الناقه تحن وخاطرها شين ولعاد تاكل

الناقه تحن وخاطرها شين ولعاد تاكل

ياربع عندي ناقه خلفه لها يومين وخاطرها شين

وتحن ليل ونهار حنين مايسمعه الا الي يقف جنبها

وحليبها نقص واجد تقول بتغرز اضافه الى انها منطبقه

ضمر بطنها في يوم وليل
ومعاد تاكل من الرودس الا على خفيف
ياليت الي يعرف ولا مر عليه مثل هالحاله

يرد لي الله يجزاه خير

مع العلم ان صحتها كانت قبل زينه وقمت اعطيها برسيم على خفيف في اليل لمدة ثلاثه ايام وقطعته عنها

الموضوع الأصلي: الناقه تحن وخاطرها شين ولعاد تاكل || الكاتب: فهدبن سعود العتيبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgkhri jpk ,oh'vih adk ,guh] jh;g

انا مر علي بس والله مدري

اذا الناقه وهي تمشي ترفع راسها بزود وتمد رقبتها

ترى في حلقها البلا اما عود مدقر والا كيس

ولاتاكل ابد

افتح فم الناقه وغرها بمويه كب الماء كب بقوه وارفع راسها فوق وهزها عشان ينزل لا يطلع الماء

وجب لك تمره اعجنها خلها كنها شعثه لا تكبرها مره اصغر من الشري(الحدج) بشوي وادهنها بزيت زيتون وارمها فحلقها ونفس الشي

هزها وارفع راسها فوق ولحقها بمويه بعد

وانشالله تبرى

انا كان ندي كذا بس ما عرفت الطريقه الا بعد ما فات الفوت

والله يشفيها لك

عن الشك ضروري عطها ابرة الهيام الفرنسيه السميلرسان يفيدها ولا يضرها ان ما خاب ضني ابو المناحر بدايته كذا بعدين يورم بطن الناقه من قدام الديد والا مع منحرها واعزل الحوار واحلب له من ناقه ثانيه
ان شاء الله اني غلطان

[ناصر اليامي]

الناقه حويرها صحيح وبخير وعافيه ؟
اذا كان الحوير هازل وحاله ردي تراها تحن لفرقاه
واحب اعطيك معلومه ان الناقه المصغر تدري بموت حوارها قبل ثلاث ولا اربع ليالي
وان كان ناقتك ماهيب مصغر قرب منها البيطري وهو اللي يقدر يفيدك

الناقه فيها السقي عطها ابره الهيام

ولقام داخلها ثوم وكثر الثوم في اللقام

هلا بالجميع واسف على عدم الرد لانشغالي

واشكر كل من شاركـ

الاخ محمد الروقي يعطيكـ العافيه ولكن مافي حلق الناقه شيء وجربت طريقتكـ لتاكد واكرر الف شكر

الاخ محمد سالم اليامي الشكر موصول لكـ وعطيتها ابره الهيام الفرنسيه وبعد فتره عطيتها الهنديه وللاسف مانفع واكرر لك شكري

اخوي ناصر اليامي الحوير صحته طيبه وعمره شهرين ونص بس مهو هذا السبب ولك الشكر على المعلوومه

الاخ سعيد بن هليل كنت اظن ان فيهاهيام وعطيتها ابرة هيام فرنسيه وهنديه وجبت الدكتور بس للاسف مافاد يقول دم الناقه سليم والمشكله ممكن تكون داخل بطنها


والناقه الحين وضعها كل ماله في اسواء لدرجة انها بركت لها اكثر من اسبوعين واذ قومتها بالونش تقوم وتمشي بس لابركت معاد تقوم والحين لها اسبوع باركه ماخليت عنها طب

حتى الدكتور جبته وتحير اعطها اقوى انواع المضاد وعطاها البنسلين وعطاها مقويات مانفع والنافع الله

كويتها كويت الشوكه المقدم والكلى وعطيتها رشاد وحبه سوداء وثوم وزيت سمسم بس نفس الشيء الحاله ماتغيرت

احترمت جميع الاكل حتى الشعير كنت تاكله والحين معاد تاكله الوقت الحالي تاكل مكعب على خفيف

وتوهنت معاد تقوم دايم على جنبها الايسر ومستدخله ثفنتها اليسرى والظاهر والله العالم ان الي صابها عين وعلى ماقالو الي فيه نصيب مايكله الذيب

عموما الناقه الظاهر مواته واوردت هذي المعلومات للفائده والمشاركه وأسال الله الا يريكم مكروه ويبارك لكم في حلالكم
ولكم خالص شكري

وهذي صورتها قبل المرض وبعده

الله يشفيها
ويسد عين اللي نظلها كانها منضوله ويكفينا وياكم شر الشياطين

مساء الخير اخوي فهد الناقه لها وصفه عندي وانشاء الله تطيب جب جركل مويه ثلاثه لتر وحط فيه مقدار كاسة شاهي من الحلبه حب وكاسة رشاد حب وكاسة حبه سوداء حب وكاسة فلفل اسود حب وحط معها قرن حلتيته وقرن مره وشوي صن وبر مطحون وحط عليها مويه في الجركل حتى كرابه بحيث تقدر ترجه كل فتره وخله 24 ساعه في ضل وبعد ذلك قطع ثوم حوالي 6 حبات كامله قطعها قطع صغيره وحطها في قدر ولا طاسه وصب الي في الجركل معه بحثله وابدا فركه لين يذوب مع بعض بعدها صبه في فم المبروكه وكررها بعد اسبوع وبعد اسبوع يعني ثلاث مرات وحاول يكون اول النهار وان كان فيها طعمه بتبرا ونسمع اخبارها منك وترا على فكره انا مجرب العلاج هذا

اضرب الناقه ابرة جرح يوم بعد يوم وعطها محلول من عند البيطري

وسمها وسم الجرح من يمين ومن يساروشافي الله