذكر البعير ويسبب له العقم

وهناك كثير من الأمور التي تسبب للبعير عقم او انه يكون عقيم خلقه

انا رايي يبيعه وما ورا السديد صبر ويعلم شرايه بعيبه وحضوض الناس ماهي سواا
يمكن الله يرزق غيره منه

الاخ يوسف مخلد العتيبي
اذا كان البعير مثل ماقلت تم فحصه يعني حيواناته المنويه سليمه اعتقد انه يمكن معالجته
لدينا طريقه لمثل هذه الحاله وهي استخدام مضاد حيوي نوع طويل المفعول TERRAMYCIN LAبجرعه مقدارها 40 ملي تقسم على طرفين وعلى مدى ثلالث اسابيع كل اسبوع جرعه وانشاء الله تفيد

بيض الله وجيهكم

يا محمد بن شريه المطيري

ويا عيد المنصور

على ردودكم المفيده

لكن ودي اضيف بعض الملاحظات التي قد توضح بعض الامور

البعير يوم يضرب تعاشر البل منه من 10 ايام الي 14 يوم ثم تكاسر

والبعير يقول صاحبه انه يطول فوق الناقة ودايم يوم يقوم عن الناقه يظهر من الناقة كمية من الماء

وانا سمعت ان بعض البعارين اكرمكم الله تبول اذا طولت فوق الناقة وبالتالي يفسد الضراب

اتمنى من لديه اي اضافة ان لا يبخل علينا

وشكرن مقدمن

جاري بحث الحاله مع مختصي التلقيح ولنا عوده

بسم الله الرحمن الرحيم

الاخ يوسف

الناقه ما تعطي الاكيد بالمدة التي قلت
الناقه ممكن تشاول ومشاول عشار وهي ما فيها عشار بالمدة التي قلت
ولاكن المعروف انه الناقه تعطي الاكيد من بعد 15 يوم وترد البعير عليها لكي تتأكد انها عشرت

وبالنسبه للبعير ضرابه يطول ولا ما يطول هذا ماله شغل بالموضوع
لان ضراب البعير استشمال اذا البعير استشمل علي الناقه لو قعد دقيقه وقام اتحسب من بعدها للناقه
والموسم بأوله وانت تطبب بالبعير وضربه وعسي الله يرزقك منه
ولا بيعه ويمكن يكون رزقه عند غيرك وانت شوفلك غيره
وابي اذكر موضوع بالنسبه للكسوب محد يحرص على عشارها لانه نسبت العشار فيها 30 بالميه فقط

الاخ يوسف العتيبي يرجى اعطاء الفحل المظادات الحيويه المذكوره بردي السابق لمدة اسبوعين يعني كل اسبوع مره وبعدها يعطى
مضاد التهابات dexaphenylarthriteبجرعة 25ملي لمره واحده

الله لايهينكم على الردود

والله يكتب اللي فيه خيرة

لايوجد اضافه على كلام الاخوان

يا يوسف جرب البعير فالشتا الجاي واذا البل كسرة اما البعير فيه نفس (العين) او انه ما الله كاتبلك نصيب منه , وشوف احدن تعرفه منحه البعير وشوف وش يصير معه اذا انياقه تلاقحة معنا ها البعير مهوب من نصيبك وبيعه عسى الله يرزقك افضل منه , وموضوعك زي موضوع اعيال عمي عندهم بعير يضرب ابلهم وتعاشر ثم تكسر وتضرب من فحل ثاني وتلاقح والبعير نفسه ياخذونه الناس منه منيحه وابلهم تلاقح عليه , وهلحين يبون يبعونه , وقال تعالى في سورة البقرة

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

الله يكون بالعون ويجعل انتاجة من نصيبك

اخوي يمكن البعير فيه فتق بالظهر وهاذي تجي من شل بدنه وهي مثل المشع سبحان الله


وعلاجها مجرب ومطبق على بعير مثل بعيرك

البعير اخذناه منيح ومن يوم جبناه وحنا نضرب شهرين ولاالقح شي

عقبها جانا زول وعالجه

العلاج اللي يسلمك لمدة 15 الى 20 يوم لاقمت تصلي الفجر في الشتاء في البرد اللي يجمد منه الماء

تسبح البعير واكثر ماتصب الماء على ظهره من السنام ووراء

وعسا الله يمنحكم

لايوجد اضافه على كلام الاخوان

يا أخواااااااااااااان الموضوع قديم جداً
والبعير يمديه خرف ..

ههههههههههههههههههههههههههههههههههه ياطلال عز الله انك صدقت يالله الخيره بس والله اني ماعاد قدرت اتنسم من الضحك الله يضحك سنك دوم

ياخي مفروض انه ينقل للارشيف ويقفل عشان ماعاد احد يبحث في المواضيع القديمه