استشارة ورأي الجميع- - عندي فحل منتج من الدرجة الأولى وبمنع الناس منه منعاً باتاً

استشارة ورأي الجميع- - عندي فحل منتج من الدرجة الأولى وبمنع الناس منه منعاً باتاً

استشارة ورأي الجميع- - عندي فحل منتج من الدرجة الأولى وبمنع الناس منه منعاً باتاً ولن أسمح لأي شخص يضرب به نهائي


والأسباب كا التالي:

1- ما أريد أحد يزعجني في وقت الضراب
2- اريد ابلي تلقح على بعيري وبدون مضايقات ولا ازعاج
3- لا اريد أحد ينافسني في المستقبل بإنتاج بعيري على أبل اطيب من أبلي
4- ما أريد اتعب بعيري على حلال الناس وتتعب عراقيبه ويضعف اضرابه
5- يمكن يشين طبع العبير بسبب الملقية اللي مايحنون البعير همهم لقاح وبس


السؤال الأول هل علي أثم في هذا الشئ وهل فيه دليل شرعي يثبت ذلك

السؤال الثاني هل يلحقني ملام الرجال وتشوفون لهم حق يسبوني في المجالس وأستحق هذا الشئ لاني منعت الناس من الضراب على بعيري اللي هو ملكي

السؤال الثالث ماهو الحل في نظركم وهل هناك طرق ترونها مناسبة افتك من خلالها من اللسنة وعيون الرياجيل واتجاوز الاثم إذا كان فيه أثم!!!

في أنتظار أرائكم واستشاراتكم وبكل مصداقية وإنصاح

الموضوع الأصلي: استشارة ورأي الجميع- - عندي فحل منتج من الدرجة الأولى وبمنع الناس منه منعاً باتاً || الكاتب: سالم ال محمد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hsjahvm ,vHd hg[ldu- - uk]d tpg lkj[ lk hg]v[m hgH,gn ,flku hgkhs lki lkuhW fhjhW

[بندر العفيش]

تبي الأجر والعلم الطيب بين الرياجيل لا ترد احد وأكيد لها ضريبه وهي ان بعض ابلك بتقعد حايله وبترهق الفحل وتبا تنحشر انت وبلك والناس تبى العيشه من بعضها

وذا تبي على ماقلت عدم الإزعاج انت حر في مالك

اعرف واحد اذا جاء وقت الهداد شد من ديرته 150 كيلو يقول تعبت من الناس
والصراحه فيها شوي تعب على صاحب الفحل المنتج وخاصه من بعض الناس الي يجيب له انياق ويحجرها بشبك عند راعي البل وكل صبح مصبح الفحل قبل راعيه انا اشوفها قلت حياء المفروض يبعد عن الرجال شوي وذا شاف له فرصه يجيب نياقه
والبعض يخلط البل مع بعضها وطرد ماتطرد

وشكرآ اخوي محمد علي طرحك لهذا الموضوع

وادري انه مو انت المعني بهذا الموضع

مرحبا يااساالم ومشكور اولا على جهودك الراائعه بالمنتدى

ثانيا//هذا حلالك وانت حر فيه لكن الريااجيل يشرهوون لى الرجال اللي مايقدم الطيب وهو عنده والواحد ماهو بخسراان بالعكس يكسب الدعوه الطيبه ومدح الريااجيل وثنااهم ويكسب شهرة فحله عند الناااس وبالاخييير الوااحد حلاله وهو ابخص فيه وحر فيه

واعتذر على الاطااله والاسلوب البدوي الراائع هههههههه

لاهنت

السؤال الأول هل علي أثم في هذا الشئ وهل فيه دليل شرعي يثبت ذلك

من ناحية الاثم ماعندي خلفيه

السؤال الثاني هل يلحقني ملام الرجال وتشوفون لهم حق يسبوني في المجالس وأستحق هذا الشئ لاني منعت الناس من الضراب على بعيري اللي هو ملكي

اي بالله بيلحقك ملام

السؤال الثالث ماهو الحل في نظركم وهل هناك طرق ترونها مناسبة افتك من خلالها من اللسنة وعيون الرياجيل واتجاوز الاثم إذا كان فيه أثم!!!

