 رد: ســجــل د خــو لــك بــ بــيــت شــعــر ,, { مــتــجــد د }
أبطيت اجاهد شهب الايام في زود*** وفي كل يوم الصبر عز الرفيقي
أسلي الخاطر بتوديهت الذود **** والقلب جرحة يالسنافي عميقي
أسج وادله كل ماهبت النود *** وارسم ملامح ام زين(ن) رقيقي
وضح(ن)لها التقدير في خاطر العود***ومن زود تقديرة غلاها دفيقي
يدفق من الصمام للعرق ويعود*** هاذي هي(العشواء)غلاها حقيقي
العزوة اللي ورثت عود عن عود*** اصاله الحاضر وماض(ن)عريقي
يشهد لها التاريخ بالعز والجود**** ونرسم مماشيها برسم(ن)دقيقي
من شان مايشمت بها كل مقرود****ويفرح بشي(ن)يحسب (أنه) يعيقي
مايدري ان(ألها)قوانين وبنود ****ولايدري ان الساس ساس(ن) وثيقي
أخوكم... مرداس بن محمد المقاطي __________________  |