الناقه ماتت وش علتها يا وجيه الخير

الناقه ماتت وش علتها يا وجيه الخير

السلام عليكم ورحمة الله
صبحكم ومساكم الله بالخير
ياجماعة الخير عندي ناقه مجهم لقحه مقرب ماتت قبل البارح ما ادري وش علتها
جيتها قبل ما تموت بيوم وهي نفسها منسده ويالله تشيل نفسها ومغير باركه عند حوض الماء
وهي على هالحال لها ثلاث او اربع ايام على كلام الراعي ومن جاها الي جاها وهي مخورمه خواريمها
انا قلت يمكن انها مقرب مير يوم اصبحنا وهي ميته وش علتها ياجماعة الخير يا اهل الخبره

ملاحظه:
واحد من الربع يقول ان المجاهيم اكثر امراض وخراريج واكثر حالات النفوق بالمجاهيم والأعمار بيد الله سبحانه
من يأيد كلامه ؟ ومن يعارض

الموضوع الأصلي: الناقه ماتت وش علتها يا وجيه الخير || الكاتب: الحميدي السبيعي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgkhri lhjj ,a ugjih dh ,[di hgodv

الله يعوضك خير منها ناقتك ةوالله العالم لحقها هجيج وهي متلي ومات الحوار في بطنها وتعسرت به في الولاده والناقه اذا الحوار ميت ماتقدر تزحر به لو شفت لها طبيب شعبي بصير يدس عليها ويظهر الحوار حتى لو مقطع كان هذا العلاج
ويفيدونك الربع الي اخبر مني

لا هنت وبيض الله وجهك يابخيت ننتظر ردود الاخوان

دامها باركة عند الماء والعلم عند الله

وعليكم السلام

اعتقد والله اعلم انه تسمم

والمسمومه تشرب بكثره من الماء حتى تموت