في أنتظار أرائكم واستشاراتكم وبكل مصداقية وإنصاح


فيه طريقه يعملها بعض ملاك الفحول المنتجه

ان الشخص مايسوق ضرايب الا ثنتين ولايسمح بأكثر من ذلك

صبحك بالخير ياسالم

أنا أجزم ان لو عندك بعير منتج ماراح اترد منه ياسالم لكن انت نقلت معاناة أهل الركاب الطيبة والي صحيح انهم متوذين أذية مايعلم فيها الا رب العالمين وفيه كلمة دارجة عند البدوان لابغيت تدعي على واحد قل جعل ياتيك فحل منتج وياتونك الناس سرى عليه
الحل ياسالم مابه حل مية بالمية ان رفعتها في شارب ون طمنتها في لحية الملامة جايتك جايتك ومرضي الناس كايد
لكن مايمنع من بعض الاحتياطات مثل الترتيب المناسب للسرى من ناحية البعير ووضرايبك وضرايب السرى يعني لازم ايكون لك ترتيب خاص فيك لايمكن لأحد انه ايتعدى عليك كائنا من كان وترتيب ايريح فيه البعير ولايمكن انه ايتغير محافظة على صحة البعير وترتيب ثالث للسرى مع الناس وهذا لابد انه ايكون بشكل متساوي حتى محد ياخذ حق أحد وهذي أنا معك راح تلقى فيها صعوبة شديدة في ترتيبها يعني بيجيك أبو ناقة وحدة وبيجيك الخوي وبيجيك ابن العم القريب والبعيد هذا من غير الطلبات وحبة خشم وحبة عين وهذي أمور محد ايصد عنها غصب على الرجال انه ايوجب لهذا ويداري خاطر هذا لكن الصبر زين ياسالم في الامور هذي
أما من ناحية من ناحية المنافسة فهذي وهايب من رب العالمين وكم من فحل مانتج عند اهله واللي هم لقو عليه جاتهم أندر البل هذي ارزاق ونصيب من رب العالمين سبحانه ايقسمها بين خلقه
وهذي ساقية ماينرد منها وأجر عند الله سبحانه والمسلم ايدور الاجر وين ماكان يمكن يدعيلك واحد من اللي ضربوا على بعيرك وتستجاب دعوته لك ولك فايز بالثنتين من جهن الضراب ومن جهن الدعوه الطيبة
أما من ناحية طبع البعير فهذي لابد انه يكون راع البعير موجود وينشد راع الناقة اللي يبي ايضربها عن الناقة وعلومها أو راعي جيد ايعرف للبل والسبب بعض الناس الله ايهديهم ايجيب المصعد واللي توها والد واللي مابعد يسرت وغيرها وغيرها
والعين ياسالم حق واللي الله كاتبه بياتي لكن الواحد ايتحرص ويتحصن بالمعوذات ويحصن حلاله من اعيون المقرد بالقرايه والادعية الصحيحة وغسال الفناجيل وغيرها

وفي الختام أرجو ياسالم إني افدتك لأني شفت بعيني وسمعت بذني كلام بعض الناس عن أهل الركاب الطيبة وسنعهم هذا ايسب وهذا يمدح وكلن يذكر ماواجه لكن ما أقول الا الله ايعين أهل الركاب الطيبة على ماجاهم
عذرا للإطالة والسلام عليكم

أرحب ياسالم

أولاً : رضى الناس غاية لاتدرك

ثانياً: الإجابة على الأسيلة

السؤال الأول هل علي أثم في هذا الشئ وهل فيه دليل شرعي يثبت ذلك

ماعندي علم بذلك لكن أسمع من الشيبان الأولين يقولون الساقي مايرد منه

السؤال الثاني هل يلحقني ملام الرجال وتشوفون لهم حق يسبوني في المجالس وأستحق هذا الشئ لاني منعت الناس من الضراب على بعيري اللي هو ملكي

