10 / 06 / 2013, 18 : 02 AM | #23 |
أخصائي أمراض الابل تاريخ التسجيل: 07 / 06 / 2013 المشاركات: 196 معدل تقييم المستوى: 151 | رد: السلام عليكم ورحمة الله وبركاته اقتباس: المشاركة الأصلية كتبت بواسطة مشعل البرقاوي الله يحييك يابوشافي بيـن أخوانك وفي منتداك , سعدنا بهالأنظمام الكريـم من شخصك الكريم رفع الله منزلتك , وجزاك الله خير الجزاء , وبيض الله وجهك .. هذا الموضوع محل اهتمامنا .. .. عندي استفساريـن . الأول : جذعه وضحا ميّسر للبعير وتجيه لين تبرك تحته ولكن ما كتب لها الله لقاح اضربتها اكثر من خمس مرات متفاوته , وقطعت عنها , ولذا الحين ماكتب لها الله لقاح وأذّت البل تركب عليها ياليـت تعطينا نصيحتك و توجيهك في مثل هذه الحاله . .. الاستفسار الثاني : ناقه شريتها معشر , بعد ناصفت فاللقاح قلّ اكلها وشان حالها وتغيّر نظرها , خفت لا اعطيها ابره لإنها لقحه من بعير عليه ملايين صبرت لين انتجت , جابت حوار ناشف جلد وعظم فقط , سحبته بعد ايام على ناقه غيرها والحوار الآن بفضل الله في أتم الصحه والعافيه بعد سحبت حوارها بكم اسبوع دقيتها تروماسين , وكررت الجرعه .. وعطيتها شراب الديدان وكررت الجرعه وعطيتها بعد ذلك ابرة الهيام افضل نوع ولانفع وعطيتها ابرة الجرب وكررت الجرعه .. .. ومازالت الناقه مريض وناشفه ووجها متغير وبطنها يخفق | اخ مشعل بالنسبة للجذعة احتاج الى معلومات اكثر لان تدري موانع اللقاح كثيرة ومتنوعة ابتدا من طفلي المهبل بحكم انها جذعة مرورا بالاتهابات الرحمية والصديدة وانتهأ في لخبطة الهرمونات وهي الاصعب على الاطلاق لان ترتيبها يكون على النحو التالي هرمون الاستروجين للشبق هرمون البروجسترون لتهيئة الرحم لستقبال البويضة الملحقة وقمس البيوضة في احد قرون الرحم هرمون اللوتييني LH لنمو حويصلة للتبويض وتفجيرها و هرمون FSH و البروستاغلانديين بعد خروج البويضة من المبيض لقناة فالوب بحكم عمل تقلصات واخيرا ارتفاع هرون البروجسترون بنسبة عالية لجعل جسم اصفر على المبيض لمنع البويض مرة اخرى بحكم لقاح الناقة ويستمر افراز هرمون البروجسترون بنسبة عالية من يوم 14 للقاح الناقة ( وهذا الي يخلي البعير يشم الناقة اللقحة ويجنب عنه) لدعم بطانة الرحم والمشيمة ايضا حتى اخر ايام الولادة ويقل هرمون البروجستروون تدرجيا ويرتفع هرمون الاوكستيين لفتح السيرفكس ( عنق الرحم ) ويرتفع ايضا هرمون البروستاغلانديين لعمل تقلصات في الرحم ( الطلق )لكي يخرج الحوار وتتم الولادة بختصار ان كانت المشكلة في لخبطة الهرمونات لايحدث اللحاق الا بعد ترتبيها سوا طبيعا او صناعيا اي دوائيا اما بالنسبة للخلفة الي جابت حوار ناشف ,, ابي منك تشوفلي حدقة العين وتحت لسان الناقة وحيا الناقة و توصف لي لون الاغشية الداخلية مبظوط لان له دور كبير في التشخيص هل هو اصفر ام وردي باهت ام احمر حالة حال اي ناقة سليمة |
| |