رايكم ياهل العرف بالتهجين بين المجاهيم والمغاتير!!!

رايكم ياهل العرف بالتهجين بين المجاهيم والمغاتير!!!

السلام عليكم ورحمة الله وبركاته


اخواني اعضاء منتدى مزاين

ابغى رايكم في التهجين بين المجاهيم والمغاتير

يعني افضل طريقه لمالك الابل المجاهيم الطيبه هل هو ضرابها بفحل اوضح ام شراء الوضح افضل

وأرجوا لمن لديه اطلاع على تجارب تهجين مجاهيم بفحل اوضح يخبرنا كيف كان طرح الفحل الاوضح على الابل المجاهيم وهل يعيب الوضحا بنت المجهم هذا التهجين عند البيع .



وتقبلوا مني اجمل التحايا

الموضوع الأصلي: رايكم ياهل العرف بالتهجين بين المجاهيم والمغاتير!!! || الكاتب: فهد العضياني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

vhd;l dhig hguvt fhgji[dk fdk hgl[hidl ,hglyhjdv!!!

اخوي فهد تقول
يعني افضل طريقه لمالك الابل المجاهيم الطيبه هل هو ضرابها بفحل اوضح

المجاهيم الطيبه ان ضربتها اوضح دمرتها والعكس صحيح

وهاللونين بالذات ماينفع التهجين بينهم
لان مميزات لون تعتبر عيوب في اللون الثاني

بن موطان

بارك الله فيك على ابداء الرأي

وشاكر مرورك العطر

انكان عندك مجاهيمً طيبه وتبي مغاتير بعها .. واشر مغاتير ..

لاتدمرها وتهد فيها اوضح .. اكثر عياله بتجي بغث وزرق ...

....

أخوي فهد شكرا على طرحك الموضوع الجميل

وبالنسبة لي كانت لي تجربة ذالك في ناقة مجهم طيبة على فحلين وضح
الاول جابت علية صفراء والبعير الثاني اول ماولدت كانت بنت وضحا بردة ثم قلبت وضحا فيها دخنة واللحين فيها شقاح ووبرتها مثل وبرة المجاهيم منسلة
وفيها أيضا شعره سود ولا شفتها تقول مجهم اللهم اللون فااارق
واللحين كلهن خلفات عندي الام وبناتها
وظربتهن بفحول وضح
الصفراء أنتاجه وضح ويجي في روسها مثل العطار
أما الشقحا أنتاجها الاول وضحا وأنتاجها الثاني صفراء مغاتير
ملاحظة
لاحظت ان كمية الحليب مثل كمية حليب المجاهيم

الاخوان
مشعل الشويش
ونواف الدوسري

الله يعطيكم العافيه وبيض الله وجيهكم

التهجين صفر ثم صفر لاتعدم ابلك

ساجر كيف صفر ياليت توضح

المشاركة الأصلية كتبت بواسطة فارس الشيباني

ساجر كيف صفر ياليت توضح

طال عمرك وقصر عمر معادينك
صفر يعني عدد وليس لون أقصد أن التهجين لاينتج عنه الاالخساره والي بها عرق مجهم واضحه والعكس صحيح وأتمنى أن لا احد يهجن

مرحبا بك يا فهد
وصراحه موضوع التهجين صعب ويبي له صبر
وانا اذكر لك تجربة شايب ابله كانت مجاهيم كلها
وتقييمي لها مافيها ناقة عشرة الآلآف
واستهد فيها فحل اعفر من فحول الامير سلطان بن عبدالعزيز
وخلاه يثعى فيها وجاب العفرا وجاب الزرقا وجاب الكدرا
خذا له يمكن عشر سنين تقريبآ وهو يعدل فيها والمجاهيم باعها الاوله
المهم الحين البل كلها عفر برده مامعه الا ندر بسيط شقح وطيبه ويبيع من الحيران بالستين الف وزوود
الله يبارك له فيها
تقبلو تحياتي جميعآ

المشاركة الأصلية كتبت بواسطة محمد بن صنهات

مرحبا بك يا فهد

وصراحه موضوع التهجين صعب ويبي له صبر
وانا اذكر لك تجربة شايب ابله كانت مجاهيم كلها
وتقييمي لها مافيها ناقة عشرة الآلآف
واستهد فيها فحل اعفر من فحول الامير سلطان بن عبدالعزيز
وخلاه يثعى فيها وجاب العفرا وجاب الزرقا وجاب الكدرا
خذا له يمكن عشر سنين تقريبآ وهو يعدل فيها والمجاهيم باعها الاوله
المهم الحين البل كلها عفر برده مامعه الا ندر بسيط شقح وطيبه ويبيع من الحيران بالستين الف وزوود
الله يبارك له فيها

تقبلو تحياتي جميعآ

كلامك صح لكن لو هلبعير هده في وضح اصل مكانت قيمتهن بستين كان كانن بلميات وتلقا مالهن رونق الي أصلهن مجاهيم وأناضد الي يهجن والمهجنه ماخذه بريال وأحد

الله يعطيكم العافيه على الإيضاح

وبيض الله وجيهكم

واتضح لي من خلال الردود ان التهجين بين المجاهيم والمغاتير غير مفيد

شريت ناقه مجهم خيار وكانت لقحه على مغتر
جابت اشقح ماله وصف في صفات المجاهيم ولكن لونه اشقح وسحبته من تحتها وعلى السوق
وش تسوي بمجهم اشقح؟؟
الاذن اكبر مشله في هالموضوع
تقبل تحياتي

ذولي بكار خوات من الام امهن مجهم وابوانهن وضح

أنا ضد التهجين اذا كان القصد تهجين. وانا ضد الأسرار الباكستانية تدخل في ابلنا. المجهم فحلها المجهم. والمغتر فحلها الاوضح. والباكستانيه فحلها منها وفيها. هذي وجهة نظر