مدري تفو مدح ولا شتيمه

مدري تفو مدح ولا شتيمه

سهرت حــتــى وردنـي تالـي الـليـل جــوال = وانا على شاهي وبسكـوت ديمـة
الرقم بايخ لكـن الــصــوت قــتـال = كنــه مثل صـوت المذيعـة حليمـة
قــالت مساء الخير يـا طيّـب الفـال = قـلـت ارحــبـي تــرحيبـةٍ مستديمـة
بـالـعــود والصفـري ودلـة وفنجـال = واجـبـك يا بنت الأصـول الكريمـة
وردت بضحكة ثم قالت وش الحـال؟ = قلت اشهد إن الحال عقبك سقيمـة
قالت وهي تضحك بعد مثل الأطفال = وانـــا بـعـــد كــنــي بــدونـك يتيمـة
مـــن يـوم قـالـتهـا تزلزلـت زلـزال = مــن فجعتي كنـي مسـوي جريمـة
قلت ارفعي صوتك ترى مابه ارسال = كـــذاب لــكـنّ المصيبـة عظيمـة
قالت أقول اسمع ترى هرجنـا طـال = مــمكـن تصاحبنـي ترانـي وسيمـة
واسمي الحقيقي أول حروفـه الـدال = لــكـــن يسمّونـي البنـات الزعيمـة
صحيح أحب الفخفخة واعشق المال = لكـن ترانـي طــاهــرة مستقيـمـة
ما عندي امغازل ولا( لعب يهّـال ) = ما عندي إلا في الشرف والحشيمـة
بس الصراحة قلبي لشوفتـك مـال = واصبحت وحدك جالسٍ في صميمه
فكّر بعقلك واترك القيـل والقـال = واحذر تطيع اهل العقـول العقيمـة
وارسل علي الحين خمسميـة ريـال = أشحن بهـا جـوال أختـي غنيمـة
أو طقم غالي فيه خاتـم وسلسـال = أروح بـه فـي عـرس ولاّ عزيمـة
قلت الحقيقة مانيب رجـل أعمـال = ولانـي بتاجـر والمـوارد عديـمـة
أنا الصراحة شبـه عطّـال بطّـال = وعلاقتـي بالفــقـــر جـداً حميـمـة
والراتب الله يرحم الحـال مـا زال = محـدود والمصـروف ربـي عليمـه
والــديـن بـالآلاف والبنـك شغّـال = يــاكـل فـلـوسـي بالربـا والظليمـة
والسوق طايح والغلا ضيّـق البـال = والموت والله صايـر اكبـر غنيمـة
قالت تحمّل بـس والحمـل ينشـال = خلك شديد الباس صلـب العزيمـة
ياخي تصرّف جعلك اتصيـر نشّـال = أهـــــم شــي إن النوايـا سليـمـة
لابــد تـفـهمني علـى كـل الأحـوال = ما دمت من أهل العقـول الفهيمـة
قلت إيه والله فاهم اللي على البـال = لــكــن تــرى هـذي علينـا قديمـة
يــا بـنت هـذا صايـر اليـوم مـوال = للي تبي تلعب علـى ابـن اللئيمـة
يا بـنــت ما تدرين كـم فيـه محتـال = يلعب على الحبلين وانتـي غشيمـة
يا بنت كم من جاهلة دمعها سـال = من عقب ما جات العواقب وخيمـة
والبنت لا اقتفى عرضها بيد الأنـذال = والله مــا يــبـقـى لهـا أي قيـمـة
قالت تبي ولاّ فـ خـلّك علـى جـال = مهوب ناقصـني نصا يـح حكيمـة
عز الله إنك للأسف منـت رجّـال = وانك قليل الذوق ما فيـك شيمـة
يا لعنبو اللي مـا يسطّـرك بنعـال = حــتـى يـعـلمـك الغـزل يـا بهيمـة
( تفو ) عليك وصكّت الخط في الحال = مدري ( تفو ) هي مدح ولاّ شتيمـة

الموضوع الأصلي: مدري تفو مدح ولا شتيمه || الكاتب: مانع الدوسري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

l]vd jt, l]p ,gh ajdli

صح لسانك
لاهنت على القصيده

الله يعين

صح الله لسان الشاعر

قصيده طريقه لو الله فاكها من التفال كان هي بخير

لاهنت يا مانع

صح لسانك ولسان قايلها يا مانع

تقبل تحيتي

صح الله لسان الشاعر

ولاهنت يا مانع

لاوالله الامدح يا طيب الفال....ماهيب سب الا غناة وغنيمه.
صح الله لسان الشاعر والناقل

صح لسان شاعرها تقبل تحياتي

لاهنت يامانع على القصيده بس ودك ان شطر البيت الاول على الوزن
لوكان ( ساهر وجاني تالي الليل جوال) كان احسن

صح لسان شاعرها .. ومشكور أخوي مانع على القصيدة .

ولكم تقديري .. ابوعبدالرحمن

لاهنت ابو سعود على القصيدة

وهل هي لك

وتقبل تحياتي

الله لايهينكم على المرور الطيب وصحة ابدانكم جميعن

اما بنسبه يابو محمد القصيده ماهي لي حصلتها ونقلتها لكم وللاسف ماعرف من هي له

والراتب الله يرحم الحـال مـا زال
محدود والمصـروف ربـي عليمـه
والديـن بـالآلاف والبنـك شغّـال
ياكـل فلوسـي بالربـا والظليـمـة

الله لايهينك على القصيده وصح لسان من قالها