نعم بيلحك ملام من الرجال وبقومون بسبك والدعاء عليك بعد فانا سمعت ناس تدعي على واحد ماخلاهم يضربون بالبعير يقولون ((الله لابارك له))


السؤال الثالث ماهو الحل في نظركم وهل هناك طرق ترونها مناسبة افتك من خلالها من اللسنة وعيون الرياجيل واتجاوز الاثم إذا كان فيه أثم!!!

الحل طول الله عمرك وعمر السامعين على طاعة الله هـو

وضع ترتيب للسرى ويكون منظم وهو كما يلي

يبدأ السرى من الساعة الثامنة صباحاً وهومناسب يعني بعد ماتسرح ابلي من المراح إلى الساعة العاشرة أو الحادية عشر حسب رغبتك وبعدها يبقى البعير في شبكه يتعلف وحين ترجع البل الظهر يطلق معها ويتمشى معها إلى الفجر أو الليل إن كان البعير من النوع الذي يوذي فيربط


وفي الأخير أشكرك على إراد هذا الموضوع الذي يشكل حملاً ثقيلاً على أصحاب الركاب المنتجة والله يعينهم على أذى الناس والصبر عليهم

المشاركة الأصلية كتبت بواسطة سالم ال محمد

استشارة ورأي الجميع- - عندي فحل منتج من الدرجة الأولى وبمنع الناس منه منعاً باتاً ولن أسمح لأي شخص يضرب به نهائي


والأسباب كا التالي:

1- ما أريد أحد يزعجني في وقت الضراب
2- اريد ابلي تلقح على بعيري وبدون مضايقات ولا ازعاج
3- لا اريد أحد ينافسني في المستقبل بإنتاج بعيري على أبل اطيب من أبلي
4- ما أريد اتعب بعيري على حلال الناس وتتعب عراقيبه ويضعف اضرابه
5- يمكن يشين طبع العبير بسبب الملقية اللي مايحنون البعير همهم لقاح وبس


السؤال الأول هل علي أثم في هذا الشئ وهل فيه دليل شرعي يثبت ذلك

السؤال الثاني هل يلحقني ملام الرجال وتشوفون لهم حق يسبوني في المجالس وأستحق هذا الشئ لاني منعت الناس من الضراب على بعيري اللي هو ملكي

السؤال الثالث ماهو الحل في نظركم وهل هناك طرق ترونها مناسبة افتك من خلالها من اللسنة وعيون الرياجيل واتجاوز الاثم إذا كان فيه أثم!!!

في أنتظار أرائكم واستشاراتكم وبكل مصداقية وإنصاح

انت اولى بحلالك ولا عليك من احد
اللي يستاهل قوله مرحبا ومسهلا واللي مايستاهل قول له اقبض الباب ولا هوب لاحقك مشروه واذا لحقكك مشروه منه مهوب ناقص من قدرك
ياخي الكريم اما الاثم مافيها اثم من الله وهاذي حطها في ذمتي
الا في حالة اذا اللي جاي يبغي الضراب يبغي يستنفع من لبنها هذا شي ثاني اما انه بيضرب ببعيرك وبينسب حواره لبعير ثاني ولا بيصبح بعيرك مابعد صليت الفجر قبضه الباب
وفي الاول والاخير هذا حلالك واللي يبغي الطيب بيحصله
تقبل مروري

ياسالم آل محمد

الطيب وانا اخوك أخير من الردى ولو انه بيلحق الرجال مشاريه وتعب وسود الله وبيض الله ولكن مايبقى اللا عملك يقول المثل (( افعل والناس يكفونك )) ولا عليك من اللي يحرضك على الردى وفي الاول والاخير هذا حلالك وانت حر فيه ولكن هذي نصيحه ان بغيتها واللا اعتبرني ما قلتها.

