الدجاج والقردان

الدجاج والقردان

هل الدجاج ينفع اشترية وحطه عند الابل علشان القردان

هل فعلاً بستفيد منة

وهل منه مظار

الموضوع الأصلي: الدجاج والقردان || الكاتب: فالح فلاح || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hg][h[ ,hgrv]hk

والله يا أخوي فالح كثير جربوا وفادهم الدجاج.

بصراحة ما جربت .

والسلام عليكم.

يافالح إجابه على سؤالك مره من المرات سيرة على رجالً شرواك وجيته وتقهوينا وبعد ماتقهوينا قال مشينا بوريك الفحل ويوم جينا الفحل كان مربوط وكان عنده دجاجه تنقش من خفه القرد والفحل مقاردن لها (( فالدجاجه مخاطره بنفسها مالقت ألا خف البعير )) فلذلك الدجاج فائدته كبيره
(( للقرد ))

(( للحلم ))

(( للخمله ))

(( للعقارب ))

البل ادنا ما جفلها

والدجاج مجنون مزعج وكانها على القراد والحلم

فا اشتر لك بخاخ وحط ماء مع جاره وخل العامل يرشها

الا حط لك اكبر عدد من الدجاج وفوائد كثيره

الله يعطيكم العافية خلاص انا شفت الفايدة بعيني

المشاركة الأصلية كتبت بواسطة فالح فلاح

الله يعطيكم العافية خلاص انا شفت الفايدة بعيني

يعني تنصح به يا بو فلاح ؟

البخاخ ما فاد

الدجاج بعد يصيح لي جاها داب

وايضا الدجاج خاصه البياض يفيدك في اطعام الصبيان منه

وماتكلف اكلها من خشاش الارض واي شي زايد عند الصبيان

مجربه ونافعه بالنسبه لي ..

بس يبالك تعلمها الادب .. لانك من تحط علف " شعير او اي شي للابل .. تنط حظرتها كانها مدعوه للعزيمه .. وبعد ما تخلص .. حشاك تعشي الابل بقايا بطنها " اجلك الله " ..

بس تبي نصيحتي ..

خذ لك دجاج خيبر ... تراها ما تخلي شي ما تاكله ما شاء الله عليها .. انا جبت دجاج عمانيه سوت لنا حفله في العزبه .. ومن جبت دجاج خيبر ارتحت وحتى انهن علمن باقي الدجاج الطلعه من العزبه والتنظيف حولها .....

انا والله ماعندي دجاج بس جاري عنده في العزبه دجاج ويمدحة بس كأنك تبيه عشان القردان والحلم والخمله فخذلك دجاج بس حطلك شبك اذا جا العج يطيرهن ويذبحهن والقيض يذبحهن

بس اذا اجتمع القطو والدجاج راحت على الدجاج اذا جيرنك عندهم قطوا راحه فيها الدجاج

هذا الكلام من زمان يا فيصل أن القطو ياكل الدجاج أما الحين
( راحوا الطيبين)
ههههههههههه

اما عن تجربتي

اذا عندك مراح يلزمك اثنين

قط ودجاج

واذا البل والفت الشي والله لو تجيب معهن بقره

هي على الولفه والتعود

فوائد القط والدجاج ما لها حد

نم وانت وامن

بعد اذن الله لا تشوف قردان ولا فيران

والدواب والحيايا تجي على الفار
واذا قضيت على مصدر الدواب قضيت عليها

واما العقارب حدث والا حرج اذا شافها الديك

تلقاه يعرض عرضه اذا شاف عقرب

لا ولا يعطيها الى ازين حرمه عنده

وازيدك من الشعر بيت

القط ينوم بعض الاحيان في شبك الدجاج

وياويل الثعل اذا قرب عليهن

واذا في مراحك عامل هندي

فتراه ينبسط من الدجاج
خصوصا انهم يحبون الشكشوكه
على الصبح
عكس السوداني

الدجاج زين وله فوايد كثيره بس المشكلة يوسخ اعزكم الله يروح للكبره أو تنكر ويعفن فيه وعند الشديد يومك طرد بطرد امسك ديك ومسك دجاجه لين يومك متعومس ومن ناحية القط له فوايد في قتل الفيران وله مشاكل في وقت الليل يطرد الفار في حوش الابل وتدك الابل وتهج

الدجاج فوائده كثيرة ما قصروا الاخوان ينظف الحوش حتى دمن البل اللي تاكل شعير وحتى العامل يظمن فطورة من البيض
لكن عيبه يجذب الديبان للحوش من بيضه

بندر

النار ما يطفيها الى الماء

جب قطو احسن واحسن
لا داب ولا جراذيه ولا فيران