واضح ان الموضوع لغرض المناقشه المفيده ولايخصك اخي الحبيب
رأيي استقيه من حديث المصطفى صلى الله عليه وسلم (عن أنس بن مالك رضي الله عنه خادم رسول الله صلى الله عليه وسلم قال : ( لايؤمن أحدكم حتى يحب لأخيه ما يحب لنفسه ) ، رواه البخاري و مسلم .
وفي الجانب الاخر حديث المصطفى صلى الله عليه وسلم //عن أبي سعيد سعد بن سنان الخدري رضي الله عنه : أن رسول الله صلى الله عليه وسلم قال : ( لا ضرر ولا ضرار ) ، حديث حسن ، رواه ابن ماجة و الدارقطني وغيرهما
ولا خير في سلوك ولا عمل يتعارض مع هدي الاسلام وسنة المصطفى
لكن الترتيب والوضوح مع الناس من البدايه مطلوب لئلا يكون هناك مضره على مالك الفحل ويجب على ملاك الضرايب الالتزام التام بهذا الترتيب ولك الحق في منع من يخالف ترتيبك بما يسبب لك ضررا
وتقبل تحياتي

1. السلام عليكم ورحمه الله وبركاته
2. اول الثم نعم اخوي اذ كان لا يوجد بعير غير بعيرك في المنطقه الموجود فيه بعيرك غيره
3. ويصعب على الناس وجود بعير ثاني يكون عليك اثم ملاحضه لا يلزم الان
4. البعير الثاني يكون زين يعني اي بعير مهم يضرب رعي الناقه نقته سالت
5. عنه المشيايخ وجوبوني كذ واعتقد ليوجد محل لا يوجد فيه بعير
6. الثاني اخوي الترتيب زين احسن لا تمناع احد عشان يشتهر بعيرك
7. وانا عندي بعير زين ومتوذي من بعض الناس تصدق يجوني قبل
8. ماتطلع الشمس ولا يخلوني اجلس مرتح عند البلي وحد ضرب
9. اكثر من 30 ناقه ويوم قلت اليوم بضراب ابلي اليوم فقط زعل
10. وجني كلام من جماعته حت خلوني اشد من عندهم

أخوي سالم

اسعد الله اوقاتك

عن استفسارك سوف اخبرك بمالدي وانا ولله الحمد عندي بعير منتج وموجود له موضوع في المنتدى الي هو الفحل نوماس للمالك الشريف غازي محاكيك

وعن تجربه في هذا الشي والعام الماضي تجاوز السرى 200

غير اهل الوحده والي في الدنه يضرب ويمشي

1/ في السماح لناس اتضرب أن شاءالله لك أجر ومن دعوة شخص بيوفقك الله وأهم شي الدعوه الطيبه لك والوالديك افضل من واحد ترده ويقول الله لايبارك فيه ولا في راعيه
2/ اذا حطيت برنامج وافضل شي هو يكون السماح العدد لايتجاوز اربع ظرايب وانت براحتك اقل و اكثر ويكون الوقت من الساعه ثمانيه الي احد عشر وباقي الوقت مع ابلك وفي الاسبوع ثلاثه ايام من الرابعه عصر للمغرب لاهل الوحده والي في الدنه يضرب ويمشي
3/ يكون شبك ابلك مطرف عن اهل الضرايب وفي جهه غير جهتهم وشبك للبعير اثنا السراء بين شبكك وبين شبوكهم بمسافة 200م
4/ الصبر والتحمل وتكون نيتك صادقه لله والناس سواسيه تريح ضميرك ولاحد يكون له عليك شرهه والسراء يرضي الجميع
5/ لابد قبل كل شي تعرف راح يمر عليك كل الفئات الطيب والردي والي يقدر والي مايقدر والي يستحي والي مايستحي ( والصاحي والي معطيها )
والي يستاهل والي مايستاهل والي ينفع فيه الجميل والي ماينفع فيه
المهم لابد يكون عندك القدره على التعامل معهم بكل حكمه وراح يجيك من الكلام الشي الكثير ولاكن أحتسب الأجر
+++++++++++++++++++++

اهم شي لاتمنع الماعون وخل الي يقول يقول وابشر بالخير والانتاج الطيب والله بيرزقك على حسب نيتك قسم اني اتمنى يجي عند الي ضربو افضل من الي عندي بزين نيه

لايوؤمن المؤمن حتى يحب لأخيه مثل مايحب لنفسه
والحمد لله رزقني ورزقهم والي بعد ماولدة ابله الله يرزقه ولايضيع تعبه


ملاحضه

للأخوان الي يضربون عند الفحول ياليت يقدرون ضروف راع الفحل وربي يمر عليه من الاحراج ومن التعب الي مايعلمه الى الله وربي كلام مجرب

وبعد أذن أخوي سالم من هذا المنبر

الي بيضرب الله يحييه مليون والله يرزقه ويمنحه من نفس طيبه وتمنى الخير لكل مسلم



غازي الشريف

ابو ياسر

إخوي الله يرزقك من البعير ويعطيك منه ان شأالله وانت صادق فيه عليك إحراج من الناس ومضايقه وتعب ولكن كلها تهون بقولة الله يجزاك خير فالمعروف اللي تسويه في الناس الطيبه صدقني يبقى لك

طول العمر ومارايح ينسونه لك وصدقني يبي يوفقك الله وتستفيد من البعير فايده كبيره انا اعرف شخص عنده بعير منتج وكان مايرد عنه اي احد والناس تدعو له وصدقني الرجل تبدلت احواله وعين خير

من دعاء الناس انا رايي انك تضرب بعيرك في البدايه وبعدين تعطي اللي يجيك سرى للبعير يضربه اما ليله اويوم وانت ابخص لكن وصيتي لك لا ترد البعير والله يبي يرزقك فوق ماتتوقع ان شأالله

اللهم ارزقني وارزق مني..................... الملام يبي يلحقكك 100% ..... بس ابلك لها الحق ..... وبعيرك له حق بعدم اجهاده .... الترتيب زين زين ..... ويمكن ترفض في حالة ان البل اللي جايبنها لك مش ولا بد يعني ما فيها نسبة زين يمكن تقول تعيب بعيرك.....
وبعدين حسب ما اعرف ان البعير تهده على اباعرك وبعدين بيعه من اجل انتاجه زين وانتاجه ببناته يجي مش ولا بد
.................
الأزعاج جاي جاي بس يازين الفرحه على اهل النياق اللي اضربهن البعير والدعاء الزين .......
يعني اباعرك اولا ..... وراحة بعيرك ثانيا...... وخل المسلمين يفرحون ثالثا

والله يوفقك ويبارك لك ببعيرك

الشكرك اخوي على طرح هذا الموضوع
1_انا اقول الي يبغي الخير لا يرد الناس من بعيره
((احب لأخيك ماتحب لنفسك))
2_ لابد ان يضع تنضيم بحيث انه مايفتح السرى الا بعد ما يضرب ابله
3_ ان يجعل فترة الصباح للملقيه وفترة المساء له
وانا اشوف ان هذا ممتاز جدا
والشجاع منجى والكريم امعان

السلام عليكم ورحمة الله وبركاته

اخوي سالم موضوع جميل للنقاش واشكرك على مقدمته الذكيه تدل على شخص ذو عقليه كبيره
انا مراح اجاوب على الاسئلة المطروحه ولكن بحاول الدخول في صلب الموضوع بشكل مباشر
من وجهة نظري لايجوز منع البعير عن المسلمين فهذا وهبه من الله عز وجل ويجب
على صاحب البعير السماح به للمسلمين لما في ذلك من فائده ولكن يجب احترام صاحب الفحل وتقديره
وبشكل اوضح ماتضغط على صاحب البعير وطلبه فوق طاقته
مثل ما انت تبي البعير فما بالك بمالك البعير وربعه واخوانه وجماعته لهم حق فيه ايضاً فهو ملكهم
ولاهو حق تظلم بعيرك وتضره بالضراب انا اعرف اثنين من ملاك الفحول الطيبه وكلها اسنانها ثنايا وفيهم ذيبه ( هزه قويه ) ياخذ على الناقه ساعه على مايبرك فوقها
وهذي بداعي ان صاحب الفحل يقول خل المسلمين تضرب على الفحل مانيب راد احد
هنا صحيح انت مارديت احد ولكنك كسبت اثم البعير ومضرته الي حصلت
له وهذي بهيمه وفي ذمتك راح تسأل عنها يوم القيامه
قبل فتره بسيطه اتكلم مع شخص من اهل الفحول في المنطقه ولديه قعود من سلالة وحيدان الله يبارك فيه يقول العام الماضي رجل ساق على هالبعير 15 ناقه في يوم واحد يبي يضربها كلها ولا اضهرها لين البعير اضرب منها 9
وبعدها جوه اهل الحلال وقالوله انت وين محلك ووين عزبتك قال في هالموقع قريب منكم قالوله ليش ماتجيب كل يوم ناقتين وتضرب لين اتعاشر ابلك كلها ماعندنا مشكله ولكن مانبي نضر الفحل
هل يعقل هذا الكلام 15 من رجل واحد ولما شاف القعود يضرب مارحمه ( جلد مهوب جلدك جره على الشوك )انزين واذا كان الفحل مضرب في امهاته قبل يجيه هالرجال انا اشوف انه خطأ من راعي البعير قبل الرجل هذا الي ساق ضرايبه

والي يحاول ينسق مع الرعيان ويعطيهم مبالغ ويسروون له البعير في الليل للي مشغول عن بعيره
والي اذا اضرب ولقحت ناقته وجابت لها حوار زين نسبه لغير بعيرك اما قال على بعير عنده او على بعير واحد من ربعه يعني بعيرنا انتج وهذا انتاجه عندنا في المراح
والي يسوق للفحل عدد هائل في يوم واحد يبيه يضربها كلها والي يسوق ناقته مهيب ميسر ويعطرها والي يبرك ناقته لقعود غشيم وهي مهيب ميسر
ولا يخلي القعود يضربها بس علشان البعير الي عندك لياشم ريحة البعير الثاني فيها يطير فيها
انا بديت في موضوعي بصاحب البعير وقلت مايجوز انه يمنعه ومن ثما تطرقت للي يبي الضراب وتطرقت للبعض منهم وليس كلهم فمنهم الرجل الخيير الي يدعون له المسلمين بالتوفيق
حبيت اتطرق لبعض الخداع الي يسوونها اهل الحلال الي يبون الضراب لمحاولة تدارك ذلك لما فيها ضرر على البعير ولتعم الفائده لان الموضوع طرح للفائده مثل ما استفدت انا من طرح الاخوان هنا
اما الحل المناسب فهو لاضرر ولا ضرار

هد بعيرك في امهاته لين يوسم فيها واليا تعاشرت منها 10 ولا حوله فكة للمسلمين وعينك عليه بعيرك وغالي عليك وانتبه له ماحد راحم احد ترى انكانك تبي تفكه وانت منت حوله ترى اثمه مراح يجنبك في ذمتك

ولاحد نافعك لامن بعيرك تعب سولك سراء في النهار والطريقه المناسبه الي تريحك وخله لين يضرب في النهار اربع او خمس ورده لامهاته ولا اربطه وفي الليل خله للي يبي يعرض له ناقه ولا للي شاد

وحدد ثلاث ولا اربع ايام في الاسبوع او خمسه على حسب كثر الي عندك وخل الايام الباقي و خل الايام الباقيه لك ولحلالك او تعطيها لمن يعز عليك

وتسلم ياسالم واسمحولي على الاطاله